Biomaterial
Biomaterial adolah zat apo sajo nan alah direkayasa untuak bainteraksi jo sistem biologis untuak tujuan medis - baik untuak terapi (maubekan, manambah, mampelokan atau mangganti fungsi jaringan tubuh) atau untuak diagnostik. Sabagai ilmu pangatahuan, biomaterial mamiliki usia sakitar limo puluah taun. Kajian tentang biomaterial disabuik ilmu biomaterial atau rekayasa biomaterial. Ilmu biomaterial alah maalami patumbuahan nan stabil sarato kuek salamo sajarahnyo, banyak parusahaan mainvestasikan sajumlah gadang pitihnyo ka dalam pangambangan produk nan paliang baru. Ilmu biomaterial mancakup unsua-unsua kadokteran, biologi, kimia, teknik jaringan tubuh sarato ilmu material. Biomaterial babeda dari bahan biologis lainnyo, saparti tulang, nan diproduksi dek sistem biologis. Salain itu, paratian musti dilakukan dalam mandefinisikan sabuah biomaterial sabagai material nan biokompatibel, karano panarapannyo spesifik bagantuang pado kasusnyo. Biomaterial nan biokompatibel atau sasuai untuak suatu panarapan mungkin indak biokompatibel jo panarapan lainnyo.[1]
Aktivitas biologis
[suntiang | suntiang sumber]Kamampuan biomaterial nan direkayasa untuak mandorong respons fisiologis nan mandukuang fungsi sarato kinerja biomaterial dikana sabagai aktivitas biologis. Paliang umum, dalam gelas bioaktif jo kramik bioaktif, istilah iko marujuak pado kamampuan bahan nan ditanaman untuak baikatan baik jo jaringan di sakitarnyo baik dalam paran osseokonduktif maupun osseoproduktif.[2] Bahan implan tulang acok dirancang untuak mandoroang patumbuahan tulang sambari malaruikan diri ka dalam cairan tubuh di sekitarnyo.[3] Nan kudian, biokompatibilitas nan baik, basamo jo kakuatan jo laju palarutan nan baik diinginkan bana. Umumnyo, aktivitas biologis biomaterial diukua dari laju biomineralisasi di permukaan material, nan manjadi tampek pambantuakan lapisan hidroksiapatit.[4]
Swarakit
[suntiang | suntiang sumber]Swarakit (self-assembly) adolah istilah nan paliang umum digunoan dalam komunitas ilmiah modern untuak manggambakan agregasi atau pangumpulan partikel sacaro spontan (atom, molekul, koloid, misel, dll.) tanpa pangaruah kakuatan eksternal. Kalompok gadang partikel-partikel saparti itu dikatahui dapek manyusun diri manjadi susunan nan stabil sacaro termodinamika, tastruktur jo baik, cukuik maingekan pado salah satu dari 7 sistem kristal nan ditamukan dalam metalurgi jo mineralogi (misalnyo kubik bapusek pado wajah (face-centered cubic), kubik bapusek pado tubuh (body-centered cubic), dll.). Bedanyo adolah dalam struktur kasaimbangan dalam skala spasial dari sel satuan (atau parameter kisi) dalam satiok kasus tatantu. Swarakit molekuler banyak ditamukan dalam sistem biologis jo manyadiokan dasar dari babagai macam struktur biologis nan kompleks. Dalam hal iko tamasuak babagai kelas biomaterial pegari (emerging biomaterials) nan unggul sacaro mekanis badasarkan mikrostruktur jo desain nan ditamukan di alam. Nan kudian, swarakit timbua juo sabagai strategi baru dalam sintesis kimia jo nanoteknologi. Kristal molekuler, kristal cair, koloid, misel, emulsi, polimer fasa-tapisah, film tipis, jo lapisan tunggal swarakit sadoalah marupoan contoh dari jinih struktur nan teratur bana nan diparoleh jo manggunoan teknik iko. Ciri pambeda dari metode iko adolah adonyo pangorganisasian mandiri.[5][6]
Rujuakan
[suntiang | suntiang sumber]- ↑ Schmalz, G.; Arenholdt-Bindslev, D. (2008). "Chapter 1: Basic Aspects". Biocompatibility of Dental Materials. Berlin: Springer-Verlag. pp. 1–12. ISBN 9783540777823. https://books.google.com/books?id=mrreTHuo54wC&pg=PA1. Diakses pado 13 April 2021.
- ↑ Cao, Wanpeng; Hench, Larry (1996). "Bioactive Materials". Ceramics International. 22 (6): 493–507. doi:10.1016/0272-8842(95)00126-3.
- ↑ Zhu, H.; et al. (2018). "Nanostructural insights into the dissolution behavior of Sr-doped hydroxyapatite". Journal of the European Ceramic Society. 38 (16): 5554–5562. arXiv:1910.10610
. doi:10.1016/j.jeurceramsoc.2018.07.056.
- ↑ Dabbs, D. M.; Aksay, I. A. (2000). "Self-Assembledceramicsproduced Bycomplex-Fluidtemplation". Annual Review of Physical Chemistry. 51: 601–22. Bibcode:2000ARPC...51..601D. doi:10.1146/annurev.physchem.51.1.601. PMID 11031294.
- ↑ Whitesides, G.; Mathias, J.; Seto, C. (1991). "Molecular self-assembly and nanochemistry: A chemical strategy for the synthesis of nanostructures". Science. 254 (5036): 1312–9. Bibcode:1991Sci...254.1312W. doi:10.1126/science.1962191. PMID 1962191.
- ↑ Ariga, K.; Hill, J. P.; Lee, M. V.; Vinu, A.; Charvet, R.; Acharya, S. (2008). "Challenges and breakthroughs in recent research on self-assembly". Science and Technology of Advanced Materials. 9 (1): 014109. Bibcode:2008STAdM...9a4109A. doi:10.1088/1468-6996/9/1/014109. PMC 5099804 . PMID 27877935.
