Hurricane King
| Hurricane King | |
|---|---|
 Peta Hurricane King di Florida | |
| Tabantuak | October 13, 1950 |
| Salasai | October 20, 1950 |
| Angin tatinggi | 215 km/jam |
| Tekanan tarandah | 955 mbar (hPa) |
| Fatalities | 11 jiwa |
| Karugian | $32 million (1950 USD) |
| Area tadampak | Cuba, Florida, Georgia |
| Part of the 1950 Atlantic hurricane season | |
Hurricane King atau Rajo Badai marupoan badai nan paliang parah manyarang kota Miami, Florida sajak badai Miami pado taun 1926. Badai ko bantuaknyo sarupo pusaran angin kancang nan disaratoi jo hujan badai inggo patuih. Putarannyo badiameter 500 km jo kacepatannyo mancapai labiah dari 210 km/jam sarato punyo lintasan sajauah 1.000 km. Badai ko punyo mata siklon (pusek lingkaran) nan badiaemter 10 km inggo 100 km nan dikaliliangi dek awan padek satinggi 16 km.[1]
Hurricane King ko adolah badai kasabaleh dari anam badai gadang di musim topan Atlantik pado taun 1950. Badai komulonyo dari depresi tropis nan patamo kali tabantuak di Lauik Karibia barat pado 13 Oktober 1950, nan mulonyo manggarik ka timur laut, tapi lambek laun bapindah ka timur laut inggo batambah kuek. Pado tanggal 17 Oktober 1950, Hurricane King malintasi Kuba, nan mambuek tujuah urang maningga jo mambuek karusakan nan manyebaban karugian sakitar $ 2 juta (USD 1950). Badai itu merusak 20.861 rumah pulo di Florida selatan, 580 diantaronoyo sangaik parah. Di padalaman Florida, badai ko mambuek karusakan panen tarutamo di indsutri limau. Sasudah malamah, Hurricane King barubah manjadi badai tropis nan bapindah malintasi Georgia. Di sinan tajadi pamadaman listrik jo karusakan ketek. Di sadolah Amerika Serikat, badai manyebaban ampek urang maningga jo total karugian sakitar $ 30 juta.[2]
Sijarah Meteorologi
[suntiang | suntiang sumber]Asa mulo Hurricane King ko barasa dari depresi tropis nan bakambang lueh di pantai utara Honduras pado tanggal 13 Oktokber 1950.[3] Depresi tropis tu balangsuang singkek nan mulai bapindah ka arah timur lauik. Salanjuinyo depresi tropis mangasilan badai dari Honduras ka Kuba Barat jo manjadi badai tropis pado 14 Oktober 1950. Badai tropis tu diagiah namo "King" atau Rajo dek Joint Army/Navy Phonetic Alphabet.[1]
Badai trops tu lambek laun maningkek katiko dilacak manuju Kuba pado 16 Oktober 1950. Badai tropis nan dinamoan King tu barubah manjadi topan katiko malewati Jamaika jo Kapulauan Cayman. Jo kacepatan 150 km/jam, topan tu tibo di Camagüey. Dalam wakatu 12 jam, kakuatan topan malamah manjadi badai katiko malintasi Kuba Tangah. Tapi katiko mulai masuak ka Florida, badai ko manguek baliak manjadi topan jo kacepatannyo batambah manjadi 165 km/jam. Kacepatan topan maningkek katiko mulai babelok ka utara-barat laut. Pado tanggal 18 Oktober 1950, topan tu diklaim manjadi topan gadang atau Hurricane King nan dalam 24 jam mandarek di pusek kota Miami, Florida jo kacepatan puncak 210 km/jam sarato manjadiannyo badak kategori 4.[2]
Di darat, Hurricane King mulai malamak katiko malintasi sajumlah daerah. Katiko malewati Danau Okeechobee, Hurricane King batekanan 977 mbar. Anginnyo bakurang di sapanjang sisi selatan jo barat badai, walaupun angin tetap baambuih kancang di banyak lokasi pasisia timur Forida. Pado awal 19 Oktober 1950, Hurricane taruih malamah sahinggo barubah manjadi badai tropis di Florida tangah-utara. Lambek laun badai tropis tu manurun kakuatanyyo manjadi depresi tropis katiko malinteh di Georgia barat. Sasudah tu babelok ka barat laut jo manghilang di Alabama pado tanggal 20 Oktober 1950.[2]
Dampak
[suntiang | suntiang sumber]Karibia
[suntiang | suntiang sumber]Mulonyo Hurricane King mulai bapindah dari Honduras ka Kuba.[1] Di Pulau Swan nan talatak indak jauah dari Honduras malaporan basonyo curah hujan 52 mm.[4] Pajabaik di daerah sakitar pun alah maingekan basonyo ado badai di Kuba Timur jo Bahama. Katiko Hurricane King malintasi Kuba, kacepatan angin 195 km/jam. Hurricane King mambuek tujuah urang maningga dunia jo total karugian sakitar $ 2 juta.[5] Di lapeh pantai, tacataik sabuah kapa barang anyuik katiko badai, sapuluah urang awak kapal ilang.[6]
Florida
