Laktulosa

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Laktulosa
Lactulose structure.svg
Data klinis
Palafalan /ˈlæktjʊlz/
Namo dagang Lactulax, constipen, dulcolactol, dll.
Namo lain 4-O-β-D-Galactosyl-D-fructose
AHFS/Drugs.com
MedlinePlus a682338
Kategori pado kahamilan
  • US: B (No risk in non-human studies)
Rute
masuak ubek
Oral (solusio oral)
Kode ATC
Status legal
Status legal
Farmakokinetik data
Bioavailabilitas Sulik diserap
Metabolisme 100% di kolon dek bakteri usus
Awitan aksi 8 sampai 48 jam[2][3]
Eliminasi wakatu paruah 1,7–2 jam
Ekskresi Feses
Identifiers
Nomor CAS
PubChem CID
DrugBank
ChemSpider
UNII
KEGG
ChEBI
ChEMBL
CompTox Dashboard (EPA)
ECHA InfoCard 100.022.752 Sunting ini di Wikidata

Laktulosa adolah ubek nan biaso dipakai dek urang nan punyo kaluahan kabobolan (sembelit; konstipasi). Laktulosa tamasuak ubek paruruah (laksatif) nan bakarajo sacaro osmotik, nan mampangaruahi kasatimbangan cairan. Bahan utamo pambantuak laktulosa adolah gulo disakarida semisintetik nan indak mudah tapacah dek enzim pancernaan sarato indak diabsorpsi (serap) dalam usus.[4][3]

Laktulosa tamasuak ubek nan murah dicari di pasaran. Ubek ko tamasuak dalam ubek wajib ado di fasilitas kasihatan dek WHO ataupun Kemenkes RI. Ubek ko tasadio dalam bantuak sirup nan kadang dicampua jo sari buah atau aia dalam jumlah nan cukuik banyak, baiak generik atau paten.[5][6][4]

Farmakologi[suntiang | suntiang sumber]

Laktulosa adolah ubek nan barasa duo molekul gulo sederhana, yaitu fruktosa jo galaktosa. Laktulosa dibuek dari susu matah nan dilakukan proses paangekan. Walau baitu, laktulosa marupokan bahan nan indak dapek dilanteh (absorbsi) di usus sainggo dapek mampatahankan takanan osmosis nan manahan aia dalam rongga usus dan mambuek siso makanan dapek malunak inggo mundah kalau dari lancirik. Dek hal iko lah laktulosa dikalompokkan sabagai ubek paruruah nan bakarajo sacaro osmotik. Fungsi tambahan dari efek indak dilantehnyo laktulosa adolah dapek difermentasi dek bakteri usus inggo maasiakan gas hidrogen jo metana sarato marangsang peristaltik (pagarakkan) usus.[4][3]

Laktulosa dipacah di dalam kolon (usus gadang) dek bakteri usus inggo manjadi asam lamak rantai pendek, tamasuak di antaronyo asam laktat jo asam asetat. Pamacahan (metabolisme) tasabuik mambantuak ion NH4 dan efektif mailangkan konsentrasi amonia dalam darah.[7][8]

Sediaan[suntiang | suntiang sumber]

Laktulosa marupokan ubek nan bisa dibali tanpa resep. Hanyo di Amerika Serikat jo Austria sajo nan mawajibkan resep dotor dalam pambalian ubek ko. Di Indonesia, ubek ko tasadio dalam bantuak sirup ataupun bubuak solusio nan dapek dicampua jo aira, sari buah, atau dicampua ka dalam makanan. Dalam bantuak sirup, tasadio dalam boto 60 mL atau 200 mL. [9][10] [6]

Indikasi[suntiang | suntiang sumber]

Laktulosa diindikasikan pado pandarito kabobolan atau sembelit (konstipasi), utamonyo pado pasien nan alah lamo kabobolan atau indak bisa tatolong jo pamelokan pola makan. Dosis nan diagiah pado pandarito ko disasuaian jo kaparahan panyakiknyo. Dosis diturunkan pado pasien jo galaktosemia dek bahan pambuek laktulosa manganduang galaktosa nan musti diilakkan pado pasien jo galaktosemia.[11]

Pado anak, laktulosa diindikasikan katiko kondisi kabobolannyo alah indak tatolong jo pamelokan pola makan. Pado padusi manganduang, laktulosa lai dibuliahan juo dek indak tabukti marugikan janin nan dikanduang.[11]

Laktulosa dapek pulo diagiah pado pasien jo ensefalopati hepatik. Pado kondisi ko alah tajadi paningkekan kadar amonia dalam darah (NH3). Jo laktulosa ditambah proses fermentasi dari bakteri di kolon (usus gadang), gas amonia dari darah dapek taelo ka dalam usus dan mambantuak ion amonium (NH4) nan indak baliak lai ka dalam darah. Laktulosa dapek pulo managah tajadinyo hiperammonia dek efek sampiang ubek asam valproat.[12][7]

