Bubua kampiun
 | |
| Asa | |
|---|---|
| Nagara asa | Indonesia  |
| Kaâhlian mamasak | Masakan Indonesia |
| Rincian | |
| Jinih | Bubur (id)  |
| Bahan utamo | Tapuang bareh, santan, Kacang padi, gulo, pisang jo sipuluik |
Bubua kampiun marupoan makanan khas Minangkabau, makanan ko banyak basuo di sajumlah daerah di Sumatera Barat atau di daerah rantau urang Minang. Isi dari bubua kampiun adolah campuran nan tadiri dari: Kolak Pisang, Kolak Ubi, Bubua Sumsum, Bubua Candil, Bubua Dalimo, Bubua Katan Hitam, Bubua kacang padi, Katan Putih, jo Sarikayo. Campuran bubua tu babeda atau baragam di sajumlah daerah di Sumatera Barat. Makanan ko banyak basuo di bofet-bofet makanan khas Minang, biasonyo di jua di pagi hari sabagai pangganja paruik. Salain acok dijadian sabagai sarapan di pagi hari, bubua ko acok pulo dijua katiko manjalang babuko puaso. Bubua kampiun dijua mulai dari Rp 12.000 sampai Rp 20.000.[1][2]
Sijarah
[suntiang | suntiang sumber]Manuruik sijarahnyo, bubua ko dibuek dek karano kajadian nan indak disangajo. Sakitar tahun 1960-an sasudah parang Pemerintahan Revolusioner Republik Indonesia (PRRI) di daerah Bukittinggi, diadoan lomba mambuek bubua nan pesertanyo masyarakaik satampek. Katiko lomba balangsuang, ado surang nan tibo talambek sahinggo indak sempat mahidangan bubua kreasinyo. Akhianyo peserta nan talambek tibo tadi manggabuangan bubua nan indak tajua katiko inyo manggaleh di pagi harinyo. Ruponyo bubua itu lah nan jadi pamanang di lomba tu. Bubua tu diagiah namo bubua kampiun atau champion nan artinyo bubua pamanang.[3] Salain itu, ado pulo sijarah nan manyabuikan bubua ko dibuek untuak mailangan trauma masyarakaik Bukittinggi sasudah parang revolusi tu.[4]
Rujuakan
[suntiang | suntiang sumber]- ↑ Liputan6.com (2020-01-07). "Berburu Sepiring Bubur Kampiun Hangat Khas Sumatera Barat". liputan6.com (dalam bahasa Indonesia). Diakses tanggal 2021-05-23.
- ↑ JawaPos.com (2020-05-04). "Buka Puasa Terasa Lebih Lezat dengan Bubur Kampiun, Simak Resepnya". JawaPos.com (dalam bahasa Indonesia). Diakses tanggal 2021-05-23.
- ↑ "Sarapan Akhir Pekan, Bubur Kampiun Jadi Pilihan Favorit". haluan.co. Diarsipkan dari versi asli tanggal 2021-05-23. Diakses tanggal 2021-05-23.
- ↑ "Mengenal Sejarah Bubur Kampiun, Hidangan Spesial Buka Puasa Khas Minangkabau". iNews.ID (dalam bahasa Indonesia). 2021-04-29. Diakses tanggal 2021-05-23.