Bundo Maria
 | |
| Namo dalam bahaso usali | (arc) ܡܪܝܡ (he) מרים  |
|---|---|
| Biografi | |
| Lahia | 1 abad SM Sepforis |
| Kamatian | 1 abad nilai indak dikatahui |
| Tampek dimakamkan | Makam Bundo Maria |
| Kalompok etnis | Yahudi |
| Agamo | Agamo Yahudi jo Kristen |
| T0019 | |
| |
| Tanggal parayoan | 15 Agustus |
| Kaluarga | |
| Kaluarga | Keluarga Kudus (id)  |
| Pasangan hiduik | Yosef |
| Anak | Yesus Yakobus Sadik Simon, sudaro Yesus Yudas Yoses |
| Abak | Yoakhim , Anna (id) |
| Sanak saibu/sabapak | Salome (id) jo Maria Klopas |
| Kerabat (id) | Elisabet (id) (nilai indak dikatahui) Yohanes Pembaptis (id) (nilai indak dikatahui) |
 | |
Maria (Aram: מרים; Yunani: Μαριαμ; Arab: مريم) adolah induak dari Yesus Kristus manuruik Alkitab Pajanjian Baru[1], dan induak dari Nabi Isa manuruik Al-Qur'an[2]. Bundo Maria marupokan tunangan nan kudian manjadi bini dari Santo Yusuf manuruik Agamo Kristen.
Manuruik sumber non-kanonik, urang tuo Maria adolah Santo Yoakhim jo Santa Anna. Manuruik Kitab Talmud, namo ayah dari Maria adolah "Heli" atau "Eli" (Kitab Lukas)[3]. Manuruik Al-Qur'an, ayah Maryam adolah Imran (namonyo diabadikan di dalam surah Ali Imran).
Panganuik Agamo Kristen picayo baso Bundo Maria, nan katiko itu marupokan saurang gadih, mandapek kaba dari Malaikaik Gabriel, baso inyo ka manganduang saurang Juru Salamaik, yaitu Yesus Kristus, anak Allah nan iduik malalui mukjizaik dari Roh Kuduih, lahia ka dunia untuak manabuih doso-doso manusia.
Gala
[suntiang | suntiang sumber]
Gala-gala Bundo Maria nan acok tadanga adolah "Santa Maria" jo "Theotokos". Gala Bundo Maria tasabuik diakui didalam Konsili Ekumenis III di Kota Efesus pado tahun 431 Masehi. Arati Teologis nan takanduang di dalam gala tasabuik adolah baso anak Bundo Maria, Yesus Kristus, sapanuahnyo adolah Allah dan sapanuahnyo manusia. Kaduo sipaik Yesus Kristus tasabuik (ilahi jo insani) dipasatukan di dalam Ciek Pribadi nan tungga. Gala Bundo Maria nan lain adolah Bundo Maria sabagai Bundo Babaleh Kasih (Mater Misericordiae).
Kisah iduik Bundo Maria
[suntiang | suntiang sumber].jpg)
Bundo Maria tingga di Kota Nazareth. Urang tuo Bundo Maria, yoitu Santo Yoakhim jo Santa Anna alah mampatunangkan Bundo Maria jo Santo Yusuf dari Kaluarga Daud[4]. Pado suatu hari, Malaikaik Gabriel bakaba kapado Bundo Maria baso inyo ka manjadi induak dari Mesias nan dijanjikan Allah, jo caro manganduangnyo malalui Mukjizaik dari Roh Kuduih[5]. Katiko Santo Yusuf dikabakan dek Malaikaik Gabriel soal kahamilan Bundo Maria di dalam sabuah mimpi, inyo pun takajuik. Tapi, Malaikaik tasabuik bapasan kapadonyo supayo Santo Yusuf indak takuik manjadikan Bundo Maria sabagai bininyo. Santo Yusuf pun mamatuahi parintah Malaikaik tasabuik jo malangkoki rituih-rituih pakawinan[6].
Bundo Maria marupokan karabaik dari Elizabet[7]. Katiko Malaikaik Aguang Gabriel maagiah kaba kapado Bundo Maria baso Elizabet, nan sabalunnyo mandua kini alah manganduang, sagiro mangunjuangi karabaiknyo nan tingga di Kota Yuttah, Yudea[8]. Pado suatu hari, Kaisar Octavius Agustus, saurang kaisar dari Kakaisaran Romawi, mangaluakan sabuah parintah nan maharuihkan saluruah rakyaik Kakaisaran Romawi pulang ka kampuang halamannyo masiang-masiang untuak turuik sato dalam sabuah sensus[9]. Mandanga kaba tasabuik, Bundo Maria jo Santo Yusuf lakeh baliak pulang ka kampuang halamannyo di Kota Nazareth. Samaso di Kota Betlehem, Bundo Maria alah wakatunyo malahiakan. Tetapi, inyo indak mandapek tampek panginapan untuak malahiakan. Akhianyo, inyo mandapek tampek nan kosong yaitu kandang domba. Di tampek tasabuik Bundo Maria malahiakan Yesus Kristus[10].
Kamatian Bundo Maria
[suntiang | suntiang sumber]Kamatian Bundo Maria indak tacataik di dalam Alkitab. Namun manuruik tradisi Gareja Katolik jo Gareja Ortodoks, 15 tahun salapeh Yesus Kristus naiak ka sarugo, Bundo Maria maningga dunia. Kamatian Bundo Maria disaksikan rasul-rasul Yesus Kristus. Katiko rasul-rasul Yesus Kristus mambukak makamnyo, kironyo kosong. Sainggo inyo mangatokan bahwo inyo alah diangkek sacaro jasmani jo rohani ka Sarugo.