Fermentasi laktulosa dek bakteri dipagunokan pulo untuak managakkan diagnosis small intestinal bacterial overgrowth (SIBO). SIBO marupokan kondisi maningkeknyo populasi bakteri pado usus haluih. Hal iko dapek ditagakkan diagnosisnyo malalui tes angok (breath-test) laktulosa. Dari fermentasi laktulosa tu dihasiakan gas hidrogen jo metana.[13][8]

Efek sampiang[suntiang | suntiang sumber]

Kemasan laktulosa bubuak solusio di Japang

Laktulosa dapek mamunculkan efek sampiang pado saluran cerna. Efek sampiang nan biaso muncua yaitu mancuru (diare) dek kalabiahan dosis laktulosa. Pado kondisi nan parah, mancuru dapek mambuek pandarito maalami gangguan elektrolit sarupo hipokalemia, hipernatremia, jo hiperkloremia asidosis pado pandarito nan gaek atau pandarito jo kondisi akut. Kok mancuru muncua, dosis laktulosa musti dikurangi. Efek sampiang lain nan bisa manyaratoi yaitu paruik taraso indak lamak cando gambuang, sindawo, mual, muntah, jo banyak buang angin.[14]

Efek sampiang di saluran cerna lainnyo yaitu pneumositis intestinal. Pneumositis intestinal adolah kista barisi gas nan muncua di usus. Hal iko dapek muncua dek gas amonia nan banyak dihasiakan ditambah paningkekan tekanan dalam rongga usus sarato pamukaannyo mukosanyo nan indak rancak sainggo mudah tabantuak kista gas. Walau baitu, kondisi ko jarang tajadi.[14]

Rujuakan[suntiang | suntiang sumber]

  1. "Lactulose". The American Society of Health-System Pharmacists. Diarsipkan dari versi asli tanggal 2017-09-08. Diakses tanggal Aug 11, 2015. 
  2. Goldman, edited by Ann; Hain, Richard; Liben, Stephen (2006). Oxford textbook of palliative care for children (edisi ke-2). Oxford: Oxford University Press. p. 352. ISBN 9780198526537. https://books.google.com/books?id=f1fTsoA4wDMC&pg=PA352. 
  3. a b c Helms, Richard A. (2006). Textbook of therapeutics : drug and disease management (edisi ke-8). Philadelphia, Pa. [u.a.]: Lippincott Williams & Wilkins. p. 1310. ISBN 9780781757348. https://books.google.com/books?id=aVmRWrknaWgC&pg=PA1310. 
  4. a b c FK UI (2009). Farmakologi dan Terapi Edisi 5. Jakarta: Balai Penerbit FKUI. ISBN 9789791610407. 
  5. World Health Organization model list of essential medicines: 21st list 2019. Geneva: World Health Organization. 26 Nopember 2019. WHO/MVP/EMP/IAU/2019.06. License: CC BY-NC-SA 3.0 IGO. 
  6. a b "BPJS Kesehatan". bpjs-kesehatan.go.id. Diakses tanggal 2020-02-11. 
  7. a b Shah, S., Wang, R., & Vieux, U. (2020). Valproate-induced hyperammonemic encephalopathy: a case report. Journal of medical case reports, 14(1), 19. doi:10.1186/s13256-020-2343-x
  8. a b Kim, J. W., Park, S. Y., Chung, J. O., Cho, H. A., Kim, D. H., Yoon, J. H., ... & Rew, J. S. (2020). Influencing Factors on Lactulose Breath Test Results. The Korean journal of gastroenterology= Taehan Sohwagi Hakhoe chi, 75(1), 23.
  9. "Lactulose | Fungsi, Cara Pemakaian, Dosis, Efek Samping". SehatQ (dalam bahasa Indonesia). Diakses tanggal 2020-02-12. 
  10. "LAKTULOSA | PIO Nas". pionas.pom.go.id. Diakses tanggal 2020-02-12. 
  11. a b "Lactulose Monograph for Professionals". Drugs.com (dalam bahasa Inggris). Diakses tanggal 2020-02-11. 
  12. Wijdicks, E. F. M. (2018). Lactulose: A Simple Sugar in a Complex Encephalopathy. Neurocritical Care, 28(2), 154–156. doi:10.1007/s12028-017-0494-4
  13. Santos, A., Soares, A., Oliveira, R. P., & Morais, M. B. (2020). THE IMPACT OF SMALL INTESTINAL BACTERIAL OVERGROWTH ON THE GROWTH OF CHILDREN AND ADOLESCENTS. Revista paulista de pediatria : orgao oficial da Sociedade de Pediatria de Sao Paulo, 38, e2018164. doi:10.1590/1984-0462/2020/38/2018164
  14. a b "Lactulose Side Effects: Common, Severe, Long Term". Drugs.com (dalam bahasa Inggris). Diakses tanggal 2020-02-12.