Lompat ke isi

Paus biru

Wikipedia Minangkabau - Lubuak aka tapian ilimu
Wikifikasi
Artikel ko paralu diwikifikasi supayo tapanuahi standar kualitas Wikipedia. Sanak buliah maagiah bantuan sarupo panambahan pautan dalam, atau jo marapian tata latak dari artikel ko.

Paus biru (Balaenoptera musculus) adolah mamalia laut yang tergolong dalam speseis paus lain.[1] Panjangnyo mancapai labiah dari 33 meter dan massanyo tacatat sajumlah 181 ton atau labiah. Binatang iko diyakini marupakan hewan tagadang nan pernah dikatahui.[2][3][4]

Paus nan panjang dan rampiang iko mamiliki bagian balakang (dorsal) nan bawarna abu-abu kabiruan dan bagian muko (ventral) nan labiah tarang.[5] Tadapek paliang indak tigo subspesimen paus biru: B. m. musculus di Atlantik Utara dan Pasifik Utara, B. m. intermedia di Samudra Selatan, dan B. m. brevicauda (juo disabuik paus biru kerdil) di Samudra Hindia dan Samudra Pasifik Selatan. B. m. indica nan hiduik di Samudra Hindia mungkin marupakan subspesimen lain. Seperti paus balin lainnyo, makanan pokok paus biru adolah <i>crustacea</i> ketek nan disabuik krill.[6]

Paus biru sangek balimpah di hampia saluruah samudra hinggo mulo abad ka-20. Salamo labiah dari satu abad, paus iko diburu sampai hampia punah sabalum akhirnyo dilinduangi dek komunitas internasional pado tahun 1966. Manuruik sabuah laporan pado tahun 2002, tadapek sakitar 5.000 hinggo 12.000 paus biru di saluruah dunia[7] yang tabagi dalam saketeknyo limo kalompok. Panalitian takini subspesimen paus biru kerdil manunjuakkan bahwa pakiraan iko mungkin talalu randah. Sabalum balangsuangnyo paburuan paus, populasi tagadang barado di Antartika, nan jumlahnyo kurang labiah sajumlah 239.000 (antaro 202.000 hinggo 311.000). Saat kini konsentrasi kalompok di Samudra Pasifik Utara bagian timur, Antartika, dan Samudra Hindia jauah labiah randah daripado angko sabalumnyo (kurang labiah 2.000). Tadapek pulo duo kalompok lain di Samudra Atlantik Utara, dan paliang indak duo kalompok lai di Belahan Selatan.

Taksonomi

[suntiang | suntiang sumber]

Paus biru marupakan bagian dari famili <i>Balaenopteridae</i>, nan juo maliputi paus bungkuak, paus sirip, paus bryde, paus sei dan paus minke.[1] Sacaro <i>evolusioner</i>, famili <i>Balaenopteridae</i> diyakini tapisah dari paus lain dalam subordo <i>Mysticeti</i> pado maso <i>Oligosen</i>. Masih alun dikatahui bilo anggota-anggota famili tasabuik tapisah ciek samo lain.

Paus biru biasonyo diklasifikasikan sabagai salah ciek dari dalapan spesimen paus dalam genus Balaenoptera. Ado pulo ahli nan manampekkan paus iko dalam genus Sibbaldus,[8] walaupun pangklasifikasian iko indak disatujui. Analisis rangkaian <i>asam deoksiribonukleat</i> (ADN) manunjuakkan bahwa paus biru sacaro <i>filogenetik</i> labiah dakek jo paus sei (Balaenoptera borealis) dan paus bryde (Balaenoptera brydei) daripado spesies Balaenoptera lainnyo, dan labiah dakek jo paus bungkuak (Megaptera) dan paus abu-abu (Eschrichtius) daripado paus minke (Balaenoptera acutorostrata dan Balaenoptera bonaerensis). Jiko panelitian labiah lanjuik mamastikan hubuangan iko, mungkin famili <i>Balaenopteridae</i> paralu direklasifikasi.

Deskripsi dan parangai

[suntiang | suntiang sumber]

Paus biru mamiliki tubuh nan panjang dan tampak mambantang bilo dibandingkan jo tubuh paus lain.[9] Kapalonyo data, babantuak saparti huruf U, dan mamiliki pungguang nan tabantang dari lubang sembur hinggo bagian bibia ateh. Bagian muko muluik dipanuhi dek plat balin (tadapek sakitar 300 plat, dan masing-masing panjangnyo sakitar satu meter) nan tagantuang di rahang ateh. Antaro 70 hinggo 118 lekukan (disabuik plat ventral) mambantang di sapanjang lihia dan sajajar jo panjang tubuh. Plat iko mambantu mangaluakan aia dari muluik satalah makan (liek caro makan di bawah).