Pangaruah William Shakespeare
[suntiang | suntiang sumber]Pado abaik ka-16 Masehi di Karajaan Inggirih, Panghormatan tahadok Bundo Maria manjadi sabuah kontroversi umum dek manyangkuik makna ayaik-ayaik di Alkitab jo Citra-citra Religius didalam kahidupan umaik Kristen. Babarapo tokoh takamuko di Karajaan Inggirih pado abaik ka-16 Masehi, panah manyabuik ziarah ka tampek-tempek nan ditagakkan untuak mangormati Bundo Maria sarato badoa Rosario basipek "Takhayul" dan tamasuak "panyambahan barhalo". Sajak tahun 1535-1538, di bawah Pamarintahan Rajo Henry VIII, saluruah tampek-tampek ziarah di Karajaan Inggirih dihancuakan, Karano Kaum Reformer Kristen Protestan picayo baso tampek-tampek tasabuik bapangaruah buruak pado kahidupan rohani masyarakaik. Salah satu ziarahnyo banamo Our Lady of Walsingham.
Pado wakatu nan basamoan, namo "Maria" atau "Mary" dalam bahaso Inggirih samakin populer sabagai namo nan diagiah kapado bayi padusi di Karajaan Inggirih. Sakiro tahun 1600, jumlah bayi padusi nan diagiah namo Maria maningkek sagadang 19% dari 1% manjadi 20%.
William Shakespeare mampunyoi kontribusi nan kuek pado isu-isu politik nan manyangkuik namo "Maria". Salah satu Karya William Shakespeare nan manuai kontroversi adolah drama Romeo and Juliet, tapeknyo bagian patamo, babak ka-5, nan baisi sabuah dialog nan disusun dalam bantuak sabuah soneta. Di dalam bagian tasabuik, Romeo manggunokan tampek "paziarahan" Bundo Maria sabagai tampek untuak marayu Juliet.
Caliak pulo
[suntiang | suntiang sumber]Rujuakan
[suntiang | suntiang sumber]- ↑ Matius 1:18-20, Lukas 1:35
- ↑ "Surah Ali 'Imran - 45". Quran.com (dalam bahasa Inggris). Diakses tanggal 2023-03-17.
- ↑ "ירושלמי - מסכת חגיגה". mechon-mamre.org. Diakses tanggal 2023-03-17.
- ↑ "Lukas 1 (TB) - Tampilan Pasal - Alkitab SABDA". alkitab.sabda.org. Diakses tanggal 2023-03-17.
- ↑ "Lukas 1 (TB) - Tampilan Pasal - Alkitab SABDA". alkitab.sabda.org. Diakses tanggal 2023-03-17.
- ↑ "Matius 1 (TB) - Tampilan Pasal - Alkitab SABDA". alkitab.sabda.org. Diakses tanggal 2023-03-17.
- ↑ Lukas 1:5, 1:36
- ↑ Lukas 1:56-57
- ↑ Lukas 2:1
- ↑ Lukas 2:6-7
Bacoan lainnyo
[suntiang | suntiang sumber]- Orestes Brownson, Saint Worship and the Worship of Mary, Sophia Institute Press, 2003, ISBN 1-928832-88-1
- Chantal Epie, The Scriptural Roots of Catholic Teaching, Sophia Institute Press, 2002, ISBN 1-928832-53-9
- William A. Jurgens, The Faith of the Early Fathers
- Jaroslav Pelikan, Mary Through the Centuries: Her Place in the History of Culture, Yale University Press, 1998, hardcover, 240 pages ISBN 0-300-06951-0; trade paperback, 1998, 240 pages, ISBN 0-300-07661-4
Pautan lua
[suntiang | suntiang sumber]- (Indonesia) Novena Tiga Salam Maria Archived 2021-04-26 di Wayback Machine. Diarsipkan 2021-04-26 di Wayback Machine.
- (Inggirih) Christian Beliefs about Mary Diarsipkan 2012-01-06 di Wayback Machine.
- (Inggirih) 632 pictures of the Virgin Archived 2015-05-11 di Wayback Machine.
- (Inggirih) Munificentissimus Deus
- (Inggirih) Bernard Orchard, The Betrothal and Marriage of Mary to Joseph, Part 1; Part 2
- (Inggirih) Bernard Orchard, Summary of the article's argumentation and chronological chart Archived 2005-12-31 di Wayback Machine. Diarsipkan 2005-12-31 di Wayback Machine.
- (Inggirih) St Mary in Indian Orthodox tradition Archived 2008-09-30 di Wayback Machine. Diarsipkan 2008-09-30 di Wayback Machine.
- (Inggirih) The Sense of Mary and Shakespeare in Sixteenth-Century England
- (Inggirih) American Catholic - Blessed Virgin Mary - The First Disciple
- (Inggirih) Criticism of the veneration of Mary Archived 2005-04-05 di Wayback Machine. Diarsipkan 2005-04-05 di Wayback Machine.
- (Inggirih) The Unknown Lives of Jesus and Mary Archived 2005-11-25 di Wayback Machine. Diarsipkan 2005-11-25 di Wayback Machine. from the Apocrypha and other little known sources.
- (Inggirih) Makam Maria
- (Inggirih) Makam Maria
- (Inggirih) Studi mengenai sang perawan yang terberkati dalam kitab suci Diarsipkan 2007-06-13 di Wayback Machine.