Mantimun

Mantimun

Mantimun, antimun, timun, atau katimun (Cucumis sativus L.; suku labu-labuan atau Cucurbitaceae) marupoan tumbuahan nan mahasilkan buah nan dapek dimakan. Buahnyo biasonyo dipanen katiko alum bana-bana masak untuak dijadian sayua atau penyegar, tagantuang jenisnyo. Mantimun dapek ditamuan di babagai hidangan dari saluruah dunia dan mampunyoi kandungan aie cukuik banyak di dalamnyo sahinggo bafungsi manyajuakan. Potongan buah mantimun dapek pulo digunoan untuak mambantu malembaban mungko sarato banyak dipacayo dapek manurunan tensi tinggi.

Mantimun ko hiduik jo caro satangah marambaik dan marupoan tanaman nan samusim: artinyo sasudah babungo jo babuah tanaman iko mati. Bungo mantimun ko disabuik barumah satu (monoecious) jo tipe bungo jantan dan bungo hermafrodit (bakalamin duo). Bungo partamo nan dihasiakan, biasanyo pado umua 4-5 pakan, adolah bungo jantan. Bunga-bunga salanjuiknyo adolah bungo hermafrodit pabilo patumbuahannyo rancak. Ciek tumbuahan dapek mahasiakan 20 buah, namun dalam budidayo biasanyo jumlah buah dibatehi untuak mahasiakan ukuran buah nan rancak.

Buah mantimun ko bawarna ijau katiko mudo jo larik-larik putiah kakuniangan. Samakin buah tu masak warna lua dari buah tu barubah manjadi ijau pucek sampai putiah. Bantuak buah mamanjang sarupo torpedo. Dagiang buahnyo pakambangan dari bagian mesokarp, bawarna kuniang pucek sampai jinggo tarang. Buah ko dipanen katiko masih satangah masak dan inceknyo juo alum masak. Buah nan masak biasanyo mengariang dan inceknyo bawarna itam.

Manfaaik mantimun

Manfaaik Mantimun diantaronyo punyo sifaik diuretik, efek pandingin, jo pambarasiah nan bamanfaaik untuak kulik. Kanduangan aie nan tinggi; vitamin A, B, dan C; sarato jo mineral, sarupo magnesium, kalium, mangan, jo silika; mambuek mantimun manjadi bagian pantiang dalam parawatan kulik. Masker mungko nan manganduang sari mantimun digunoan untuak mangancangkan kulik. Asam askorbat jo asam caffeic nan ado dalam mantimun dapek manurunan tingkek retensi aia, nan pado gilirannyo mangurangi pambangkakan di sakitara mato.

Hamo jo panyakik

Hamo nan ditamuan manyarang tanaman mantimun antaro lain: kutudaun Aphis gossypii (Hemiptera: Aphididae), trips Thrips parvispinus (Tysanoptera: Tripidae), kutu kebul Trialeurodes vaporariorum (Hemiptera: Aleyrodidae), lalat pangarek daun Liriomyza huidobrensis (Diptera: Agromyzidae), kumbang daun Aulacophora similis (Coleoptera: Chrysomelidae), jo ulek daun Diaphania indica (Lepidoptera: Pyralidae). Salain itu didapek juo adonyo buah nan bengkok, nan dipakiroan dek sarangan kepik Leptoglossus australis (Hemiptera: Coreidae). Panyakik-panyakik nan tadapek pado lahan tanaman mantimun disababkan nematoda puru akar Meloidogyne arenaria, embun bulu nan disababkan Pseudoperonospora cubensis, bercak daun nan disebabkan Alternaria sp. jo Colletotrichum sp. jo panyakik mosaik mantimun nan disababkan Cucumber Mosaic Virus (CMV). Seranggo hamo nan banyak maakibaikan karusakan parah jo kahilangan hasia panen adolah langau pangarek daun L. huidobrensis dan kutudaun A. gossypii. Kahilangan hasia panen tajadi juo karano adonyo gajalo buah na bengkok, nan sabagian dipakiroan disababkan dek sarangan kepik L. australis. Virus-virus pado tanaman Cucurbitaceae dapek manyebabkan gagal panen jo rugi ekonomi nan tinggi. Salah satu virus nan tadapek pado Cucurbitaceae jo tabawo baniah adolah Squash mosaic virus. SqMV babahayo kareno dapek manyababkan karugian nan sangaik tinggi dan manjadi panghalang dek nagaro pananam Cucurbitaceae sarupo Indonesia.