Piladang, Koto Tangah Batu Hampa, Akabiluru, Lima Puluh Kota
Jorong Piladang, atau kodok disabuik sabagai Tigo Alua, adolah sabuah jorong nan talatak di Nagari Koto Tangah Batu Hampa, Kecamatan Akabiluru, Kabupaten Lima Puluh Kota.
Etimologi
[suntiang | suntiang sumber]Jorong iko disabuik jo "Tigo Alua" dek karano dahulunyo wilayah adaik jorong Piladang bamulo hanyo dari tigo buah dusun nan iko:[rujuakan?]
- Pasandiang, talatak di barat.
- Guguak Malintang, talatak di utara.
- Guguak Nunang, talatak di timur.
Namo Piladang adolah namo daerah di salingkuang Simpang Ampek ka Batusangka. Diagiah namo Piladang dek urang tuo dahulu dek karano di situ ado rumpun bungo Piladang.
Panamoan kampuang Piladang mulai malakek pado maso Bulando dek karano adonyo pasa atau pakan di Piladang, ditambah pulo dek dibangunnyo Stasiun Piladang di sinan, mako sampai kini tanamo jo Jorong Piladang.
Agamo
[suntiang | suntiang sumber]Masyarakaik jorong Piladang 100% mamaluak agamo Islam.[rujuakan?] Jorong ko agak ganjia dari jorong nan lain di Nagari Koto Tangah Batuhampa ko, dek karano jorong ko ado 3 buah masajik, sadangkan jorong lainnyo hanyo punyo masajik nan sabuah. Masajik nan di jorong Piladang:
- Masajik Rayo Piladang (1876 M), Lurah Pasandiang
- Masajik Al-Furqon Piladang (1990 M), Kelok
- Masajik An-Nur Piladang (2019 M), Aia Taganang
Salain ado masajik, Piladang ado pulo musholla, di antaronyo Musholla Nurul Huda di Guguak Nunang, Musholla Nurul Ikhlas di Guguak Malintang, Musholla Baiturrahman di Gaduang, Musholla An-Nur suku Malayu di Galanggang, jo lain-lainnyo.[rujuakan?]
Ekonomi
[suntiang | suntiang sumber]Jorong Piladang punyo sentra pambuatan karupuak merah jo karupuak bulan.[rujuakan?] Jorong Piladang punyo ciek pasa yaitu Pakan Jumaik atau Pakan Piladang.[rujuakan?] Mayoritas panghasilan sahari-hari urang Piladang adolah batani sawah, baparak ubi, baparak coklat, jo karambia. Salain tu ado pulo manambang atau maangkek kasiak di Banda Lurah Pasandiang untuak dijua.[rujuakan?]
