Benteng Van der Capellen

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Benteng van der Capellen di tahun 2017
Fort van der Capellen di sekitar tahun 1895

Benteng Van der Capellen adolah benteng paninggalan Belanda nan ado di Batusangkar, Sumatera Barat, Indonesia. Fort Van der Capellen iolah namo lamo Batusangkar. diambiek dari namo surang jenderal balando iyolah Godert Alexander Gerard Philip baron van der Capellen

Sajarah[suntiang | suntiang sumber]

Benteng Van der Capellen marupokan sala ciek paninggalan benda cagar budayo di Batusangkar, Kabupaten Tanah Datar. Situs jo bangunan benteng itu punyo pajalanan sajarah nan panjang. Kabaradoan Benteng Van der Capellen indak lapeh dari paristiwa paparangan antaro Kaum Adat malawan Kaum Agamo nan tajadi sakitar taun 1821. Iko tajadi kareano adonyo pasilisihan Kaum Agamo nan dimulai dek tigo urang Haji nan baru baliak dari Mekkah sarato nio malakuan pamurnian ajaran agamo Islam.

Wakatu tu masyarakaik Minangkabau alah banyak malakuan praktik budayo sahari-hari nan batantangan jo ajaran agamo Islam, misalnyo sabuang ayam, bajudi, minum minuman kareh dan sabagainyo. Namun baitu gerakan pamurnian ajaran agamo Islam iko indak bajalan muluih dan mandapek tantangan dari Kaum Adat. Dalam kondisi sarupo itu, patantangan antaro Kaum Adat dan Kaum Agamo samakin marunciang dan konflik malaweh antaro kaduanyo indak dapek diilakan lai.

Konflik nan lapeh barupo paparangan fisik antaro Kaum Adat dan Kaum Agamo mambuek Kaum Adat memintak bantuan Balando nan pado wakatu tu alah ado di Padang.[1] Pasukan Balando di bawah pimpinan Kolonel Raff masuak ka Tanah Datar untuak malakuan penyerangan kapado rakyat.

Benteng Van der Capellen tahun 1826

Sasampai di Batusangkar, pasukan Balando ditampekan di suatu tampek nan paliang tinggi di pusek kota, labiah kurang 500 meter dari pusek kota. Pado tampek katinggian iko pasukan Balando kamudian mambangun sabuah benteng nan permanen. Bangunan benteng patahanan nan dibangun pado taun 1824 iko barupo bangunan nan taba dindiangnyo 75 cm jo ± 4 meter dari dindiang bangunan dibuaek parik sarato jo tanggul patahanan nan malingka mangealiliangi bangunan.[2] Bangunan ikolah nan kamudian diagia namo Benteng Van der Capellen, sasuai jo namo Gubernur Jendral Balando pado wakatu itu iyolah Godert Alexander Gerard Philip baron van der Capellen.

Dengan adonyo benteng patahanan nan parmanen jo strategis, mako sacaro militer jo politis mamudahan Balando untuak manguasai daerah sakitaran Batusangka. Hal iko meanandoan bareknyo pajuangan kolonial Belando di Tanah Datar sahinggo harus mambuaek benteng. Kesempatan nan demikian akhirnyo indak hanyo batujuan untuak mamadaman garakan Kaum Agamo, tetapi sakaligus untuak manguasai sacaro politis kawasan Tanah Datar dan sekitarnyo. Konflik iko akhirnyo bakambang manjadi Operasi Militer Balando. Kanyataannyo manyadaran Kaum adaik nan samulo maizinan Balando untuak masuak ka Tanah Datar.

Kabaradoan Balando di Batusangka sampai saaik malatuihnyo Parang Dunia II. Katiko Japang barasil marabuik Sumatera Barat kamudian Balando barangkek dari Batusangka. Benteng Van der Capellen kamudian dikuasai dek Badan Keamanan Rakyat (BKR) dari taun 1943-1945. Sasudah Indonesia barasil marabuik kemerdekaan dari panduduan Japang, Benteng Van der Capellen kudian dikuasai dek Tentara Keamanan Rakyat (TKR) sampai taun 1947. Pado wakatu Agresi Balando II, Benteng Van der Capellen baliak dikuasai Belando salamo duo tahun, iyolah taun 1948-1950.[2]

Sasudah Indonesia Mardeka[suntiang | suntiang sumber]

Sasudah Balando maninggaan Batusangka, Benteng Van der Capellen kamudian dimanfaaikan dek PTPG nan marupoan cika baka IKIP Padang, kiniko banamo Universitas Negeri Padang, untuak kagiatan baraja mangaja nan katiko itu diresmian dek Prof. M. Yamin, SH. Pamakaian bangunan benteng untuak PTPG balangsuang sampai taun 1955 dan pado taun itu juo PTPG dipindahan ka Bukik Gombak. Benteng Van der Capellen kamudian dijadian sabagai markas Angkatan Parang Republik Indonesia.[2]

Katiko malatuihnyo paristiwa PRRI taun 1957, Benteng Van der Capellen dikuasai dek Batalyon 439 Diponegoro nan kamudian diserahan kapado POLRI pado tanggal 25 Mei 1960. Dek POLRI kamudian ditetapkan sabagai Markas Komando Resort Kepolisian (Polres) Tanah Datar dan balanjuik hinggo taun 2000. Sajak taun 2001, Benteng Van der Capellen dikosongan karano Polres Tanah Datar alah pindah ka bangunan baru nan barado di Pagaruyuang.[2]

Babarapo parubahan bangunan, antaro lain atok nan samulo barupo atok genteng diganti jo atok seng pado taun 1974. Pado taun 1984 dilakuan panambahan ruangan untuak serse dan dibangun pulo TK Bhayangkari. Parik nan ado disabalah suok jo kida bangunan benteng ditimbun sarato jo diratoan pado taun 1986. Salain itu, ruangan sel tahanan nan samulo ado 4 ruangan, dibongka ciek sahinggo tingga 3 ruangan. Parubahan bangunan tarakhir kalinyo tajadi pado taun 1988, iyolah barupo panambahan bangunan kantin jo bangunan untuak gudang.[2]

Pambaharuan[suntiang | suntiang sumber]

Pado taun 2008 sabahagian dari bangunan Benteng Van der Capellen alah dipelok ulang dek Balai Pelestarian Peninggalan Purbakala salanjuiknyo akan dilanjuikan pado taun anggaran 2009, iyolah mambaliekan ka bantuak aslinyo.

Liek Pulo[suntiang | suntiang sumber]

Rujuakan[suntiang | suntiang sumber]

  1. Caniago, Naali Sutan (2004). Naskah Tuanku Imam Bonjol. Padang: Pusat Pengkajian Islam dan Minangkabau. ISBN 9789793797052. 
  2. a b c d e Neoldy, Yhohannes (November 23, 2013). "BENTENG "VAN DER CAPELLEN" YANG TERLUPAKAN". https://web.archive.org/web/20151129154022/https://yhohannesneoldy.wordpress.com/2013/11/23/benteng-van-der-capellen-nan-terlupakan/. Diakses pado 29 Nopember 2015.