Kota Banjar

Wikipedia Minangkabau - Lubuak aka tapian ilimu

Kota Banjar (sacaro resmi banamo Banjar Patroman atau Banjar Pataruman, aksara Sunda) adolah sabuah kota di Provinsi Jawa Barat, Indonesia. Kota Banjar balokasi di perbatasan jo Provinsi Jawa Tengah, yakni jo Kabupaten Cilacap sahinggo kota ko acok disabuik sabagai "gerbangnya Jawa Barat".[1] Pado tahun 2021, jumlah penduduak kota Banjar sabanyak 205.579 jiwa, jo kepadatan 1.811 jiwa/km2.[2]

Kota ko masih tagolong mudah dan marupoan daerah otonom baru pemekaran dari Kabupaten Ciamis. Kota Banjar diresmikan pado 21 Februari 2003 badasararkan UU nomor 27 tahun 2002. Kota Banjar tabagi dalam 4 kecamatan, yaitu: Kecamatan Banjar, Kecamatan Langensari, kecamatan Pataruman, dan Kecamatan Purwaharja.

Kota Banjar merupakan pintu gerbang utama jalur lintas Selatan Jawa Barat. Dek kareno itu, Banjar menjadi daerah nan cukuik penting dalam arus papindahan barang dan manusia di bagian selatan Pulau Jawa.

Sijarah[suntiang | suntiang sumber]

Alun-Alun Kota Banjar pado tahun 1920-an

Disobokan dalam buku asa-usua Kota-Kota di Indonesia Tempo Doeloe nan ditulih dek Zaenuddin HM (2013) disabuikan Sijarah Kota Banjar barawa dari badirionyo Kerajoan Kertabumi. Karajoan Kertabumi dipakiroan badiri tahun 1625 dek rajo patamonyo Singaperbaya dan dilanjutkan dek anaknyo Singaperbaya II atau dikana dek Dalem Tambakbaya.

Dipakiroan lokasi pusek pamarintahan Kerajoan Kertabumi ko barado di daerah Banjar Kolot, Kecamatan Banjar. Sabalum badirionyo Kerajoan Kertabumi, wilayah Banjar marupoan hutan tarum atau nila nan banyak dipakai untuak pawarna kain.

Hutan tarum tu talatak di tapi sungai Citanduy, nan hinggo kini ko masih eksis di Kota Banjar. Sadangkan namo Banjar aratinyo tampek dan Patroman atau Pataruman marupokan hutan tarum. pado tahun 1641, pusat pamarintahan karajoan Kertabumi dipindahan dari Banjar ka Bojonglopang, Cisaga Kabupaten Ciamis katiko karajoan dipimpin dek Dalem Pager Gunung.

Di era kolonial Hindia-Belanda, wilayah Banjar basamo jo Kawasen, Pamotan, Pangandaran, dan Cijulang masuak ka wilayah Galuh Imbadanegara jo Bupati Galuh Imbadanegara Raden Aria Panji Jayanagara jo pusat pamarintahan di Imbadanegara Ciamis.

Kamudian di tahun 1815, pas Jawa dikuasoan Inggirih nan dipangantua dek Gubernur Jendral Sir Thomas Stamford Bingley Raffles, Banjar dimasukkan ka dalam wilayah Sukapura atau Tasikmalaya basamo wilayah di Ciamis bagian Selatan.[3]

Lansuang pado tahun 1936, Banjar masuak baliak ka wilayah Ciamis pado masa Bupati Ciamis yaitu Raden Tumenggung Sunarya. Pas maso panjajahan, Banjar tumbuah manjadi pusak aktivitas masyrakaik. Lataknyo nan strategis mambuek kota ko sabagai daerah transit antaro wilayah Jawa Tengah jo Ciamis bagian selatan.

Hinggo pado tahun 1941 pemerintah Hindia Belando manjadikan Banjar sabagai wilayah Kewedanan nan mancakup Kacamatan Banjar, Kacamatan Cisaga, Kacamatan Rancah, dan Kacamatan Cimaragas.

