Uap aia

Wikipedia Minangkabau - Lubuak aka tapian ilimu
Uap aia (H2O)

Uap aia nan tak tacoliak mangombun mambantuak
awan tetesan hujan bawujud caia nan tacaliak
Kaadaan caia Aia
Kaadaan padek Es
Properti[1]
Rumus molekul H2O
Masa molar 18.01528(33) g/mol
Titik lebur 0.00 °C (273.15 K)[2]
Titik didih 99.98 °C (373.13 K)[2]
Konstanta gas spesifik 461.5 J/(kg·K)
Paneh panguapan 2.27 MJ/kg
Kapasitas paneh pado 300 K 1.864 kJ/(kg·K)[3]

Uap aia adolah aia nan babantuak gas nan ado akibat proses pamanasan aia (H2O) manjadi uap aia.[4] Aia nan tadapek di darek dan lautan akan manguap basobok takonai paneh matoari lalu manjadi awan atau kabuik di langik. Aia nan takanduang di awan akan turun baliak ka darek dan lauik manjadi hujan. Uap aia punyo potensi kakuatan nan luar biaso nan dapek paguno untuak manggarakkan turbin listrik PLTU, kareta uap, atau masin uap.

Di bawah kondisi atmosfir nan khas, uap aia sacaro taruih manaruih dihasilkan dek panguapan dan dihilangkan dangan kondensasi. Uap aia basifat kurang padek daripado kabanyakan konstituen udaro lainnyo dan mamicu aruih konveksi nan dapek manyobabkan awan.

Sabagai komponen hidrosfer bumi dan siklus hidrologi, uap aia sangat malimpah di atmosfer bumi, dan marupokan gas rumah kaco nan paliang kuek, lobiah kuek dari gas lain ajak karbon dioksida dan metana. Panggunaan uap aia, sabagai uap, pantiang untuak mamasak, dan sebagai komponen utamo dalam produksi energi dan sistem transportasi sojak era revolusi industri.

Uap aia iyolah konstituen atmosfer nan relatif umum, hadir bahkan di atmosfer matoari saroto di tiok planet di Tata Surya dan banyak objek astronomi tamasuak satelit alami, komet, dan bahkan asteroid bosegh. Dek biktu, deteksi uap aia ekstrasurya akan manunjuakkan distribusi sarupo di sistem planet lain. Uap aia pantiang basobok dapek manjadi bukti indak langsuang nan mandukuang kabaradoan aia caia di parmukoan dalam kasus babarapo bando bamassa planet.

Tiok kali molekul aia maninggalkan parmukoan dan badifusi manjadi gas di sakitarnyo, ko dikatoan tolah manguap. Tiok molekul aia nan batransisi antaro kaàdaan nan lobiah solid (caia) dan nan kurang solid (uap/gas) malakukannyo malalui panyorapan atau palapehan energi kinetik. Pangukuran agregat dari transfer energi kinetik iko didefinisikan sabagai energi termal dan hanyo tajadi jiko tadapek parbedaan suhu molekul aia. Air caia nan manjadi uap aia mambutuhkan sakumpulan paneh, dalam proses nan disabuik pandinginan evaporatif.[5] Jumlah uap aia di udaro manantukan sabarapi soriang molekul akan baliak ka parmukoan. Katiko panguapan barosiah tajadi, badan aia akan mangalami pandinginan barosiah nan bahubuangan langsuang dangan hilangnyo aia.

Rujuakan[suntiang | suntiang sumber]

  1. Lide (1992)
  2. a b en:Vienna Standard Mean Ocean Water (VSMOW), digunakan untuk kalibrasi, meleleh pada 273.1500089(10) K (0.000089(10) °C, dan mendidih pada 373.1339 [Kelvin|K} (99.9839 °C)
  3. "Water Vapor – Specific Heat". Diakses tanggal May 15, 2012. 
  4. Media, Kompas Cyber. "6 Gas Rumah Kaca Halaman all". KOMPAS.com (dalam bahasa Indonesia). Diakses tanggal 2021-01-23. 
  5. Schroeder (2000), hlm. 36

Pautan lua[suntiang | suntiang sumber]