Mitsubishi i
| Mitsubishi i | |
|---|---|
 | |
| Panjalehan | |
| Pabrikan | Mitsubishi Motors |
| Tahun dibuek | 2006–2013 |
| Kantua cabang | Kurashiki, Okayama, Japan (Mizushima plant) |
| Parancang | Olivier Boulay |
| Badan jo karangko | |
| Tipe oto | Kei car |
| Bantuak oto | 5-door hatchback |
| Masin oto | Mid-engine, rear-/four-wheel drive |
| Parusahaan induak | Mitsubishi MR platform |
| Tanago oto | |
| Masin | 659 cc 3B20 DOHC MIVEC 12v normally aspirated or turbocharger I3 |
| Tipe papindahan gigi | 4-speed automatic |
| Ukuran bagian oto | |
| Sumbu roda | 2,550 mm (100.4 in) |
| Panjang oto | 3,395 mm (133.7 in) |
| Leba oto | 1,475 mm (58.1 in) |
| Tinggi oto | 1,600 mm (63.0 in) |
| Barek oto | 890–900 kg (1,960–1,980 lb) |
| Pajalanan produksi | |
| Pandahulu | Mitsubishi Pistachio |
| Panaruih | Mitsubishi i-MiEV Mitsubishi eK |
Mitsubishi i adolah salah ciek oto nan di buek dek parusahaan Mitsubushi Motors di negara Japang. Oto Mitsubishi i ko marupoan oto nan ba jinih kei, aratinyo iolah oto nan punyo ukuran ketek atau masin oto nyo nan di bawah 1000 cc.[1] Oto iko dijua paratamo kali pado tahun 2006. Sabalumnyo oto kp alah di umumkan ka masyarakaik pado tahun 2003 pado acara Frankfurt Motor Show di Jerman katiko itu. Oto ko marupoan oto nan punyo ampek pintu, duo pintu di subalah suok jo duo pintu di subalah kida. Latak masin oto ko barado di bagian balakang tapeknyo di balakang panumpang. Karanao oto ko marupoan oto nan babadan ketek, bagain dalam oto alah dilengkapi sistem kaamanan katiko mambawok oto.[2]
Tipe oto[suntiang | suntiang sumber]
Ado duo tipe oto nan di buek dek parusahaan Mitsubishi Motors ko sabalum oto Mitsubishi i ko sacaro resmi di luncuan ka pasa. Partamo oto Mitsubishi i dan nan kaduo iolah Mitsubishi Se-Ro. Untuak oto Mitsubishi i ko, konsep atau rancangan dari oto ko alah di mulai pado tahun 2003 di sabuah acara panggelaran oto. Oto ko punyo konsep nan agak lain dari oto nan lain kalau diliek dari sisi lua oto karano oto ko punyo badan ketek nan hanyo punyo ampek kursi atau tampek duduak, sarato jo masinnyo nan talatak di bagian balakang oto. Oto Mitsubishi i ko punyo kapasitas masin 999 cc dan dilengkapi jo sistem nan pandai. Contohnyo, katiko oto ko baranti mako masin oto ko akan mati pulo sacaro otomatih, dan dapek di iduikan balaik hanyo jo mamijak pedal gas. Hal iko dibuek untuak supayo oto ko dapek manghemaik panggunoan bahan baka. Parusahaan Mitsubishi mancataik bahwasanyo oto Mitsubishi i ko dapek manghemaik bahan baka sakitar 3,8 liter per 100 km jalanyo.[3][4][5]
Tipe nan kaduo oto ko di namoi jo Mitsubishi Se-Ro. Konsep dari oto nan iko di luncuan juo pado 2003. Oto Mitsubishi Se-Ro ko hanyo punya kapasitas masin 660 cc di bawah dari Mitsubishi i. Konsep dari oto ko di pameran ka masyarakaik pado pagelaran oto di kota Tokyo, Japang tahun 2003. Untuak badan oto, oto Mitsubishi Se-Ro punyo desain badan oto nan lain dari nan lain. Bantuak badan otonyo babantuak samo jo ruang kamudi pasawat tempur. Badan oto pun di lapisi dek alumunium.[6][7][8]
Tanago oto[suntiang | suntiang sumber]
Oto Mitsubishi i ko punyo tanago oto nan babeda-beda tagantuang juo kapado kelas otonyo. Pado awal panjualannyo tahun 2006 oto Mitsubushi i ko punyo babarapo kelas diantaroyo dinamoi S, M, G. Oto nan di jua partamo kali ko punyo ampek kursi jo ampek pintu utamo. Namun ado pintu ciek lai yaitunyo pintu di balakang oto atau pintu untuak mancaliak masin oto. Pado tahun 2007 tadapek duo kelasi oto lai yaitu nyo dinamoi juo jo L, nan ciek lai jo LX.[9]
| Kelas oto | Masin | Tanago oto | Torsi oto |
|---|---|---|---|
| S (2007) | 3B20 659 cc, DOHC, MIVEC | 38 kW (52 PS) at 7000 rpm | 57 N⋅m (42 lb⋅ft) at 4000 rpm |
| L | |||
| LX | |||
| S (2006) | 3B20T 659 cc, DOHC, MIVEC, turbocharger | 42–48 kW (57–65 PS) at 6000 rpm | 85–95 N⋅m (63–70 lb⋅ft) at 3000 rpm |
| M | |||
| G |
Panjualan oto[suntiang | suntiang sumber]
