Pariangan, Pariangan, Tanah Datar
0°25′59″S 100°30′18″E / 0.433098°S 100.50499°E.
| Pariangan | |
|---|---|
| Nagara |  Indonesia |
| Provinsi | Sumatera Barat |
| Kabupaten | Tanah Datar |
| Kecamatan | Pariangan |
| Laweh | 17,92 km² |
| Panduduak | 5,624 urang (2010) |
Pariangan adolah sabuah nagari nan talatak di kecamatan Pariangan, Kabupaten Tanah Datar, Provinsi Sumatera Barat. Nagari ko talatak di lereang Gunuang Marapi, katinggian 500-700 meter di ateh pamukaan lauik. Manuruik Tambo Alam Minangkabau, Pariangan adolah nagari nan paliang tuo di Ranah Minang.[1]
Latak jo geografi
[suntiang | suntiang sumber]Nagari Pariangan barado di lereng Gunung Marapi, di ketinggian antaro 500–700 meter di ateh permukaan laut. Udaro di nagari ko sejuk jo tanahnyo subur. Pariangan barado kurang labiah 95 kilometer dari Kota Padang jo 35 kilometer dari Kota Bukittinggi. Daerahnyo barupa bukik jo sawah nan barundak-undak, nan manciptokan pemandangan alam nan rancak bana.[2]
Nagari Pariangan talatak di Lereng Gunuang Marapi, tapeknyo di Kecamatan Pariangan, Kabupaten Tanah Datar, Provinsi Sumatra Barat. Lokasinyo bajarak 95 kilometer dari Kota Padang, 35 kilometer dari Kota Bukiktinggi. Nagari Pariangan talatak di antaro Kota Batusangkar jo Padang Panjang. Nagari Pariangan mampunyoi lueh sakitar 17,97 kilometer pasagi.
Nagari Pariangan mampunyoi Kaindahan nan sangaik asri, dipajalanan Nagari Pariangan banyak tadapek sawah nan subua sarato batang kayu nan rimbun, satiok bajalan satiok itu pulo basarobok jo rumah gadang.
Asal Usua jo Sejarah
[suntiang | suntiang sumber]Sasuai jo tambo adat, Pariangan diyakini sabagai nagari nan paling tuo di ranah Minang. Dari nagari ko lahir duo ninik nan penting dalam tambo Minangkabau: Datuk Ketumanggungan jo Datuk Perpatih Nan Sabatang, nan mamuncuakkan dua sistem adat Koto Piliang jo Bodi Caniago. Dimaikkan jo kato adat :“Dari mano titiak palito, dibaliak telong nan batali, dari mano turun niniak moyang kito, dari lereng Gunung Marapi.” Di Nagari Pariangan ado sabuah situs tuo nan penting, yaitu Prasasti Tungku Tigo Sejarang. Batu nan tigo itu diyakini dibuek pado tahun 1340 M pado masa Rajo Adityawarman sabagai lambang permufakatan adat di Minangkabau.[3]
Budayo jo Adat
[suntiang | suntiang sumber]Masyarakat Pariangan masih kuat manjalankan adat Minangkabau nan basandi syarak, syarak basandi Kitabullah. Sistem matrilineal masih dijago, di mana pusako turun dari mamak ka kamanakan. Bangunan adat seperti rumah gadang, balai adat, jo surau tuo masih dipakai untuak acara adat, seperti batagak penghulu jo alek nagari. Kesenian tradisi nan masih dihiduih di Pariangan di antaronyo Salawat Dulang (Salawek Talam) jo randai.
Nagari iko tamasuak nan paliang dalam manjago ̻Rumah Gadang, sahinggo sampai kini masih banyak basobok nan tajago elok. Di nagari iko juo masih basobok surau, nan masih manjadi tampek tingga basamo untuak laki-laki nan alun manikah.
Pado bagian tangah dari nagari iko masih tagak sabuah masajik tradisional nan cukuik gadang nan dipakirokan alah ado di awal abaik kasambilan baleh, di mano pado masajik tasabuik tadapek tampek mandi umum baraia angek nan masih digunokan sampai kini. Di Nagari iko juo tadapek situs cagar budayo baru Tungku Tigo Sajarangan.
