Dahlan Abdullah
 | |
| Biografi | |
|---|---|
| Lahia | 15 Juni 1895  |
| Kamatian | 12 Mai 1950 (54 tahun (id)  )Bagdad |
| Tampek dimakamkan | Masjid Abdul Qadir al-Jailani (id) |
| Kalompok etnis | Urang Minangkabau |
| Almamater | Universitas Leiden |
| Kagiatan | |
| Karajo | Diplomat (id) |
Baginda Dahlan Abdullah (15 Juni 1895 - 12 Mei 1950) adolah saurang pendidik, politikus, jo diplomat Indonesia katurunan Minangkabau asa Pariaman. Karir pendidikannyo dimulai di Balando, sabagai asisten pengajar dan ikuik pulo dalam gerakan Perhimpunan Indonesia. Karir puncaknyo iolah sabagai duta Indonesia ka Karajaan Irak, Suriah, Yordania, jo Libanon. Salain diplomat, inyo adolah urang pribumi patamo nan mangajaran Bahasa Melayu/Indonesia di nagara Balando.
Biografi
[suntiang | suntiang sumber]Hiduik mudo
[suntiang | suntiang sumber]Dahlan Abdullah lahia di Pariaman, Sumatra Westkust, pado 15 Juni 1895 maso Hindia Balando,[lower-alpha 1] Anak patamo dari Abdoellah, saurang kadi, jo Siti Alidjah, disabuik pulo sabagai Uniang.[1] Inyo anak patamo, adiak laki-laki bajumlah duo urang, sadangkan adiak padusi tujuah, tigo di antaronyo maningga di maso ketek.[1] Sabagai urang Minang, inyo basuku Tanjuang dari limo turunannyo,[1] Tatapi sabagai urang Piaman inyo mandapek gala Bagindo dari apaknyo Abdoellah sabab urang Piaman mampunyai adaiknyo nan balain dari darek.[1][lower-alpha 2]
Dahlan iduik basamo kaluarganyo di kampuang Pasia, nan paliang padek panduduaknyo. Ilmu mambaco Al-Qur'an mulai inyo palajari sajak ketek, dilanjuikan palajaran mancatat pado sikolah dasar adat (volkschool) pado umua tujuah atau salapan.[1] Dahlan malanjuikan palajaran saizin ayahnyo yang bapikia labiah maju di sikolah untuak anak-anak adat nan dikelola Belanda (Hollandsch-Inlandsche School) di kota Padang, dari situlah Dahlan mandapek ijazahnyo pado taun 1907.[1][2] Sataun kudian, apaknyo mamasuakannyo di sikolah Hollandsch Inlandsche Kweekschool di Fort de Kock, basobok satu kelas jo Tan Malaka.[1] Baso Abdoellah dapek mamasuakan anaknyo di sikolah gaya Eropa alun dikatahui, tapi sabagian pejabat kolonial Balando dikana ma ibo jo kaluarga pribumi nan anak-anaknyo manunjuakan kaahlian tatantu.[2]
Pendidikan jo aktivitas di Balando
[suntiang | suntiang sumber]Lapeh lulus jo sertifikat guru adat pado taun 1913, Dahlan, Tan Malaka, jo mahasiswa katigo (nan indak dikatahui namonyo) diagiah kasampatan untuak malanjuikan kajinyo di Balando. Dek bantuan beasiswa Haagsch Genootschap, Dahlan tibo di Den Haag pado bulan November dan masuak di sikolah guru Kristen.[1] Arsip sikolah manunjuakan baso dari 21 murid di sinan, inyolah nan urang asli Hindia Timur, sisanyo datang dari bamacam tampek di Balando. Inyo lulus satahun labiah awal dari nan patuik, taun 1915, jo mandapek sertifikat juo untuak maulah pangajaran di sikolah dasar.[1][1]
