Risoles
 | |
| Rincian | |
|---|---|
| Jinih | Kroket (id)  , kulek-kulek jo makanan  |
| Bahan utamo | roti |
Risoles, atau disabuik juo biasanyo jo risol (bahaso Inggirih: rissole), adolah pastri barisi dagiang, biasonyo dagiang cincang, jo sayuran nan dibungkuuh jo talua dadar, dan digoreng sasudah dilapisi tapuang panir jo kocokan talua ayam.
Hidangan iko dapek juo dipanggang di dalam oven, sarato disajikan sabagai hors-d'oeuvre atau entrée ringan. Risoles baukuran ketek dapek dipakai sabagai hiasan untuak hidangan dari potongan gadang dagiang unggeh atau dagiang jawi.[1]
Asa-usua
[suntiang | suntiang sumber]
Risoles dulunyo disabuik roinsolles, mulai dikatahui pado abad ka-13.[1] Pado wakatu itu, makanan iko hanyo sakadar panukuik nan digoreng di panggorengan mamakai mentega atau lemak sapi/lemak babi. Pado pakambangan barikutnyo, makanan ini barulah diisi jo dagiang cincang.[1]
Dalam istilah kuliner Prancis, verba rissoler bararti manjadikan coklat. Sabuah rissole salalu dibungkuih dek pastri gelembung atau sajinihnyo, biasonyo digoreng, tatapi kadang-kadang dipanggang di oven. Raso rissole dapek asin atau manih. Raso manih didapek jo caro manaburinyo jo gula haluih dan malengkapinyo jo saus buah.[2]
Komposisi
[suntiang | suntiang sumber]Komposisi dari Isi risoles dapek barupo dagiang ayam, dagiang jawi, dagiang ikan, udang, jamua kancing, wortel, kantang, atau buncih. Adonan dadar dibuek dari campuran tapuang tarigu, kuniang talu, mentega (margarin), jo air atau susu.
Jinih risoles
[suntiang | suntiang sumber]Duo jinih risoles nan tanamo di Indonesia adolah risoles sayuran bacampua dagiang tumis, jo risoles barisi "Ragout". Bantuak kue iko pasegi panjang sarupo amplop. Risoles babantuak segitiga umumnyo barisi Ragout.[3] Risoles dapek dimakan jo campuran saus kacang encer, samba boto, atau cabai rawit.
Rujuakan
[suntiang | suntiang sumber]- ↑ a b c Montagné, Prosper (1961). Larousse gastronomique: the Encyclopedia of Food, Wine & Cookery. London: Hamlyn. ISBN 0-600-02352-4.
- ↑ Davidson, Alan (2006). The Oxford Companion to Food. Oxford University Press. pp. 667. ISBN 0-1928-0681-5. https://archive.org/details/oxfordcompaniont0000davi_s2r1.
- ↑ Habsari, Rinto (2002). Snack Gurih Goreng. Gramedia Pustaka Utama. pp. 14. ISBN 9-7922-0048-7.