Indak hanyo rumah-rumah nan manjadi daya tariak desa Nagari Pariangan. Masajik Ishlah nan dibangun pado abaik ka-19 pun turuik maundang pangunjuang. Bangunan tatuo nan dibangun dek Syekh Burhanuddin nan marupokan saurang ulama di Minang nan indak maadopsi rumah gadang sabagai arsitektur atoknyo, malainan arsitekturnyo manyarupoi kuil-kuil di Tibet. Masajik tuo ko alah maalami renovasi sabanyak duo kali, pado taun 1920 jo 1994. Nan samakin mambuek masajik ko unik adolah Pancuan Aia Angek langsuang dari Gunuang Marapi. Aia ko dapek digunoan dek umaik Muslim untuak mansucian diri. Pancuan ko dianggap sabagai sabuah barokah dek masyarakaik Nagari Pariangan.
Pariwisata
[suntiang | suntiang sumber]Nagari Pariangan kini jadi salah satu desa wisata budaya unggulan di Sumatera Barat. Pado Mei 2012, Nagari Pariangan tapiliah sabagai salah satu dari limo desa tarindah di dunia versi Budget Travel, sabuah majalah pariwisata internasional.[4]
Objek wisata utama di nagari ko di antaronyo:
- Surau Tuo Pariangan, salah satu surau tertua di Minangkabau.
- Pemandian air panas alami, nan lahir dari kaki Gunung Marapi.
- Sawah terasering, nan jadi ciri khas pemandangan nagari.
- Makam Tantejo Gurhano, tokoh nan dianggap salah satu pendiri nagari.
- Masjid Ishlah Pariangan, masjid tuo nan masiah aktif dipakai sampai kini.
Nagari Pariangan manjadi desa pertanian partamo di Minang, kasuburan tanahnyo indak paralu diraguan baliak. Batani manjadi sumber pangan masyarakaik Nagari Pariangan. Untuak manghormati laluhua sarato jo manjunjuang tinggi paninggaan sijarah, sapetak sawah dijadian situs paninggalan. Sawah Gadang Satampang Baniah nan marupokan sawah partamo nan dibukak dek Datuak Tantajo Garhano (leluhua masyarakaik Minang) nan dijadian cagar budayo dek masyarakaik satampek. Itu marupokan sabuah bukti kalau masyarakaik Nagari Pariangan sangaik manghormati situs-situs basijarah warisan dari leluhua. Sawah partamo tasabuik talatak di ujuang jalan utamo Jorong Pariangan.
Ado nan rancak di Nagari Pariangan, Makam Datuak Tantajo Garhano nan marupokan situs sijarah di wilayah Jorong Pariangan. Uniknyo, indak sarupo makam lain, makam tokoh adaik ko taruih barubah panjang jo lebanyo satiok diukua. Masyarakaik dalam menjago tampek paristirahatan tarakhia tokoh adaik ko, mambuek area makam labiah rancak disabuik taman. Tapi, karano makam tasabuik adolah wilayah sakral, jadi pangunjuang hanyo dapek maliek dari lua paga.[5]
Perekonomian
[suntiang | suntiang sumber]Sebagian besar masyarakat Pariangan barusaha di bidang pertanian, utamonyo padi, kopi, jo kayu manih. Sektor pariwisata kini juo mulai tumbuah, dengan munculnyo homestay, kuliner lokal, jo kerajinan tangan khas Minang. Pamarintah nagari jo masyarakat barusaha manjago keseimbangan antaro adat, pariwisata, jo kelestarian lingkungan.[6]
Rujuakan
[suntiang | suntiang sumber]- ↑ Agency, ANTARA News (2018-09-19). "Melacak sejarah di Nagari Tuo Pariangan, permukiman pertama di masa dahulu". Antara News Sumbar. Diakses tanggal 2025-10-11.
- ↑ "Desa Wisata Pariangan Desa Terindah Di Dunia". jadesta.kemenparekraf.go.id. Diakses tanggal 2025-10-11.
- ↑ e-journal.hamzanwadi.ac.id.url
- ↑ Ayo Jalan-jalan ke 5 Desa Terindah di Dunia detikTravel Community, 29 Mei 2012. Diakses 11 Aguih 2013.
- ↑ "archive copy". Diarsipkan dari versi asli tanggal 2019-08-31. Diakses tanggal 2019-08-31.
- ↑ "Kompetif | Komunitas Manajemen Kompetitif". ejournal.kompetif.com. Diakses tanggal 2025-10-11.
Pautan lua
[suntiang | suntiang sumber]- (Indonesia) Situs web resmi kabupaten Tanah Datar Archived 2020-12-04 di Wayback Machine.
- (Indonesia) Nagari Tertua di Ranah Minang Archived 2007-03-11 di Wayback Machine.
- (Indonesia) Nagari Saiber Pariangan