Setelah lamo manjadi wilayah Kewedanan, pamarintah malalui PP 54 tahun 1991 mangubah status Banjar manjadi Kota Administratif nan dipakuek juo jo SK Mendagri Nomor 813.221.23-137 tangga 18 Januari 1992.

Statusnyo kamudian maningkek lai manjadi kota pas RUU Pamarintahan Kota Banjar disatujui manjadi UU di DPR pado tanggal 12 November 2002. Baru lah pado tanggal 21 Februari 2003 Banjar mamisah diri dari Kabupaten Ciamis dan manjadi daerah otonom baru.

Banjar dalam Sijarah pakembangannyo[suntiang | suntiang sumber]

Banjar sajak didirikan sampai kini maraso babarapo kali parubahan status, untuak labiah jaleh pangambangannyo sabagai iko:

  • Banjar sebagai Ibukota Kecamatan, dari tahun 1937 sampai tahun 1940.
  • Banjar sebagai Ibukota Kawedanaan, dari tahun 1941 sampai dengan 1 Maret 1992.
  • Banjar sebagai Kota Administratif dari tahun 1992 sampai dengan tanggal 20 Februari 2003.
  • Sebagai Kotamadya saja tanggal 21 Februari 2003.

Tabantuaknyo Banjar Kota Administratif[suntiang | suntiang sumber]

Pangambangan jo kamajuan wilayah Provinsi Jawa Barat pado umumnyo dan Kabupaten Ciamis khususnyo wilayah Kecamatan Banjar, mamaraluan pengaturan panyelenggaraan pamarintah sacaro khusus untuak mamastian tapenuhnyo tuntutan pangambangan dan kamajuan sasuai jo aspirasi masyrakaik di Wilayah Kecamatan Banjar.

Wilayah Kecamatan Banjar manunjuakan pangambangan dan kamajuan jo ciri dan sifat kehidupan kota, ateh hal itu wilayah Banjar paralu ditingkekan manjadi Kota Administratif nan mamaraso pambinaan jo pengaturan pamarintah, pangambangan dan kemasyrakaikan sacaro khusus.

Akhirnyo tahun 1992 Pamarintah mambantuk Banjar Kota Administratif berdasarkan Paraturan Pamarintah Nomor 54 Tahun 1991 tentang Pambentukan Banjar Kota Administratif nan diresmikan dek Menteri Dalam Negeri pado tanggal 2 Maret 1992.

Babarapo alasan baa Banjar manjadi Kota administratif antaro lain: Kaadaan Geografis, Demografis, dan Sosiologis kehidupan masyrakaik nan pangambangannyo sangaik pesat sahinggo mamaralukan paningkekan palayanan dan aranjang dalam panyalangaran pamarintah.

Tabantuaknyo Kota Banjar[suntiang | suntiang sumber]

Samakin pesat pangambangan dan tuntutan aspirasi masyrakaik nan samakin urgent agar Banjar Kota Administratif capek ditingkekan jadi Pamarintah Kota di mano hal ko pun sasuai jo tuntutan dan Undang-Undang Nomor 22 Tahun 1999 tentang Pamarintahan Daerah dan sisi lain Pamarintah Kabupaten Ciamis basamo-samo Pamarintah Provinsi Jawa Barat manuruik pangambangan ko dan mangasulan Pamarintah Pusat dan Dewan Perwakilan Rakyat ka Republik Indonesia.

Momentum paresmian Kota Banjar nan diikuti pelantikan Pajabat Wali kota Banjar bisa dijadian sabuah landasan nan baistarah dan pas untuak dijadian Hari jadi Kota Banjar.[4]

Ekonomi[suntiang | suntiang sumber]

Salah ciek indikator nan dapek dipakai untuak mancaliak pertumbuhan ekonomi suatu daerah adolah Produk Domestik Regional Bruto (PDRB). Laju Pertumbuhan Ekonomi (LPE) Kota Banjar cukuik signifikan yaitu 7,20% pado tahun 2019 jadi 9,40% pado tahun 2020.

