Ubi Parancih

Wikipedia Minangkabau - Lubuak aka tapian ilimu
Ubi Parancih
Manihot esculenta Edit nilai pada Wikidata

Edit nilai pada Wikidata
Data
Sumber dari singkong (id) Terjemahkan, tapioka (id) Terjemahkan jo Oloyti (en) Terjemahkan Edit nilai pada Wikidata
Tumbuahan
Jenis buah kapsul Edit nilai pada Wikidata
Taksonomi
DivisiTracheophyta
SubdivisiSpermatophytes
KladAngiospermae
Kladmesangiosperms
Kladeudicots
Kladcore eudicots
KladSuperrosidae
Kladrosids
Kladfabids
OrdoMalpighiales
FamiliEuphorbiaceae
GenusManihot
SpesiesManihot esculenta Edit nilai pada Wikidata
Crantz
Ubah di Wikidata

Ubi Parancih, ubi kayu, ubi batang, atau singkong (Manihot utilissima) adolah tumbuahan rumpun (perdu) tahunan tropika jo subtropika dari suku Euphorbiaceae. Umbinyo bisa jadi makanan pokok karano banyak manganduang karbohidrat jo daunnyo untuak ka sayua nan biaso disabuik pucuak parancih.

Manihot esculenta

Etimologi jo sinonim[suntiang | suntiang sumber]

Ubi parancih atau ubi batang adolah namo lokal untuak kawasan Minangkabau. Namo parancih sabananyo takaik jo namo Residen (Gubernur) Sumatera Barat yakni Emanuel Francis nan bakuasi di Sumatera Barat pada 1834. Urang minang agak susah manyabuik namo Francis, sainggo namanyo dieja manjadi parancih dalam lidah urang awak. Di ranah Minang, namanyo hinggo hari ko masih acok disabuik urang. Inyo panah menganjurkan masyarakaik mananam jo mamakan samacam pohon nan ado umbinyo. Sainggo sampai kini ko takana jo namo ubi parancih.[1]

Samantaro di kawasan Jawa Barat banamo Singkong. Namo "ubi kayu" jo "ketela pohon" dipakai dalam baso Melayu sacaro umum. Disabuik Ubi Parancih kamungkinan gadang karano tanaman ko dibaok urang Eropa ka Nusantara, yakni urang Portugis jo Castilla (Spanyol). Itulah makonyo disabuik ketela.[2]

Salain itu ado pulo babarapo sinonim dalam nama latin lain dari tanaman ini yakni :

  • Janipha aipi (Pohl) J.Presl
  • Janipha manihot (L.) Kunth
  • Jatropha aipi (Pohl) A.Moller
  • Jatropha diffusa (Pohl) Steud.
  • Jatropha digitiformis (Pohl) Steud.
  • Jatropha dulcis J.F.Gmel.
  • Jatropha flabellifolia (Pohl) Steud.
  • Jatropha glauca A.Rich.
  • Jatropha janipha Lour.
  • Jatropha loureiroi (Pohl) Steud.
  • Jatropha manihot L.
  • Jatropha mitis Rottb.
  • Jatropha mitis Sessé & Moç.
  • Jatropha paniculata Ruiz & Pav. ex Pax
  • Jatropha silvestris Vell.
  • Jatropha stipulata Vell.
  • Mandioca aipi (Pohl) Link
  • Mandioca dulcis (J.F.Gmel.) D.Parodi
  • Mandioca utilissima (Pohl) Link
  • Manihot aipi Pohl
  • Manihot aipi var. lanceolata Pohl
  • Manihot aipi var. latifolia Pohl
  • Manihot aipi var. lutescens Pohl
  • Manihot aypi Spruce
  • Manihot cannabina Sweet
  • Manihot cassava Cook & Collins
  • Manihot diffusa Pohl
  • Manihot digitiformis Pohl
  • Manihot dulcis (J.F.Gmel.) Baill.
  • Manihot dulcis var. aipi (Pohl) Pax
  • Manihot dulcis var. diffusa (Pohl) Pax
  • Manihot dulcis var. flabellifolia (Pohl) Pax
  • Manihot edule A.Rich.
  • Manihot esculenta subsp. alboerecta Cif.
  • Manihot esculenta var. argentea Cif.
  • Manihot esculenta var. coalescens Cif.
  • Manihot esculenta var. communis Cif.
  • Manihot esculenta var. debilis Cif.
  • Manihot esculenta subsp. diffusa Cif.
  • Manihot esculenta var. digitifolia Cif.
  • Manihot esculenta var. domingensis Cif.
  • Manihot esculenta var. fertilis Cif.
  • Manihot esculenta subsp. flabellifolia (Pohl) Cif.
  • Manihot esculenta var. flavicaulis Cif.
  • Manihot esculenta var. fuscescens Cif.
  • Manihot esculenta subsp. grandifolia Cif.
  • Manihot esculenta var. hispaniolensis Cif.
  • Manihot esculenta var. jamaicensis Cif.
  • Manihot esculenta var. luteola Cif.
  • Manihot esculenta var. mutabilis Cif.
  • Manihot esculenta var. nodosa Cif.
  • Manihot esculenta var. pohlii Cif.
  • Manihot esculenta var. ramosissima Cif.
  • Manihot esculenta var. rufescens Cif.
  • Manihot esculenta var. sprucei Lanj.
  • Manihot esculenta var. zimmermannii Cif.
  • Manihot flabellifolia Pohl
  • Manihot flexuosa Pax & K.Hoffm.
  • Manihot guyanensis Klotzsch ex Pax
  • Manihot loureiroi Pohl
  • Manihot manihot (L.) H.Karst.
  • Manihot melanobasis Müll.Arg.
  • Manihot palmata var. aipi (Pohl) Müll.Arg.
  • Manihot palmata var. diffusa (Pohl) Müll.Arg.
  • Manihot palmata var. digitiformis (Pohl) Müll.Arg.
  • Manihot palmata var. flabellifolia (Pohl) Müll.Arg.
  • Manihot sprucei Pax
  • Manihot utilissima Pohl
  • Manihot utilissima var. castellana Pohl
  • Manihot utilissima var. sutinga Pohl

