Bahaso Aram
| Aram | |
|---|---|
| ארמית Arāmît, ܐܪܡܝܐ Ārāmāyâ | |
| Bacaan | /arɑmiθ/, /arɑmit/, /ɑrɑmɑjɑ/, /ɔrɔmɔjɔ/ |
| Ditutuakan di | Armenia, Azerbaijan, Iran, Irak, Israel, Georgia, Lebanon, Rusia, Suriah jo Turki |
| Rantau | Timur Tangah, Asia Tengah, Eropa, Amerika Utara jo Australia |
| Jumalah panutua | 445.000 (indak ado tanggal) |
| Rumpun bahaso |
|
| Sistim panulihan | Abjad Aram, Abjad Suryani, Abjad Ibrani, Abjad Manda |
| Kode-kode bahaso | |
| ISO 639-3 | Variously: arc – Aramaik (kuno) aii – Neo-Aram Assyria aij – Lishanid Noshan amw – Neo-Aram Barat bhn – Neo-Aram Bohtan bjf – Neo-Aram Barzani Yahudi cld – Neo-Aram Chaldea hrt – Hértevin huy – Hulaulá kqd – Koy Sanjaq Surat lhs – Mlahsö lsd – Lishana Deni mid – Manda Modern myz – Manda Klasik sam – Aram Samarita syc – Suryani (klasik) syn – Senaya tmr – Aram Yahuadi Babilonia trg – Lishán Didán tru – Turoyo |
Bahaso Aram adolah bahaso Semitik jo sijarah salamo 3.000 tahun. Bahaso iko panah manjadi bahaso pamarintahan baragam kakaisaran sarato bahaso untuak kagiatan upacaro agamo. Bahaso Aram adolah bahaso asali sabagian gadang Kitab Daniel dan Ezra dalam Alkitab, dan marupokan bahaso utamo nan dipakai dalam kitab Talmud. Bahaso ko juo marupokan bahaso mandeh Yesus Kristus (caliak Bahaso Aram Yesus).[1] Aram Modern kini ditutuakan sabagai bahaso partamo bagi banyak komunitas nan tapisah-pisah, tarutamo dek bangso Asiria dan Chaldea. Bahaso ko dianggap sabagai bahaso nan tarancam.
Bahaso Aram tagolong dalam rumpun bahaso Afro-Asia nan tadiri dari baragam bahaso. Bahaso jo marupokan bagian dalam subfamili Semitik. Aram adolah bagian dari grup bahaso Semitik Barat Laut, nan juo tamasuak bahaso Kanaan (sarupo bahaso Ibrani). Bahaso Aram juo bahubuangan jo bahaso Arab, manjadi bagian dari rumpun bahaso Semitik Tengah; ciek sumber nan kamungkinan gadang untuak aksara Arab adolah aksara Aram Nabatea.
Pasebaran geografis
[suntiang | suntiang sumber]Salamo abaik ka-12 SM, bangso Aram, panutua mandeh bahaso Aram, mulai manetap dalam jumlah gadang di Suriah, Irak dan Turki timur.[2] Jo bahaso Aram bakambang manjadi pantiang. Aram mulai ditutuakan di kawasan pantai Levant di laut Tengah, dan manyeba ka timur Tigris. Panduduak Yahudi mambaok bahaso ko ka Afrika Utara dan Eropa, dan misionaris Kristen mambaok Aram ka Persia, India, dan bahkan Tiongkok. Sajak abaik ka-7, bahaso Aram digantikan dek bahaso Arab sabagai lingua franca Timur Tangah. Walau tagantikan, bahaso Aram tatok ditutuakan sabagai bahaso sastra dan agamo urang Yahudi, Manda dan babarapo urang Kristen. Bahaso ko masih ditutuakan dek komunitas ketek nan taisolasi di saluruah kawasan nan mulo-mulo tapangaruah. Parubahan pado duo abaik nan lalu manunjuakan panutua bahaso partamo dan Aram tapacah di saluruah dunia.
Rujuakan
[suntiang | suntiang sumber]- ↑ Beyer, Klaus (1986). The Aramaic Language. Göttingen: Vandehoek & Ruprecht. pp. 38–43. 3-525-53573-2.
Casey, Maurice (1998). Aramaic sources of Mark's Gospel. Cambridge University Press. pp. 83–6, 88, 89–93. 0-521-63314-1.
"Aramaic". The Eerdmans Bible Dictionary. Grand Rapids, Michigan, USA: William B Eerdmans. 10 April 1975. pp. 72. 0-8028-2402-1. - ↑ Richard, 2003, hal. 69.
