Pangek cubadak
.JPG)
Pangek cubadak adolah samba khas urang Payokumbuah jo Kabupaten 50 Kota, Sumatera Barat. Pangek cubadak ko khas bana di daerah Situjuah. Pangek iko tabuek dari cubadak. Cubadak nan dipakai tu adolah cubadak mudo nan dikarek-karek. Pangek tu samacam gulai tapi indak bakuah lai, karano kuahnyo ko lah kariang dek proses mamasak nan cukuik lamo. [1]
Bahan-bahannyo :[suntiang | suntiang sumber]
Cubadak, santan karambia, lado, bumbu gulai, bawang sirah jo bawang putiah, simpodeh, kunyik, daun kunyik, lengkueh, tarasi, garam, batang/daun sarai, kamiri, katumba, jo daun limau[2]
Caro mambueknyo :[suntiang | suntiang sumber]
Cubadak mudo, dikubak kuliknyo, alah tu dikarek-karek sasuai nan awak nio. Biasonyo, dikarek agak gadang, supayo indak mudah ancua. Sasudah cubadak, dikarek-karek, dimasuakan ka pariuak nan alah dialeh jo daun pisang (kalau bisa, dibaok jo batang atau tulang daunnyo), supayo indak anguih. Bahan-bahan saraman lado sirah , bawang sirah, bawang putiah, lingkueh, tarasi, garang, batang sarai, daun kunyik, kamiri, kunyik, daun katumba jo daun limau ditumbuak aluih. Sasudah bumbu-bumbu ditumbuak aluih, dimasuakan bumbu tadi ka dalam cubadak nan alah dikarek dalam pariuak, agiah garam sacukuiknyo. Tuangan santan ka dalam pariuak. Sudah tu tutuik pariuak rapek-rapek jo daun pisang.Bialah masak diateh tungku jo api nan sadang elok.[3]
Rujuakan :[suntiang | suntiang sumber]
- ↑ Vikri Pratama, Gandi. "Nasi Padang dan Para Pendampingnya".
- ↑ Dhwina, Putri. "Pangek Cubadak".
- ↑ Muchlis, Hendri. "Resep Masakan Melayu dan Minang : Pongek Cobodak Situjuah".