Gusmiati Suid

Gusmiati Suid
Berkas:Gusmiati Suid.jpg
Lahia	16 Agustus 1942 Parak Jua, Batusangkar, Tanah Datar, masa pendudukan Jepang
Maningga	28 September 2001 (umua 59) Jakarta
Kabangsaan	Indonesia
Namo lain	Yeti
Karojo	Penata tari
Dikana dek	Maestro tari
Anak	Boy G. Sakti

Gusmiati Suid (lahia di Parak Jua, Batusangkar, Tanah Datar, Sumatra Barat, 16 Agustus 1942 – maningga di Jakarta, 28 September 2001 pado umua 59 taun) marupoan panata tari (koreografer). Baliau dipandang sabagai maestro tari di dunia seni tari kontemporer Indonesia.

Riwayat

Dek indak pueh jo tarian Minangkabau sabalunnyo, nan dianggok gamulai bana jo baku, sarupo garak tari payuang, tari piriang, tari galombang jo lainnyo, inyo mulai mambuek tari Rantak, nan maadopsi garakan dari silek nan ado di Minangkabau. Hampia sado tari karyanyo kalua dari khas Tari Minangkabau. Mako co itu, Gusmiati dianggok sabagai pambarontak di dunia seni tari bagi masyarakai seni Minangkabau.

Inyo alan malahian babarapo karya seni tari tanamo, diantaronyo tari Kabar Burung, Api Dalam Sekam dan tari Rantak pado taun 1976. Sapanjang sapak tajangno di dunia tari, Gusmiati alah mambuek labiah dari 30 karya seni tari pementasan. Gusmiati ko mamimpin sanggar tari Gumarang Sakti. Baduo anaknyo, Boy G. Sakti, alah mambuek banyak karya seni tari bataraf nasional jo internasional malalui sanggar tari tu.

Penghargaan

Gusmiati dianggok barasia manciptaan dan maraiah panghargaan di Pekan Tari Rakyat Indonesia pado taun 1978. Inyo pun alah acok manampilan karyanya di lua nagari, di Lausanne, Swiss, pado taun 1980, jo di "Asia Festival of Theatre, Dance and Martial Art" di Calcutta, India, pado taun 1987. Pado taun 1991 inyo mandapek panghargaan "Bessies Award" dari New York Dance and Performance. Sanggar tari Gumarang Sakti nan didiriannyo pado taun 1982 manjadi satu-satunyo wakia Asia di dalam acara tari Internationalis Tanz Festival ke-6 di Jerman pado bulan Juni taun 1994. Festival iko dialek untuak mamparingati 100 taun lahianyo ari modern.

Gusmiati banyak bajaso jo tari Minangkabau, dalam karya-karyanyo indak paranah maninggaan identitas Minangkabau. Gusmiati Suid manjadi tunggak pangambangan budayo alam Minangkabau.

Pranala luar

• "Koreografer Gusmiati Suid Dikenang Melalui Buku". Antara Sumbar. 10 Oktober 2010. Diakses tanggal 6 Januari 2014. 
• "Gusmiati Suid". Seni Tari. Portal Resmi Provinsi DKI Jakarta. Diarsipkan dari versi asli tanggal 2014-01-06. Diakses tanggal 6 Januari 2014.