Musajik Raya Nanggalo
Koordinat: 0°54′12″S 100°22′17″E / 0.90330°S 100.371294°E
| Musajik Raya Nanggalo | |
| Latak | Kelurahan Surau Gadang, Kecamatan Nanggalo, Kota Padang, Sumatra Barat, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Musajik |
| Pambukoan tanah | 1911 |
| Spesifikasi | |
| Gobah | 1 |
Musajik Raya Nanggalo atau disabuik juo Musajik Raya Surau Gadang adolah musajik nan talatak di tapi Batang Kuranji di Kelurahan Surau Gadang, Kecamatan Nanggalo, Kota Padang, Sumatra Barat, Indonesia.
Musajik iko mulai dibangun pado tahun 1911 jo arsitektur bercorak Minangkabau sarato Arab. Namun baitu, bangunan nan ado kini ko adolah hasil pelokan nan dikarajoan pado tahun 1989 nan maikuikan arsitektur modern kini ko. Kini ko salaian digunoan untuak ibadah umaik Islam , muasajik ko juo digunoan sabagai tampek baraja agamo jo pasantren kilat ramadhan dek anak-anak sakola.
Sijarah
[suntiang | suntiang sumber]Musajik nan tanamo jo Musajik Raya Surau Gadang iko mulai dibangun pado tahun 1911.[1] Patamo kali dibangun musajik iko punyo arsitektur barupo papaduan antaro arsitektur Arab jo Minangkabau, karano pado saat itu salain urang panggaleh Arab, di Padang juo banyak tingga urang cadiak Minang nan pai baraja di negeri Arab, sahinggo corak Arab baitu lakek di masarakaik.[1] Pambangunan musajik iko dikarajoan manggunokan sistem pasak, yaitu pola bangunan nan indak manggunokan paku pado satiok sambuangan kayu.[1] Dindiangnyo dibuat taba, kiro-kiro 25 cm, samantaro pintu-pintunyo tabuek dari kayu ulin nan taba pulo.[1]
Babarapo tahun manjalang kemerdekaan, Belanda samakin acok manyarang urang pribumi, tamasauak di Padang.[1] Katiko Balando manyarang kawasan Nanggalo, masarakaik pai mangungis manyalamatkan diri ka musajik iko, sahinggo fungsi musajik iko juo sabagai tampek patahanan masaraiak dari sarangan balando. Salain itu, di musajik iko juo diadokan acara panikahan ataupun rapek adat atau rapek nagari.
Renovasi
[suntiang | suntiang sumber]Dikaranokan bangunan musajik banyak nan rusak sarato indak cukuik manampuang jamaah, pado tahun 1989 musajik iko dibongkar untuak dibangun baliak manjadi duo lantai. Namun di saat renovasi ko bantuak asli musajik iko diganti. Ornamen musajik raya nanggalo ko kini kental jo nuansa modern jo lantai sarato dinding pakai marmer.[1]
Rujukan
[suntiang | suntiang sumber]- Catatan kaki
- Daftar pustaka
- "Masjid Raya Surau Gadang: Jadi Benteng Pertahanan ketika Diserang Belanda". Padang Ekspres. 2011-08-18. Diakses tanggal 2012-07-23.
