Wikipedia:Bagian pambukak

Wikipedia Minangkabau - Lubuak aka tapian ilimu

Bagian pambukak atau paragraf pambukak suatu artikel Wikipedia adolah bagian sabalun subjudua patamo. Kok ditampilan dafta isi artikel, inyo sacaro default ka kalua di antaro bagian pambukak tu jo subjudua patamo.

Lingkuik definisi dan isi artikel[suntiang sumber]

Di Wikipedia, paragraf patamo umumnyo marupoan definisi dari judua artikel. Dalam manulih definisi atau isi dari suatu artikel nan basipaik global (topik nan dibahas tadapek juo di nagara atau wilayah lain), mako tulihlah isi dan definisi patamo kali sacaro global baru kudian manulih definisi atau isi artikel di nagara atau wilayah tatantu di bagian tasandiri. Wikipedia bahaso Minangkabau bukanlah Wikipedia miliak (nagara) Indonesia, sainggo definisi atau isinyo indak buliah badasaran katantuan nan balaku di Indonesia sajo. Apobilo Sanak nio manulih isi tantang suatu artikel tapi lingkuiknyo anyo di nagara atau wilayah tatantu sajo (saumpamo Indonesia), ubahlah juduanyo misalnyo dari "Koperasi" manjadi "Koperasi di Indonesia" atau dari "Parikanan" manjadi "Parikanan di Indonesia".

Contoh nan salah dari artikel Nalayan:

Nalayan manuruik Undang-Undang Nomor 31 Tahun 2004 adolah urang nan mato pancariannyo adolah manangkok ikan.

Contoh nan bana dari artikel Nalayan:

Nalayan adolah urang nan bakarajo dalam usao panangkokan ikan.
Katarangan: Paragraf patamo nan marupoan definisi dari artikel Nalayan, aruihnyo manampilan definisi nalayan sacaro global. Definisi nalayan manuruik undang-undang nagara patuiknyo ditulih di subbagian tasandiri.

Templat takaik[suntiang sumber]

Templat nan dipagunoan untuak manandoi artikel-artikel nan indak mamiliaki bagian pambukak nan jaleh: {{paragraf pambukak}}