Sirip pungguang paus iko ketek[9] dan kiro-kiro antaro 8–70 sentimeter (3,1–28 in) (biasonyo 20–40 sentimeter (7,9–16 in)) jo rato-rato 28 centimeters (11 in).[10] Sirip iko bantuaknyo bavariasi; beberapa hanyo barupa gumpalan nan hampia indak taliek, samantaro nan lainnyo punyo dorsal nan tabudua dan babantuak saparti sabik. Katiko manuju ka pamukaan untuak baangok, paus biru maangkek bahu dan lubang semburnyo di pamukaan nan jangkauannyo labiah gadang daripado paus gadang lain saparti paus sirip atau paus sei. Ciri iko dapek digunokan dek panaliti untuak mambedakan spesimen-spesimen paus. Beberapa paus biru di Atlantik Utara dan Pasifik Utara mangangkek ujuang ikuanyo katiko manyilam. Katiko baangok, paus mangaluarkan semburan kolom vertikal nan dapek mancapai 12 meters (39 ft) (biasonyo 9 meters (30 ft)). Kapasitas paru-parunyo adolah 5.000 liter. Paus Biru juo punyo lubang sembur gando nan talindungi dek splashguard gadang supayo aia indak masuak katiko sadang baangok.

Sijarah kahidupan

[suntiang | suntiang sumber]

Musim kawin dimulai pado akhia musim gugur dan balanjuik sampai akhia musim dingin.[11] Parilaku pakawinan atau tampek pambiakan paus biru indak banyak dikatahui. Batino biasonyo malahiakan satiok duo hinggo tigo tahun sakali pado pamulaan musim dingin satalah periode gestasi salamo sapuluah hinggo duo baleh bulan. Massa anak paus biru biasonyo sakitar duo satangah ton dan panjangnyo sakitar 7 meters (23 ft). Anak paus biru minum 380–570 liter susu satiok harinyo, dan susu paus biru manganduang energi sajumlah 18.300 kJ/kg (4.370 kkal/kg). Satalah anam bulan, anak paus biru disapihkan, dan kamudian panjangnyo akan balipek gando. Kamatangan seksual biasonyo dicapai pado usio limo hinggo sapuluah tahun. Di Balahan Utara, manuruik catatan paburuan paus, panjang rato-rato paus biru jantan nan alah mancapai kamatangan seksual adolah 20–21 m (65,6–69 ft), dan untuak batino 21–23 m (69–75 ft),[12] samantaro di Balahan Selatan, untuak jantan panjang rato-ratonyo 22,6 m (74 ft) dan untuak batino 24 m (79 ft). Di Balahan Utara, panjang rato-rato paus biru dewasa adolah 24 m (79 ft) dan batino 25 m (82 ft), samantaro di Balahan Selatan rato-rato panjang jantan 25 m (82 ft) dan untuak batino 26,5 m (87 ft). Di Pasifik Utara, panalitian fotogrametik alah manunjuakkan bahwa paus biru dewasa panjangnyo rato-rato 21,6 m (71 ft), jo panjang maksimum 24,4 m (80 ft) – maskipun paus batino sapanjang 26,5 m (87 ft) pernah ditamukan tadampa di Pescadero, California, pado tahun 1979.

Vokalisasi

[suntiang | suntiang sumber]

Badasarkan pakiroan nan dibuek dek Cummings dan Thompson (1971), katiko diukua relatif taadok takanan satu <i>mikropaskal</i> dalam satu meter, takanan suaro nan dibuek dek paus biru tacatat antaro 155 hinggo 188 desibel.[13] Saluruah kalompok paus biru malakukan panggilan pado frekuensi dasa antaro 10 hinggo 40 Hz; sabagai pabandingan, frekuensi tarandah nan dapek didanga manusia adolah 20 Hz. Panggilan paus biru dapek balangsuang antaro sapuluah hinggo tigo puluah detik. Paus biru di tapi pantai Sarilangka dilaporkan alah bakali-kali mambuek "lagu" jo ampek not nan balangsuang salamo duo minik. Karano sajauh iko fenomena tasabuik indak ditamui di antaro populasi lain, panaliti mayakini bahwa nyanyian tasabuik marupakan ciri khas subspesimen B. m. brevicauda.

Populasi dan pasebaran saat kini

[suntiang | suntiang sumber]

Samanjak dibalakukannyo palarangan paburuan paus, panalitian indak dapek mamastikan apokah populasi paus biru global maningkek atau tetap stabil. Di Antartika, manuruik pakiraan nan paliang optimis, tajadi paningkekan populasi sajumlah 7,3% per tahun satalah barakhianyo paburuan paus ilegal Soviet, namun jumlah mereka masih barado di bawah 1% dari jumlah sabalumnyo. Populasi di Islandia dan California mungkin juo maningkek, namun paningkekan tasabuik indak signifikan. Jumlah populasi paus biru di dunia dipakirokan antaro 5.000 hinggo 12.000 pado tahun 2002, maskipun banyak pakiraan nan masih balum pasti.[7] Di dalam Daftar Merah IUCN, paus biru tagolong sabagai spesimen nan "taancam". Samantaro tu, di Amerika Serikat, <i>National Marine Fisheries Service</i> manganggap paus biru sabagai spesies taancam badasarkan <i>Endangered Species Act</i> (Undang-Undang Spesimen Taancam).[14]

