Lompat ke isi

Nazir Datuak Pamuncak

Wikipedia Minangkabau - Lubuak aka tapian ilimu
Nazir Datuak Pamoencak
Berkas:Snapshot 20130115 12.JPG
Nazir Datuak Pamuncak (duduak; paliang suok). Foto diambiak pado taun 1926.
KabangsaanBendera Indonesia Indonesia
KarojoPolitisi, diplomat
Dikana dekPajuang kamardekaan Indonesia
AnakLidia Djunita Pamuntjak

Nazir Datuak Pamoencak adolah surang parintis kamardekaan sarato diplomat Indonesia. Nazir adolah putra Minangkabau asa Salayo, Solok, Sumatera Barat. Sasudah tamaik dari HBS Batavia, baliau manuntuik ilmu di Fakultas Hukum, Universitas Leiden.

Di Balando, baliau pernah manjadi Katua Pahimpunan Indonesia, sabuah pakumpulan mahasiswa nan aktif mampajuangan kamardekaan Indonesia.[1] Sasusah Indonesia mardeka, Nazir Datuak Pamoencak bakarier sabagai diplomat. Baliau babarapo kali dipacayo manjadi duta basa Indonesia untuak nagaro-nagaro sahabaik.

Pado Januari 1918, Nazir Datuak Pamuncak datang ka Padang sabagai utusan Jong Sumatranen Bond (JSB). Baliau datang diutus untuak mandirian cabang-cabang di Padang jo Bukittinggi. Di Padang, usahonyo bahasil, tapi di Bukittinggi indak.[2] Nazir bapidato di muko para palajar di Padang baso pamuda-pamuda Jawa alah labiah dulu maju daripado di Sumatera. Namonyo Jong Java. JSB sandiri baru badiri pado akhia taun 1917. Barikuik adolah isi pidatonyo:[2]

“ Pamuda-pamuda Sumatera harus maikuik-i jajak pamuda-pamuda Jawa. Kito indak buliah katinggalan. Pamuda-pamuda Sumatera mampunyoi tugeh nan barek. Kito harus mamajuan masyarakaik Sumatera. Di tangan pamuda-lah, talatak nasib bangsa jo tanah aia. ”

Pado taun 1927, baliau basamo Mohammad Hatta, Ali Sastroamijoyo jo Abdul Majid Djojohadiningrat dipanjaro dek Karajaan Balando karano dituduah maikuik-i partai talarang. Ali Sastroamijoyo jo Nazir Pamuncak dipanjaro duo taun.[3] Mareka dipanjaro di Rotterdam.[4] Baruntuang Mohammad Hatta manulak saluruih dakwaan tu jo pidatonyo, Indonesie Vrij pado sidang kaduo tanggal 22 Maret 1928,[4] sahinggo baliau jo kawan-kawannyo dibebasan. Pambebasan mareka disambuik baiak dek Mr. Duys (anggota parlemen Balando wakatu itu), sarato Willem Drees, Pardana Mantari Balando taun 1945.[3] Sasudah ditahan babarapo bulan, mareka barampek dibebasan dari tuduahan, karano tuduahan indak dapek dibuktian.[3]

Nazir Datuak Pamoencak mampunyoi surang putri tungga banamo Lidia Djunita Pamuncak nan labiah dikana jo namo Jajang C. Noer nan bakarier sabagai seniman jo manjadi pemeran (aktris) sarato sutradara.[5]

Untuak mangana jaso-jasonyo, namanyo diabadian manjadi namo salah satu rueh jalan di Kota Solok, Sumatera Barat.

Rujuak-an

[suntiang | suntiang sumber]
  1. ↑ Muhammad Umar Syadat Hasibuan, Yohanes S. Widada, Revolusi Politik Kaum Muda
  2. ↑ a b Imran, Amrin (1991). Mohammad Hatta:Pejuang, Proklamator, Pemimpin, Manusia Biasa. hlm. 14-15. Jakarta: Mutiara Sumber Widya. OCLC 9072338
  3. ↑ a b c Noer, Deliar (2012). Mohammad Hatta:Hati Nurani Bangsa. hlm. 24-27. Jakarta: Kompas. ISBN 978-979-709-633-5.
  4. ↑ a b Imran, Amrin. "ibid". hal. 29.
  5. ↑ Profil Jajang C. Noer


  Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.
Diambiak dari "https://min.wikipedia.org/w/index.php?title=Nazir_Datuak_Pamuncak&oldid=1646715"