Piladang (tumbuahan)
| Piladang | |
|---|---|
| |
| Klasifikasi ilmiah | |
| Kingdom: | Plantae |
| Division: | Tumbuahan samak/Spermatophyta |
| Class: | Dicotyledonae |
| Order: | Solanales |
| Family: | Labiatae |
| Genus: | Coleus |
| Species: | Coleus atropurpureus |
| Namo binomial | |
| Coleus ×atropurpureus Vis. | |
Piladang atau Coleus atropurpureus Benth marupokan tumbuahan samak jo tinggi dapek mancapai 1,5 m. Daunnyo manjua sabagai ubek wasir, ubek bisua, ubek damam nifas, ubek radang talingo jo ubek haid indak teratur. Tumbuahan ko punyo namo lain, yaitu Miana (Indonesia) Sigresing (Batak), Adong-adong (Palembang), Jawek Kotok (Sunda), Iler (Jawa Tangah), Ati-ati (Bugis) dan Serewung (Minahasa).[1]
Deskripsi
[suntiang | suntiang sumber]Tamasuak tumbuahan samusim babatang lunak jo bantuak pacabangan monopodial. Daunnyo marupokan daun tungga babantuak bulek talua. Ujuang daun marunciang jo tapian rato sarato pangka nan tumpua. Patulangannyo manyirip jo panjang 7–11 cm, leba 5–7 cm, panjang tangkai ± 3 cm jo barono ungu.
Bungo Piladang marupokan bungo majemuk babantuak tandan di ujuang batang. Kalopaknyo babantuak corong barono ijau mudo. Mahkota bungo babantuak bibia barono ungu kaputiah-putiahan. Mampunyoi duo banang sari barono putiah jo putiak ketek nan barono ungu.
Buah piladang nan masih mudo barono ijau jo barubah coklat pado wakatu masak atau tuo. Bantuaknyo kotak jo bulek sarato manganduang bijo ketek, mipih, mangkilek sarato barono itam.
Tumbuahan baurek tunggang jo rono kuniang kaputiah-putiahan.
Rujuakan
[suntiang | suntiang sumber]- ↑ Inventaris tanaman obat Indonesia (I) Jilid I
