Dargah Haji Ali

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Koordinat: 18°59′06″N 72°48′36″E / 18.985°N 72.81°E / 18.985; 72.81

Haji Ali Dargah
Mumbai 03-2016 12 Haji Ali Dargah.jpg

Pangunjuang Dargah Haji Ali

Afiliasi agamo Islam
Provinsi Maharashtra
Distrik Mumbai City district
Status kaagamoan Tampek suci
Deskripsi arsitektur
Arsitek Sunni-Al-Jamaat
Jinih arsitektur Musajik jo makam
Gaya arsitektur Modern
Arah fasad West
Tahun salasai 1431
Spesifikasi
Gobah 1
Minaro 1

Dargah Haji Ali adaloh situs makam nan disucian jo musajik nan talatak di sabuah pulau ketek di lapeh pantai Worli, bagian salatan Kota Mumbai, India. Tampek iko tanamo sabagai tampek mandoa dek umaik Muslim di India. Di siko, bamakam Haji Ali Shah Bukhari, tokoh tarekat nan manyiarkan Islam di Mumbai. Lataknyo nan dakek dari pusek kota mambuek objek iko tanamo pulo sabagai tampek wisata di Mumbai.[1][2][3]

Dargah Haji Ali dibangun pado tahun 1433. Bangunannyo dibuek mode tarapuang di ateh aia. Manuruik lagendanyo, Haji Ali maningga sangkek naik haji di Makkah, tapi mayiknyo tabaok atau hanyuik ka lauik inggo sampai ka pantai di Mumbai. Tampek bangunan iko barado dipacayo sabagai tampek tadampanyo mayik Haji Ali.[4]

Lagenda[suntiang | suntiang sumber]

Dargah Haji Ali dibangun pado 1431[5] untuak mangana suara padagang Muslim nan kayo, Sayyed Pir Haji Ali Shah Bukhari. Barasa dari Bukhara di Uzbekistan kini, Bukhari malakuan parjalanan kaliliang dunia pado awal hinggo abaik ka-15, sabalun manatap di Mumbai kini iko. Inyo manyarahan sadoalah harato dunianyo, sabalun inyo barangkek ka Makah untuak naiak haji.[6]

Pamelokan[suntiang | suntiang sumber]

Musajik iko ditagakan pado 1431.[7] Sajak didirian, bangunan iko hanyo duo kali kanai pelokan sacaro besar-besaran, yaitu pado 1960 jo 1964.[4] Lataknyo nan tarapuang di tapi lauik mambuek fisik bangunan taruih-manaruih takikih dek angin garam.[8]

Pado Oktober 2008, dilakukan panambahan bangunan, yaitu pado makam. Makam diparancak jo marmer putiah nan didatangan dari Makrana, Rajasthan, tampek asa marmer nan samo pado Taj Mahal.[4]

Pangunjuang[suntiang | suntiang sumber]

Dargah Haji Ali

Kompleks Dargah Haji Ali manjadi tujuan ziarah dek pangunjuang Muslim maupun untuak wisata. Pangunjuang nan baziarah biasonyo mandoa di sakitar area makam jo baibadah di dalam area musajik. Saindaknyo, satiok ari ado 10.000 sampai 15.000 urang bakunjuang ka siko.[8] Jumlah iko maningkek hinggo 20.000 sampai 15.000 pado Kamih, Jumaik, jo Ahaik.[8]

Pangunjuang padusi sempat ditagahan masuak area musajik dek panjago Dargah Haji Ali atau disabuik wali. Aturan iko diberlakukan pado Juni 2012.[9] Haji Ali for all, garakan feminis nan ditabuah dek Bharatiya Muslim Mahila Andolan[10] jo Bhumata Brigade manantang larangan tasabuik dan maajuan gugatan ka pangadilan ateh dasar kasetaraan gender.[11] Pado 26 Agustus 2016, Pangadilan Tinggi Bombay mangabulan gugatan Haji Ali for all. Panjago Dargah Haji Ali akhianyo sacaro resmi mancabuik aturan nan managahan padusi masuak ka area musajik. Kaputusan iko balaku sajak 29 November 2016.[12]

Caliak pulo[suntiang | suntiang sumber]

Rujuakan[suntiang | suntiang sumber]

  1. Thomas, Amelia (2012). Goa & Mumbai (edisi ke-second). Footscray, Victoria, Australia: Lonely Planet. pp. 87–88. ISBN 978-1-74179-778-7. 
  2. "World's Greatest City: 50 reasons Mumbai is No.1: 43. The floating mosque ", 30 Januari 2010. Diarsipkan dari aslinya, tanggal 7 October 2009.
  3. Lewis, Clara. "Dargah devotees against sea link landing ", 11 Pebruari 2011. Diarsipkan dari aslinya, tanggal 13 July 2013.
  4. a b c "Siapa Sangka India Punya Masjid Suci di Tengah Laut" (dalam bahaso id). Detiktravel Inside. 1 Juli 2015. Diarsipan dari nan asli pada 20 September 2015. https://web.archive.org/web/20150920191927/http://travel.detik.com/read/2015/07/01/161251/2957644/1520/siapa-sangka-india-punya-masjid-suci-di-tengah-laut. 
  5. "Haji Ali dargah was built in 1431 » Haji Ali Dargah, Maryam Mosque in Mumbai". Hajiali.org. 10 Desember 2007. http://www.hajiali.org/2007/12/10/78625. Diakses pado 7 Pebruari 2012. 
  6. "History of Pir Haji Ali Shah Bukhari (R.A.)". Haji Ali Dargah Trust. Diarsipan dari nan asli pada 15 Agustus 2015. https://web.archive.org/web/20150815061335/http://hajialidargah.in/hajiali_history1.html. 
  7. Thomas, Shibu. "Court dismisses plea challenging Haji Ali revamp ", 25 Juli 2009. Diarsipkan dari aslinya, tanggal 17 July 2013.
  8. a b c "About Mumbai: For the Tourist". Chhatrapati Shivaji International Airport. Diarsipan dari nan asli pada 13 Pebruari 2011. https://web.archive.org/web/20110213013916/http://www.csia.in/mumbaimasala/thetourist.aspx. 
  9. "Women Re-Enter Mumbai's Haji Ali Dargah After 5 Years ", (Hindustan Times), 29 Nopember 2016. Diakses pado 23 Mai 2017.
  10. http://www.hindustantimes.com/mumbai/scholars-divided-over-allowing-women-in-haji-ali-dargah/story-i4xqsED5CNXYznod3kafcI.html
  11. http://www.mid-day.com/articles/haji-ali-for-all-protests-force-trupti-desai-to-turn-away/17180179
  12. Sinha, Bhadra, "Women will be allowed to enter Haji Ali in a month: Shrine board tells SC ", (The Hindu), 24 Oktober 2016. Diakses pado 24 Oktober 2016.

Pautan lua[suntiang | suntiang sumber]