Binturun

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Binturung (Arctictis binturong) atau minturun adolah sajinih musang babadan gadang, anggota suku Viverridae. Babarapo dialek Melayu manyabuiknyo binturong, menturung atau menturun. Dalam bahaso Inggris, hewan iko disabuik Binturong, Malay Civet Cat, Asian Bearcat, Palawan Bearcat, atau sacaro ringkeh Bearcat. Barangkali kareno karnivora babulu hitam labek iko batampang mirip baruang yang baikua panjang, samantaro juga bakumih labek dan panjang saroman kuciang (bear: baruang; cat: kuciang).

Deskripsi[suntiang | suntiang sumber]

Musang yang baikua gadang panjang dan babadan gadang. Panjang kepalo dan badan antaro 60 – 95 cm, ditambah ikuanyo antaro 50 – 90 cm. Baraknyo sakitar 6 – 14 kg, bahkan sampai 20 kg.

Katiko lahia, binturung mamiliki barek rato-rato sakitar 142 gram dan matonyo masih tatutuik.[1]

Barambuik panjang dan kasa, bawarna hitam saluruahnyo atau kacoklatan, jo taburan uban kaputiah-putiahan atau kamerahan. Pado tiok-tiok ujuang talingo tadapek saberkas rambuik yang memanjang. Ikua barambuik labek dan panjang, tautamo di bagian mandekati pangka, sahinggo takasan gapauk. Ikua iko dapek digunokan untuak bapegangan pado dahan (prehensile tail), sabagai ‘kaki kalimo’.

Reproduksi[suntiang | suntiang sumber]

Masih saketek paniliitan yang dilakukan untuak mangetahui sistem kawin dari spesies iko, akan tetapi sistem kawin dari binturung kamungkinan besar monogami. Binturung indak mamiliki musim kawin kareno spesies iko kawin sapanjang tahun, akan tetapi tadapek paningkatan jumlah kelahiran pado bulan Januari hinggo Maret yang dapek disebabkan kareno implantasi yang tatundo. Binturung betino mancapai kamatangan seksual pado umua 30 bulan samantaro pado binturung jantan pado umua 28 bulan. Hewan batino malahiakan 2 hinggo 6 anak, setelah menganduang salamo kurang labiah 91 hari. Binturung nan baru lahia manyuruak pado bulu induaknyo salamo beberapa hari dan manyapih salamo 6 hingga 8 minggu. Pajantan indak salalu mangasuah anaknyo, tetapi takadang mereka melakukannyo hinggo anakan bisa mandiri, sementara induak batino akan selalu mangasuah anaknyo hinggo bisa mandiri, takadang melanjuikan hiduik dalam satu kelompok basamo anaknyo maskipun alah mandiri.[1]

Binturung batino mamiliki pseudo-penis alias penis palsu, suatu organ khas yang langka ditemui.

Rujuakan[suntiang | suntiang sumber]

  1. a b "Arctictis binturong (binturong)" (dalam bahaso en). http://animaldiversity.org/accounts/Arctictis_binturong/. Diakses pado 28 September 2017. 

Daftar pustaka[suntiang | suntiang sumber]

  • Corbet, G.B. and J.E. Hill, 1992, The Mammals of the Indomalayan Region: a systematic review. Nat. Hist. Mus. Publ. and Oxford Univ. Press.
  • Cranbrook, Earl of., 1987, Riches of the Wild: land mammals of South-east Asia. Oxford Univ. Press, Singapore. ISBN 0-19-582697-3
  • Payne, J., C.M. Francis, K. Phillipps, dan S.N. Kartikasari. 2000. Panduan Lapangan Mamalia di Kalimantan, Sabah, Sarawak & Brunei Darussalam. The Sabah Society, Wildlife Conservation Society-Indonesia Programme dan WWF Malaysia. ISBN 979-95964-0-8
  • Tweedie, M.W.F. and J.L. Harrison, 1988, Malayan Animal Life, Longman, Petaling Jaya, Selangor Darul Ehsan. ISBN 0-582-69449-3