Gulai cancang
 Gulai cancang | |
| Asa | |
|---|---|
| Nagara | Indonesia |
| Daerah | Sumatra Barat |
| Detail | |
| Panyajian | basamo jo nasi |
| Bahan utamo | Gulai |
Gulai cancang adolah makanan khas Minangkabau, Sumatera Barat nan tabuek dari dagiang jawi atau dagiang kambiang. Gulai cancang ko punyo ciri khas kuahnyo nan pakek jo padeh. Biasonyo dapek ditamui di rumah makan padang. Salain randang, gulai cancang nan paliang acok lo di cari di satiok rumah makan. Gulai cancang khas Minang ko masuak dalam daftar Sup paliang lamak Se-Asia paringkek tigo.[1]
Caro mambuek[suntiang | suntiang sumber]
Bahan-bahan nan digunoan untuak mambuek gulai cancang adolah dagiang jawi atau gajebo, santan, daun kunyik, sarai, kapulaga, kayu manih, palo, jo katumba. Bumbu aluihnyo bawang merah, bawang putih, sipadeh jo langkuweh. Sabalun dimasak, dagiang dicuci jo diabuih sampai ampuak, sudah tu dikarek ketek-ketek. Angekan minyak, tumih bumbu aluih hinggo harum. Tambahan sarai, daun limau, langkueh, kapulaga, kayu manih, asam kandih, daun kunyik tumih hinggo bumbu masak. Masuakan dagiang tu aduak hinggo rato, sampai barubah warnanyo. Sudah tu masuakan aia, agiah gulo, garam, kaldu jamur, tutuik pariuak. Sudah tu padiaan hinggo dagiang ampuak. Sasudah dagiang ampuak tuang santan, aduak taruih bia indak pacah santan.[2][3][4]
Rujuakan[suntiang | suntiang sumber]
- ↑ Media, Kompas Cyber (2021-03-08). "Resep Gulai Cincang Minang yang Masuk Daftar Sup Terenak Se-Asia". KOMPAS.com. Diakses tanggal 2021-06-07.
- ↑ "Gulai Cancang Khas Padang yang Cocok untuk Makan Malam". SINDOnews.com. 2019-01-10. Diakses tanggal 2021-06-07.
- ↑ Kamis; November 2020, 26 November 2020 13:52 WIB 26; Wib, 13:52 (2020-11-26). "Yuk Coba, Resep Gulai Cancang Daging Sapi Khas Minang". indozone.id. Diakses tanggal 2021-06-07.
- ↑ WS, Odilia. "Resep Gulai Cancang Daging Sapi yang Pedas Gurih Meresap". detikfood. Diakses tanggal 2021-06-07.