Deskripsi[suntiang | suntiang sumber]

Rumpun ubi parancih dapek tumbuah mancapai 7 meter jo cabang nan agak jarang. Urek tunggang jo sajumlah urek cabang nan kudian manggadang manjadi ubi nan dapek dimakan. Ukuran ubi rato-rato bagarih tangah 2–3 cm dan panjang 50–80 cm, bagantuang dari klon/kultivar. Bagian dalam ubi barono putiah atau kakuniang-kuniangan, Ubi parancih indak tahan simpan bago kok ditampekkan di lamari pandingin. Tando-tandonyo lah rusak adolah jo kalua rono biru galok dek tabantuaknyo asam sianida nan manjadi tubo untuak manusia.[3]

Ubi parancih marupokan sumber energi nan kayo karbohidrat, tapi sangek bansaik protein. Sumber protein nan rancak malah ado pado daunnyo dek manganduang asam amino metioninan.[rujuakan?]

Sijarah dan pangaruah ekonomi[suntiang | suntiang sumber]

Tanaman ubi kayu.
Batang ubi kayu. Maso tanam 8 - 10 bulan.
Buah ubi kayu varietas tatantu.
Pabrik Tapioka Kedung Kawung Cikalahang miliak firma Goan Goan & Co, Cirebon, Jawa Barat (taun indak dikataui)

Sijarah budidayo dan panyebarannyo[suntiang | suntiang sumber]

Manihot esculenta partamo kali tanamo di Amerika Selatan kudian dikambangkan pado maso prasijarah di Brasil jo Paraguay, sajak kurang labiah 10 ribu taun nan lalu. Bantuak-bantuak modern dari spesies nan alah dibudidayokan dapek ditamukan batumbuah lia di Brasil selatan. Bago kok spesies Manihot nan lia ado banyak, sado kultivar M. esculenta dapek dibudidayokan. Walau baitu, bukti-bukti arkeologis budidayo ubi parancih justru banyak ditamukan di kabudayaan Indian Maya, tapeknyo di Meksiko dan El Salvador.

Produksi ubi parancih dunia dipakirokan mancapai 192 juta ton pado taun 2004. Nigeria barado di urutan partamo jo 52,4 juta ton, disusua Brasil jo 25,4 juta ton. Indonesia ado di posisi katigo jo 24,1 juta ton, diikuti Thailand jo 21,9 juta ton (FAO, 2004[4]) Sabagian gadnag produksi dihasiakan di Afrika 99,1 juta ton dan 33,2 juta ton di Amerika Latin jo Kepulauan Karibia.

Di Hindia Ulando[suntiang | suntiang sumber]

Ubi parancih ditanam sacaro komersial di wilayah Indonesia (wakatu itu Hindia Ulando) pado sakitar taun 1810,[5] dek sabalunnyo dibaok urang Portugih pado abaik ka-16 dari Brasil. Manuruik Haryono Rinardi dalam Politik Singkong Zaman Kolonial, ubi parancih masuak ka Indonesia dibaok dek Portugih ka Maluku sakitar abaik ka-16. Tanaman iko dapek dipanen sasuai kabutuahan. “Sipaik itulah nan manyababkan tanaman ubi parancih acok kali disabuik sabagai gudang pasadioan di bawah tanah,” tulis Haryono.[6]

Butuah wakatu lamo ubi parancih manyeba ka daerah lain, utamonyo ka Pulau Jawa. Dipakirokan ubi parancih kali partamo ditanamokan di suatu kabupaten di Jawa Timur pado 1852. “Bupatinyo sabagai saurang pagawai nagari musti maagiah contoh dan batindak sabagai palopor. Kalau indak, rakyaik indak ka mamicayoinyo samo sakali,” tulih Pieter Creutzberg dan J.T.M. van Laanen dalam Sejarah Statistik Ekonomi Indonesia.[rujuakan?]

