Padang Mangateh

Dari Wikipedia baso Minang, ensiklopedia bebas
Loncat ke navigasi Loncat ke pencarian
Peternakan Padang Mangateh

Padang Mangateh adolah sabuah daerah peternakan nan talatak di Luhak, Kabupaten Lima Puluh Kota, Sumatra Barat. Daerah iko manjadi tanamo lantaran pamandangan padang rumpuiknyo nan mirip jo peternakan padang rumpuik di Selandia Baru.[1] Peternakan iko sacaro resmi dikelola dek Balai Pembibitan Ternak Unggul dan Hijauan Pakan Ternak (BPTU-HPT) Padang Mangateh di bawah Kementerian Pertanian Republik Indonesia.[2]

Sejarah[suntiang | suntiang sumber]

Sapi taranak di Padang Mangateh

BPTU Padang Mangateh patamo kali didirian dek Pamarintah Hindia Belanda pado tahun 1916. Taranak nan dikambangan adolah kudo. Pado tahun 1935, didatangan sapi Zebu dari Benggala, India untuak dikambangbiakan.[3] Pado zaman Revolusi Kemerdekaan (1945—1949) kagiatannyo terhenti. Pado tahun 1950 dek Wakil Presiden Dr. Moh. Hatta dipugar kembali dan tahun 1951—1953 dijadian sabagai Stasiun Peternakan Pemerintah dan diagih namo Induak Taman Ternak (ITT) Padang Mangateh.[3]

Pado tahun 1955, ITT Padang Mengateh marupoan stasiun peternakan nan paliang gadang di Asia Tenggara. Taranak nan dipaliharo adolah taranak kudo, sapi, kambiang, jo ayam. Namun, tahun 1958—1961 tajadi pergolakan PRRI, jo lokasi ITT Padang Mengateh dijadian sabagai basis partahanan PRRI sahinggo ITT Padang Mengateh rusak barek. Dibenahi baliak dek Pemerintah Daerah Sumatera Barat pado tahun 1961. Tahun 1973—1974, Pemerintah Jerman maadoan kajian di ITT Padang Mengateh maka pado tahun 1974—1978 dilakuan kerja sama pambangunan baliak ITT Padang Mengateh antaro pamarintah RI & Jerman malalui proyek Agriculture Development Project (ADP).[3]

Tahun 1978, Proyek ADP barakhia dan disarahan ka Departemen Pertanian jo nama Balai Pembibitan Taranak Hijauan Makanan Taranak (BPT HMT) Padang Mangateh sasuai jo SK Menteri Pertanian RI No. 313/Kpts/Org/1978 jo wilayah karajo tigo provinsi (Sumbar, Riau, dan Jambi). Tahun 1978, Padang Mengateh dibiayai dek Pemda Sumbar jo Pemerintah Pusat. Barulah tahun 1985, sasudah pambiayaan diambiak aliah dek pamarintah pusat. Bardasarkan kaputusan Menteri Pertanian Republik Indonesia No.292/Kpts/OT.210/4/2002 tangga 16 April 2002 barubah namo manjadi Balai Pembibitan Ternak Unggul (BPTU) Sapi Potong Padang Mangateh jo wilayah karajo maliputi sadoalah provinsi di Indonesia.[3]

Referensi[suntiang | suntiang sumber]