[suntiang | suntiang sumber]Sekitar 36 jam sabalun badai tibo, katiko masih di selatan Kuba, Biro Cuaca Miami mangaluan paringatan badai u ntuak Florida Selatan. Paringatan dini tu diyakini maminimaisir karusakan jo dampak nan tajadi, masyarakaik pun alah basiap-siap dek paringatan tu. Hurricane King tibo di Miami pado tangah malam jo angin nan sangaik kancang. Mato siklonnyo badiameter 8,4 km nan mangarah ka barat jo kacepatan angin 202 km/jam sarato di arah timur nan manghantam kantua Biro Cuaca Miami bakacepatan 197 km/jam. Karusakan paliang parah tajadi di Davie nan sarupo katiko tornado manghantam Miami. Biro Cuaca Miami mangklaim Hurricane King sabagai badai paliang parah sajak badai Miami pado taun 1926.[6]
| Lokasi | Puncak | |
|---|---|---|
| mph | km/h | |
| Carysfort Reef Light | 66 | 107 |
| Miami Weather Bureau | 122 150*^ |
197 242 |
| Miami International Airport | 125* | 202 |
| Hillsboro Inlet Light | 91 | 147 |
| Clewiston | 93* | 150 |
| Vero Beach | 72 | 116 |
| Jacksonville | 82*^ | 133 |
Di Florida, karugian dek Hurricane King mancapai $ 27,75 juta (USD 1950), $ 15 jutanyo di wilayah metropolitan Miami. Badai marusak 20.861 rumah di Florida selatan, 580 diantaronyo sangai parah. Salain itu, 248 rumah trailer rusak, 188 diataronyo rusak parah. Laporan manunjuakan sakitar 2.000 jendela toko rusak dek badai.[6] Di Hollywood Barat, sabuah kota bapanduduak 2.000 orang di utara Miami, badai merusak sakitar 150 rumah, mambuek ratusan urang kahilangan tampek tingga. Di bandara Broward County di Fort Lauderdale, badai marusak 55 bangunan jo maancuan ciek pasawaik. Labih jauah ka utara, karusakan ringan tajadi di Palm Beach, tadiri dari pohon-pohon tumbang jo jalan-jalan kabanjiran.[7]
Di Florida tangah, badai manyebaban karusakan pado tanaman jo properti. Karusakan paliang parah tajadi sapanjang Sungai India nan marusak ladang limau disinan nan karugiannyo mancapai 30%. Sacaro kasaluruahan, ladang limau nan rusak mangalami karugian inggo $ 3 juta, nan mambuek 2,5 juta kotak limau ancua.[5] Salain itu, Hurricane King mambuek lahan sayua sakitar 53 km² kabanjiran di sakitar Danau Okeechobee.[6] Di dakek Pompano, angin kencang jo hujan mambuek karugian pado tanaman nan ditanam salamo awal musim gugur, diantaronyo buncih, mantimun, taruang, lado, jo labu. Di Everglades, badai marusak tanaman buncih jo jaguang, sarato di sakitar Fort Pierce badai mambuek karugian gadang di ladang tomaik.[8]
Labiah jauah ka padalaman, Jacksonville malaporan angin kancang nan bakacepatan 72 mph (116 km/jam) mambuek pamadaman listrik dekpogon tumbang nan mambuek kabel listrik putuih. Salain itu, daerah tasabuk dilando kabanjiran jo 30 kaluarga di evakuasi. Sacaro kasaluruahan tadapek 50 urang luko-luko di negara bagian, jo tigo urang maningga dunia.[6]
Amerika Serikat
[suntiang | suntiang sumber]Katiko badai tibo di Georgia, badai mambaok hujan labek jo angin nan kacepatannyo 90 km/jam. Badai tu mambeuk pamadaman listrik balangsuang tigo jam jo mambuek sajumlah pohon tumbang. Di sadolah negara bagian, Hurricane King mambuek total karugian inggi $ 250.000 jo ciek urang maningga dunia. Di saluruah Amerika Serikat, Hurricane King manyebaban ampek urang maningga dunia, 199 urang luko-luko, 16 diantaronyo luko parah. Total karugian inggo $ 30 juta.[9]
Rujuakan
[suntiang | suntiang sumber]- ↑ a b c "Sarasota Herald-Tribune - Google News Archive Search". news.google.com. Diakses tanggal 2020-03-24.
- ↑ a b c Norton, Grady. "Hurricanes of 1950 Season" (PDF). Monthly Weather Review.
- ↑ "Atlantic hurricane best track (HURDAT version 2)". United States National Hurricane Center.
- ↑ "Tropical Cyclone Point Maxima". www.wpc.ncep.noaa.gov. Diakses tanggal 2020-03-25.
- ↑ a b Pielke, Roger A. "Hurricane Vulnerability in Latin America and The Caribbean: Normalized Damage and Loss Potentials" (PDF). Natural Hazards Review.
- ↑ a b c d e "Reading Eagle - Google News Archive Search". news.google.com. Diakses tanggal 2020-03-25.
- ↑ "The Day - Google News Archive Search". news.google.com. Diakses tanggal 2020-03-25.
- ↑ "Sarasota Herald-Tribune - Google News Archive Search". news.google.com. Diakses tanggal 2020-03-25.
- ↑ "Beaver Valley Times - Google News Archive Search". news.google.com. Diakses tanggal 2020-03-25.
 |
Wikimedia Commons mampunyoi media nan bahubuangan jo Hurricane King |