Oto Mitsubishi i ko mulai di buek pado tahun 2005. Pado tahun 2006 oto nan di produksi ko alah siap untuak di jua ka pasa. Parusahaan Mitsubishi Motors ko manargetan mamproduksi oto ko sakitar 5000 unit oto untuak pasa domestik namun panjualan oto tasabuik malampaui target hinggo oto tasabuik tajua sampai 6000 unit. Pado akhia tahun 2006 oto Mitsubishi i ko tajua mancapai 37.000 unit oto. Untuak panjualan oto, parusahaan nan mambuek oto ko manjua oto nyo ka negara-negara lain antaro lain ka Brunei, Hong kong, Singapura, Jo ka Selandia Baru. Salain itu, panjualan oto ko sampai juo ka Inggris di tahun 2007 nan di targetan katiko itu tajua 300 unit oto per tahun di Inggris.[10][11][12]
Panjualan tahunan oto[suntiang | suntiang sumber]
| Tahun | Produksi | Panjualan | ||
|---|---|---|---|---|
| Jepang | Luar Negeri | Total | ||
| 2005 | 19,705 | 16,105 | 3 | 16,108 |
| 2006 | 31,725 | 29,498 | 454 | 29,952 |
| 2007 | 12,163 | 15,540 | 892 | 16,432 |
| 2008 | 8,501 | 8,793 | 267 | 9,060 |
| 2009 | 6,344 | 6,439 | 36 | 6,475 |
| 2010 | 4,655 | 4,685 | – | 4,685 |
| 2011 | 3,651 | 3,828 | – | 3,828 |
| 2012 | 2,340 | 2,328 | – | 2,328 |
(sumber: Facts & Figures 2012 [1] Archived 2013-12-02 di Wayback Machine., Mitsubishi Motors website)
Panghargaan[suntiang | suntiang sumber]
Oto Mitsubishi i ko pernah mandapek babarapo macam panghargaan. Partamo, panghargaan ateh namo Car of the Year di tahun 2007 di Japang. panghargaan ko di adoan dek Automotive Researchers and Journalists Conference (RJC). Panghargaan salanjuiknyo Car of the Year nan di adoan dek salah ciek situs website nan banamo Carview Corporation dan Consumer's Choice. Panghargaan salajuiknyo adolah panghargaan sabagai Most Advanced Technology atau dapek juo di sabuik jo oto nan mamakai teknologi nan paliang maju. Salanjuik nyo oto Mitsubishi i ko mandapek penghargaan ateh namo oto nan punyo desain atau bantuak nan unik, panghargaan ko didapek dari Japan Automotive Hall of Fame (JAHFA), majalah Popeye, jo Styling Mobil.[13][14]
Rujuakan[suntiang | suntiang sumber]
- ↑ ""i" Concept Test Car". web.archive.org. 2006-05-06. Diarsipkan dari versi asli tanggal 2006-05-06. Diakses tanggal 2020-03-11.
- ↑ "Mitsubishi Page". web.archive.org. 2006-08-24. Diarsipkan dari versi asli tanggal 2006-08-24. Diakses tanggal 2020-03-11.
- ↑ "Mitsubishi 'i': All round, a very good egg". Diarsipkan dari versi asli tanggal 2006-10-08. Diakses tanggal 11 Maret 2020.
- ↑ MATHIOUDAKIS, GoAutoMedia-BYRON. "Future Models - Mitsubishi - SE-RO Concept". GoAuto (dalam bahasa Inggris). Diakses tanggal 2020-03-11.
- ↑ "Wayback Machine" (PDF). web.archive.org. 2007-09-29. Diarsipkan dari versi asli (PDF) tanggal 2007-09-29. Diakses tanggal 2020-03-11.
- ↑ "Team". Channel 4 News (dalam bahasa Inggris). Diakses tanggal 2020-03-11.
- ↑ Schaffels, Brandy A. "First Look: Mitsubishi Se-Ro". Motor Trend. Diarsipkan dari versi asli tanggal 2015-01-30. Diakses tanggal 2020-03-11.
- ↑ "Automotive Engineer PLUS - Design - Boulay of Mitsubishi". web.archive.org. 2011-02-14. Diarsipkan dari versi asli tanggal 2011-02-14. Diakses tanggal 2020-03-11.
- ↑ "主要装備 | スペック | ｉ (アイ) | 軽自動車 | カーラインアップ | MITSUBISHI MOTORS JAPAN". web.archive.org. 2007-02-27. Diarsipkan dari versi asli tanggal 2007-02-27. Diakses tanggal 2020-03-11.
- ↑ "Mitsubishi "i" to go on sale in the UK". www.automotoportal.com. Diarsipkan dari versi asli tanggal 2020-02-23. Diakses tanggal 2020-03-11.
- ↑ Saturday; December 2006, 2; Motors, 12:34 am Press Release: Mitsubishi. "Innovative Award winning i-car Released | Scoop News". www.scoop.co.nz. Diakses tanggal 2020-03-11.
- ↑ "Mitsubishi-Motors/i". web.archive.org. 2007-07-01. Archived from the original on 2007-07-01. Diakses tanggal 2020-03-11.
- ↑ Mitsubishi Motors (November 15, 2006). "i" takes RJC Car of the Year 2007. Siaran pers. Archived 2009-03-28 di Wayback Machine. "archive copy". Diarsipkan dari versi asli tanggal 2009-03-28. Diakses tanggal 2020-03-11.
- ↑ "Mitsubishi Motors". Diarsipkan dari versi asli tanggal 2012-06-08. Diakses tanggal 11 Maret 2020.