Cuaco

Citra satelit nan manunjuakkan pagarakan hurricane mandokeki pantai timua Amerika Sarikat.

Bagian dari seri alam
Cuaco
Portal Cuaca

Cuaco adolah kaâdaan udaro di atmosfir planet pado wakatu dan tompek tatontu nan sifaiknyo indak manontu dan biasonyo baubah-ubah. Panilaian tahadok kategori cuaco umumnyo dinyatokan jo mancaliak kondisi hujan, suhu udaro, jumlah tutupan awan, panguapan, kalambapan, dan kacapatan angin di suatu tampek dari hari ka hari. Analisis cuaco manggunian kurun wakatu antaro sahari hinggo saminggu. Unsua-unsua pambantuak cuaco iyolah suhu udaro, takanan udaro, kalambapan udaro, laju uap aia, awan, hujan dan angin. Nilai-nilai unsua cuaco dinyatoan sacaro babedo bilo wakatu kasatuannyo babedo. Parnyatoan cuaco pado suatu wakatu nan singkek haruih manggunoan nilai-nilai unsua cuaco nan ado pado saat itu. Sadangkan parnyatoan cuaco pado wakatu kasatuan nan labiah panjang haruih manggunoan nilai-nilai unsua cuaco jo tingkatan paliang randah, paliang tenggi, atau paliang dapek taraso dek pancaindra. Proses-proses pado atmosfer dapek mambantuak fenomena cuaco barupo hidrometeor, litometeor, fotometeor, dan elektrometeor.

Cuaco tajadi basobok suhu dan kalambapan nan babedo antaro ciek tampek jo tampek lainnyo. Pabedaan iko dapek tajadi bilo suduik pamanasan matoari nan babedo dari ciek tampek ka tampek lainnyo basobok lintang bumi nan babedo. Suhu udaro nan babedo sangek tinggi di daerah tropis dan daerah kutub dapek manimbulkan jet stream. Sumbu bumi nan miriang babandiang orbit bumi tahadok matoari mambuek cuaco babedo sapanjang taun untuak daerah sub tropis hinggo kutub. Di parmukoan bumi suhu biasonyo bakisar ± 40 °C. Salamo ribuan taun parubahan orbit bumi mampangaruhi juo jumlah dan distribusi energi matoari nan ditarimo dek bumi dan mampangaruhi iklim jangka panjang. Cuaco di bumi dipangaruhi juo dek hal-hal lain nan tajadi di angkaso, di antaronyo adonyo angin matoari atau disabuik juo star's corona.

Daftar pustaka

1. Aldrian, dkk. (2011). Adaptasi dan Mitigasi Perubahan Iklim di Indonesia. Jakarta: Pusat Perubahan Iklim dan Kualitas Udara, Kedeputian Bidang Klimatologi, Badan Meteorologi, Klimatologi, dan Geofisika. https://www.researchgate.net/profile/Edvin_Aldrian/publication/309721670_Adaptasi_dan_Mitigasi_Perubahan_Iklim_di_Indonesia/links/581ec39c08aea429b295db6b/Adaptasi-dan-Mitigasi-Perubahan-Iklim-di-Indonesia.pdf. 
2. Sucahyono S., D., dan Ribudiyanto, K. (2013). Cuaca dan Iklim Ekstrim di Indonesia. Jakarta: Pusat Penelitian dan Pengembangan, Badan Meteorologi, Klimatologi, dan Geofisika. ISBN 978-602-1282-00-7. http://puslitbang.bmkg.go.id/litbang/wp-content/uploads/2018/01/cuaca-dan-iklim-ekstrim.pdf. Diakses pado 28 Desember 2020. 
3. Tjasyono HK., dan Harijono, S. W. B. (2012). Meteorologi Indonesia II: Awan dan Hujan Monsun (edisi ke-4). Jakarta: Badan Meteorologi, Klimatologi dan Geofisika. ISBN 978-979-99507-6-5. http://puslitbang.bmkg.go.id/litbang/wp-content/uploads/2018/01/meteo-indonesia-II.pdf. Diakses pado 28 Desember 2020. 
4. Winarno, dkk. (2019). Klimatologi Pertanian. Bandar Lampung: Pusaka Media. ISBN 978-602-5947-54-4. http://repository.lppm.unila.ac.id/14356/1/klimatologi%20pertanian.pdf. 
5. Wirjohamidjojo, S., dan Swarinoto, Y. (2007). Praktek Meteorologi Pertanian. Jakarta: Badan Meteorologi Klimatologi dan Geofisika. ISBN 978-979-1241-05-2. http://puslitbang.bmkg.go.id/litbang/wp-content/uploads/2018/01/praktek-meteo-pertanian.pdf. Diakses pado 28 Desember 2020. 

Lihat pula

• Media tantang cuaco di Wikimedia Commons

• Meteorologi
• Prakiraan cuaco
• Radar cuaco
• Iklim
• Atmosfer Bumi
• Cuaca ekstrem
• Matoari

Pautan lua

• (Inggirih) Space Weather