Museum

[suntiang | suntiang sumber]

Natural History Museum nan barado di London manyimpan karangko dan model paus biru, nan marupakan nan patamo di dunia, nan direplikasi di Univeritas California, Santa Cruz. Baitu pulo American Museum of Natural History di <i>New York City</i> nan mamiliki model paus biru di Milstein Family Hall of Ocean Life. Karangko anak paus biru juo dipasang di <i>New Bedford Whaling Museum</i> di New Bedford, Massachusetts.

<i>Aquarium of the Pacific</i> di <i>Long Beach, California</i> juo memamerkan model induak paus biru jo anaknyo nan tagantuang di atok balai utamonyo.[15] Selain itu, <i>Beaty Biodiversity Museum</i> di Universitas British Columbia, Kanada, menampilkan kerangka paus biru (tengkoraknya merupakan replika) di jalan raya kampus,[16] dan kerangka asli paus biru di <i>Canadian Museum of Nature</i> di <i>Ottawa</i> juga mulai dipamerkan pada tahun 2010.[17]

Museum Sijarah Nasional di Gothenburg, Swedia mamiliki replika paus biru nan ditampilkan di sampiang karangkonyo. Samantaro <i>Museum Melbourne</i> manampilkan karangko <i>paus biru kerdil</i>.

Rujuakan

[suntiang | suntiang sumber]
  1. ↑ a b "American Cetacean Society Fact Sheet – Blue Whales". Diarsipkan dari versi asli tanggal 11 July 2007. Diakses tanggal 20 June 2007. 
  2. ↑ J. Calambokidis and G. Steiger (1998). Blue Whales. Voyageur Press. ISBN 0-89658-338-4. 
  3. ↑ "Animal Records". Smithsonian National Zoological Park. Diarsipkan dari versi asli tanggal 2016-08-01. Diakses tanggal 2007-05-29. 
  4. ↑ "What is the biggest animal ever to exist on Earth?". How Stuff Works. Diakses tanggal 2007-05-29. 
  5. ↑ "Species Fact Sheets: Balaenoptera musculus (Linnaeus, 1758)". Fisheries and Aquaculture Department, Food and Agriculture Organization, United Nations. Diakses tanggal 2012-12-24. 
  6. ↑ Jason de Koning and Geoff Wild (1997). "Contaminant analysis of organochlorines in blubber biopsies from blue whales in the St. Lawrence Seaway". Trent University. Diarsipkan dari versi asli tanggal 2007-07-04. Diakses tanggal 2007-06-29. 
  7. ↑ a b "Assessment and Update Status Report on the Blue Whale Balaenoptera musculus" (PDF). Committee on the Status of Endangered Wildlife in Canada. 2002. Diakses tanggal 2007-04-19. 
  8. ↑ Barnes LG, McLeod SA. (1984). "The fossil record and phyletic relationships of gray whales.". di dalam Jones ML et al.. The Gray Whale. Orlando, Florida: Academic Press. pp. 3–32. ISBN 0-12-389180-9. 
  9. ↑ a b "Size and Description of the Blue Whale species". Diarsipkan dari versi asli tanggal 2007-10-01. Diakses tanggal 15 Juni 2007. 
  10. ↑ "Southern blue and fin whales". 
  11. ↑ "Blue Whale - ArticleWorld". Diarsipkan dari versi asli tanggal 29 November 2017. Diakses tanggal 2 July 2007. 
  12. ↑ Klinowska, M. (1991). Dolphins, Porpoises and Whales of the World: The IUCN Red Data Book. Cambridge, U.K.: IUCN. 
  13. ↑ W.J. Richardson, C.R. Greene, C.I. Malme and D.H. Thomson (1995). Marine mammals and noise. Academic Press, Inc., San Diego, CA.. ISBN 0-12-588441-9. 
  14. ↑ "Endangered Species Act". 
  15. ↑ "Aquarium of the Pacific – Online Learning Center – Blue Whale". Diakses tanggal 2009-08-12. 
  16. ↑ "The Blue Whale Project". Beaty Biodiversity Museum. Vancouver, BC: University of British Columbia. 2010. Diarsipkan dari versi asli tanggal 4 April 2010. Diakses tanggal 2 May 2010. 
  17. ↑ Canada. "Exhibition: RBC Blue Water Gallery | Canadian Museum of Nature". Nature.ca. Diarsipkan dari versi asli tanggal 2012-01-23. Diakses tanggal 2012-08-13. 

Rujuakan

[suntiang | suntiang sumber]
Diambiak dari "https://min.wikipedia.org/w/index.php?title=Paus_biru&oldid=3153694"