Namun inggo 1876, bak cando dicataik H.J. van Swieten, kontrolir di Trenggalek, dalam buku De Zoete Cassave (Jatropha janipha) nan tabik 1875, ubi parancih kurang tanamo atau indak ado samo sakali di babarapo bagian Pulau Jao, tapi ditanam gadang-gadangan di bagian lain. “Baapun juo, ubi parancih kini mampunyoi arati nan labiah gadang dalam susunan makanan panduduak dibandiangkan jo satangah abaik nan lalu,” tulihnyo, nak cando dikutip Creutzberg dan van Laanen. Sampai sakitar taun 1875, konsumsi ubi parancih di Jao masih randah. Baru pado pamuloan abaik ka-20, konsumsinyo maningkek tajam. Pambudidayoannyo malaweh juo. Talabiah rakyaik dimintak mampalaweh tanaman ubi parancihnyo.[rujuakan?]

Paningkatan pananaman ubi parancih sajalan jo patumbuahan panduduak Pulau Jawa nan capek. Ditambah lai dek produksi padi tatingga di balakang patumbuahan panduduak. “Ubi parancih khususnyo manjadi sumber pangan tambahan nan disukoi,” tulis Marwati Djoened Poesponegoro dan Nugroho Notosusanto dalam Sejarah Nasional Indonesia V. Inggo kini, ubi parancih alah manjadi salah satu bahan pangan nan utamo, indak sajo di Indonesia tapi juo di dunia. Di Indonesia, ubi parancih marupokan makanan pokok katigo salapeh padi-padian dan jaguang.[rujuakan?]

Hindia Ulando panah manjadi salah satu pangekspor dan pangasia tapuang tapioka paliang dagang di dunia. Di Jao banyak sakali didirikan pabrik-pabrik pangolahan ubi parancih untuak dijadikan tapuang tapioka. Sarupo dalam buku Handbook of the Netherlands East Indies, pado taun 1928 tacataik 21,9% produksi tapioka diekspor ka Amerika Serikat, 16,7% ke Inggirih, 8,4% ka Japang, lalu 7% dikirim ka Ulando, Jerman, Belgia, Denmark, jo Norwegia. Biasonyo tapung olahan ubi parancih tasabuik dimanfaatkan sabagai bahan baku lem jo permen karet, industri tekstil dan furniture.[rujuakan?]


Produksi sedunia[suntiang | suntiang sumber]

Produksi singkong dunia (2008) [7]
Posisi Negara Banyaknya 

Ton

1  Nigeria 52.403.500
2  Brasil 25.441.700
3  Indonesia 24.009.600
4  Thailand 21.912.400
5  Republik Demokratik Kongo 15.569.100
6  Angola 14.333.500
7  Ghana 14.240.900
8  Vietnam 9.875.500
9  India 8.076.000
10  Mozambik 6.267.160
Dunia

Liek pulo[suntiang | suntiang sumber]

Rujuakan[suntiang | suntiang sumber]

  1. Arya, Mohammad (2017-05-06). "Inilah Asal Mula Penamaan Sayur Legendaris 'Pucuak Parancih'". Padangkita.com (dalam bahasa Indonesia). Diakses tanggal 2023-11-01. 
  2. Kustiani, Rini (2022-06-29). "Asal-usul Singkong dan Macam-macam Namanya di Indonesia". Tempo (dalam bahasa Inggris). Diakses tanggal 2023-11-01. 
  3. "Senyawa HCN pada Ubi Kayu". Balitkabi (dalam bahasa Inggris). Diakses tanggal 2021-03-29. 
  4. FAO. 2004. Global Cassava Market Study, Rome
  5. Payer, M. HBI weltweit. 5.3. Zur Geschichte Indonesiens. Edisi 1997-03-18. Diakses 18 Mei 2007
  6. "Akar Sejarah Singkong". Historia - Majalah Sejarah Populer Pertama di Indonesia (dalam bahasa Indonesia). 2014-11-28. Diakses tanggal 2023-11-01. 
  7. "Statistik [[FAO]] resmi, baca di 14 Maret 2010". Diarsipkan dari versi asli tanggal 2012-06-23. Diakses tanggal 2010-03-14. 

Pautan lua[suntiang | suntiang sumber]