Dahlan manuruikan pendidikan tinggi di Universitas Leiden, lalu ikuik Perhimpunan Indonesia (Indische Vereeniging), nan ditagakan untuak mangaluwakan budayo Hindia Timur jo tujuan-tujuannyo.[1] Pado taun 1916, pulau Jawa dihantam banjir paliang gadang sajak 30 taun lalu, banyak kampuang jo rel kareta rusak.[3][1] Dahlan berhasil manyatokan amal perhimpunan untuak manggalang dana bagi korban banjir.[1] Tahun itu pulo, ateh pamintak dari Soewardi Soerjaningrat nan sadang dibuang ka Balando, inyo cubo mangecek, untuak patamo kali, di muko khalayak umum pado Kongres Pendidikan Kolonial 1916 (Eerste Koloniaal Onderwijscongres) sarato mambela peran guru adat dalam pandidikan bahaso Balando sabagai bagian dari Kabijakan etika Balando di Hindia Timur.[1] Dek kajadian-kajadian iko, banyak dukungan padonyo dari rekan-rekannyo mahasiswa. Pado taun 1917, inyo dipilih sabagai ketua paliang mudo dalam sajarah perhimpunan pado umua 22 tahun.[1]
Saat kuliah di Universitas Leiden, Dahlan manjalin hubungan dakek jo Philippus Samuel van Ronkel, sarjana Bahaso Melayu nan digaji untuak manggantian ahli bahaso Charles Adriaan van Ophuijsen. Dari tahun 1918 hinggo 1923, Dahlan digaji sabagai asisten pangajaran Van Ronkel (helpleraar), sahinggo manjadi urang Malayu patamo nan mangaja bahaso Malayu di kampus itu. Inyo mambari kaji bahaso Melayu bagi calon pegawai Balando nan ka batugas di Hindia Timur, samantaro Van Ronkel maajakan tata bahaso Melayu.[4] Pado taun 1919, inyo ditarimo sabagai anggota Bijdragen tot de Taal-, Land-en Volkenkunde, jurnal akademik tanamo jo spesifik pado Asia Tenggara jo Hindia Timur.[2]
Baliak ka Hindia Balando
[suntiang | suntiang sumber]Sasudah di Hindia Balando dan bakadudukan di Batavia, Dahlan mangaja di Hollandsche Chinese School lalu bapindah ka Sekolah Muhammadiyah. Salain manjadi guru, inyo manjadi pangurus Roemah Piatoe Moeslimin dan maggalang dana untuak korban gampo di Sumatera Selatan pado taun 1933. Inyo bapartisipasi pulo dalam aktivitas politik dengan bagabuang ka Partai Indonesia Raya dan duduak sabagai wakil rakyat Batavia dari taun 1934-1942. Pado maso pendudukan Japang, Dahlan nan bajuang untuak kamardekaan Indonesia sacaro kooperatif dipiliah pamarentah Japang sabagai walikota Jakarta hinggo kalahnyo Japang.
Saat Indonesia mardeka, Dahlan dipiliah sabagai anggota Komite Nasional Indonesia Pusat. Katiko Balando manguasai Jakarta pado maso Parang Kamardekaan Indonesia, inyo dipanjaro dek Balando pado bulan Agustus 1946 dan baru bebas pado Januari 1947. Sasudah bebas inyo langsuang bakunjuang ka tampek pengasingan Hatta di Bangka.