Hal ko disababkan dek naiak baliak pangambangan produksi nan manyumbang cukuik gadang untuak PDRB Kota Banjar. Laju Pertumbuhan Ekonomi Kota Banjar dapek dicaliak malalui indikator pertumbuangan Produk Domestik Regional Bruto (PDRB) ateh dasar harago konstan.

Pandidikan[suntiang | suntiang sumber]

Kota Banjar mamiliki sakita 2.912 sekolah, 265.222 siswa dan 18.264 guru. Adopun sekolah nan ada di Kota Banjar tertera sabagai barikuik.

  1. SMA Negeri 1 Banjar
  2. SMA Negeri 2 Banjar
  3. SMA Negeri 3 Banjar
  4. SMAS Bina Putera
  5. SMK Negeri 1 Banjar
  6. SMK Negeri 2 Banjar
  7. SMK Negeri 3 Banjar
  8. SMK Negeri 4 Banjar
  9. SMKS Banjar Mandiri
  10. SMKS Bhakti Kencana Banjar
  11. SMKS Bina Putera Banjar
  12. SMKS Hikmah Banjar
  13. SMKS Maarif NU Banjar
  14. SMKS Miftahul Ihsan
  15. SMKS Pasundan 1 Banjar
  16. SMKS Pasundan 2 Banjar
  17. MAN 1 Kota Banjar
  18. MAS DARUL ULUM

Kasehatan[suntiang | suntiang sumber]

Rumah Sakik[suntiang | suntiang sumber]

  • RSUD Kota Banjar
  • RS Asih Husada
  • RS Mitra Idaman
  • RS Banjar Patroman

Makanan Khas[suntiang | suntiang sumber]

  • Renginang Coklat (Rangincok)
  • Mi Lidi Khas Banjar
  • GalendoSale Pisang
  • Kacang Umpet
  • Sambal Khas Banjar
  • Pepes Lubang
  • Otok Owo
  • Pepes Ikan
  • Kupat Tahu
  • Bakso Gawier

Pariwisata[suntiang | suntiang sumber]

Pariwisata Kota Banjar kini batambah jo dibangunnyo Waterpark dan Setu Leutik. Kebadan duo objek wisata ko samakin manambah objek andalan pariwisata Kota Banjar. Waterpark nan barado di Parunglesang dilalui dek lalu lintas Jalur Selatan Jawa.

Wisata[suntiang | suntiang sumber]

  1. Alun-alun
  2. Taman Kota
  3. Taman Lansia
  4. BA (Banjar Atas)
  5. Situ (Danau) Mustika
  6. Situ (Danau) Leutik
  7. Situ (Danau) Bentang
  8. Waterpark
  9. Mandalareh

Wisata Sijarah[suntiang | suntiang sumber]

  1. Museum Rawa Onom
  2. Museum Kokoplak
  3. Terowongan Binangun
  4. Lembah Pajamben

Rujuakan[suntiang | suntiang sumber]

  1. Purwanto, Antonius (2022-07-12). "Kota Banjar: Pintu Gerbang Utama Jalur Selatan Jawa Barat". Kompas.id (dalam bahasa Indonesia). Diakses tanggal 2022-08-28. 
  2. Kutipan rusak: Tag <ref> indak sah; indak ado teks untuak ref banamo DUKCAPIL
  3. Purwanto, Antonius (2022-07-12). "Kota Banjar: Pintu Gerbang Utama Jalur Selatan Jawa Barat". Kompaspedia (dalam bahasa Indonesia). Diakses tanggal 2022-12-14. 
  4. "SEJARAH". Website Resmi Pemerintah Kota Banjar - Jawa Barat (dalam bahasa Indonesia). Diarsipkan dari versi asli tanggal 2021-04-14. Diakses tanggal 2020-08-15.