Duta Besar di Irak
[suntiang | suntiang sumber]
Sasudah Konferensi Meja Bundar 1949 jo panagakan Republik Indonesia Serikat, pamarintah nan baru tabantuak manunjuk sapuluah duta nagara partamo antaro Januari jo Februari 1950. Dari sapuluah urang, Dahlan Abdullah jo Rasjidi ditunjuak sabagai duta di Karajaan Irak jo Karajaan Mesir, duo nagara partamo nan mangakui kamardekaan Indonesia, untuak manubuak jalinan rasmi antaro duo nagara itu.[6] Partai Masyumi nan manantukan duta di nagara Islam mangajuan Dahlan pado sabuah pertemuan kabinet pado 20 Februari. Inyo disumpah pado 27 Februari, dan efektif manjadi duta pado 1 Maret. Walaupun sacaro rasmi ditugaskan ka Baghdad, inyo juo mawakili kepentingan Indonesia di Suriah, Yordania, jo Libanon.[1] [7] Dahlan manunjuakkan surat diplomatisnyo kapado AbduIlah, Regent Irak, di istano karajaan pado 8 April.[1]
Maningga
[suntiang | suntiang sumber]Duo anaknyo manuruik inyo ka Baghdad bara hari salapeh itu, anak-anaknyo itu manampak inyo acok bakarajo sampai malam manyudahan tugas kedutaan jo manuruik alek diplomatik. Inyo dirujuak ka rumah sakit sasudah tampak tando kalemah jo latiah dan maningga pado 12 Mei.[1]
Tinggalan
[suntiang | suntiang sumber]Ateh saran menteri luar negeri Indonesia Agus Salim, pamarintah jo kaluarganyo basapakek untuak mamakamkannyo di Baghdad sabagai "simbol ikatan abadi antaro Indonesia jo Irak". Pamakaman Dahlan pado tanggal 19 Mei diramaikan ribuan rakyat Baghdad, pamarentah Irak pulo mambuek ijin untuak mayiknyo dimakamkan di Gobah Abdul-Qadir Gilani.[8]
Catatan
[suntiang | suntiang sumber]- ↑ The 15 June 1895 birth date is engraved on Dahlan Abdullah's tomb in Baghdad. Templat:Harvtxt found at least one Japanese military administration source that alternatively indicates 15 July 1895 as his date of birth. This finding is echoed by Templat:Harvtxt in at least one Dutch colonial source.
- ↑ The aristocratic title is written alternatingly in different sources as Bagindo and Baginda. Templat:Harvtxt explain that, in the late 19th and early 20th centuries, Minangkabau people more commonly wrote in Arabic script, which does not contain the ⟨o⟩ sound that exists in the spoken Minangkabau language, so they resorted to using ⟨a⟩ in writing instead.
Rujuakan
[suntiang | suntiang sumber]Kutipan
[suntiang | suntiang sumber]- ↑ a b c d e f g h i j k l m n o p Chaniago, Nopriyasman & Abdullah 2020.
- ↑ a b c Suryadi 2014.
- ↑ Tantri 2017.
- ↑ Chaniago, Nopriyasman & Abdullah 2020, hlm. 165–166.
- ↑ Chaniago, Nopriyasman & Abdullah 2020, hlm. 413.
- ↑ Chaniago, Nopriyasman & Abdullah 2020, hlm. 394–395.
- ↑ Chaniago, Nopriyasman & Abdullah 2020, hlm. 413–416.
- ↑ Chaniago, Nopriyasman & Abdullah 2020, hlm. 420–422.
Daftar Pustaka
[suntiang | suntiang sumber]- Chaniago, Hasril; Nopriyasman; Abdullah, Iqbal Alan (2020) (dalam bahaso Indonesian). Baginda Dahlan Abdullah: Bapak Kebangsaan Indonesia. Jakarta: Yayasan Pustaka Obor Indonesia. ISBN 978-602-433-907-4.
- Suryadi (25 August 2014). "Nasionalisme Seorang Putra Pariaman: Mengenang Kepahlawanan H. Bagindo Dahlan Abdullah (1895–1950)" (dalam bahaso Indonesian) (PDF). Sejarah Pariaman dan Kepahlawanan H. Bagindo Dahlan Abdullah. Pariaman, West Sumatra: Leiden University. https://scholarlypublications.universiteitleiden.nl/handle/1887/30107.
- Tantri, Erlita (August 2017). "Dutch Flood Control in Surabaya 1906–1942" (PDF). Patrawidya. Balai Pelestarian Nilai Budaya D. I. Yogyakarta. 18 (2): 155–172. doi:10.52829/pw.37. ISSN 1411-5239.