Batiak Tanah Liek

Dari Wikipedia baso Minang, ensiklopedia bebas
Loncat ke navigasi Loncat ke pencarian
Batiak Tanah Liek

Batiak Tanah Liek adolah bantuak kain batiak nan asanyo dari daerah Minangkabau. Batiak iko manggunoan tanah liek sabagai paronoannyo. Partamo kali kain dirandam salamo saminggu jo tanah liek, sasudah itu kain dicuci jo diagiah parono alami lain nan barasa dari tumbuah-tumbuahan.

Sijarah[suntiang | suntiang sumber]

Asa batiak ko diduga dari nagari Cino nan masuak ka nagari Minangkabau pado abaik ka 16 nan batampek di Pagaruyuang, Batusangkar. Batiak tanah liek panah ilang indak bajajak katiko maso panjajahan Japang. Karano usaho Wirda Hanim,[1] teknik batiak ko ditunjuakan baliak pado tahun 1994.[2] Mulonyo Wirda Hanim mancaliak motif batiak ko dipakai dek panduduak nagari Sumaniak, Kecamatan Salimpauang, Batusangkar, Kabupaten Tanah Datar. Inyo suko jo batiak nan langka tu dan baniaik untuak mambangkik-an baliak seni tradisional batiak tanah liek nan ampiang binaso.[3]

Motif-motif[suntiang | suntiang sumber]

Motif batiak tanah liek tradisional adolah kudo lauik jo buruang hong. Kini salain motif Cino nan ditunjuk-an, ado juo motif Minangkabau, contohnyo siriah dalam carano, kaluak paku, kuciang lalok, batuang kayu, tari piriang, jo kipeh.[4]

Zaman kini ko motif-motif baru ditunjuk-an ka panduduak satampek nan idenyo diambiak dari kakayoan jo budaya alam Minangkabau, contohnyo motif tabuik, Jam Gadang jo rumah gadang.[5] Kini ado 3 tampek untuak mambuek batiak tanah liek di Provinsi Sumatera Barat, yaitu di Kota Padang, Kabupaten Pesisir Selatan, jo di Kabupaten Dhamasraya. Tiok-tok daerah punyo corak surang manuruik lingkuangan masiang--masiang daerah, bahkan di Dhamasraya alah mulai mangambangkan motif baru, yaitu bungo sawit.[6]

Paronoan[suntiang | suntiang sumber]

Ciri khas dari batiak tanah liek adolah bahan parononyo barasa dari parono alam, contohnyo tanah liek, kulik jariang, manggih, gatah gambia, jarami padi, kulik mahoni, kulik rambutan, jo tumbuhan lain nan digunoan untuak parono kain batiak.[7]

Rujuakan[suntiang | suntiang sumber]

  1. http://informasibusana.blogspot.jp/2011/08/ciri-khas-batik-tanah-liek.html#.UP6BVaw8qss
  2. http://www.kriyalea.com/batik-tanah-liat-khas-minangkabau/
  3. http://www.thejakartapost.com/news/2007/05/16/wirda-hanim-saving-039batik-tanah-liek039.html
  4. Menghidupkan kembali batik tanah liek
  5. http://regional.kompas.com/read/2009/06/08/05342049/Simbol.Minangkabau.Jadi.Motif.Batik
  6. http://sosbud.kompasiana.com/2011/09/23/batik-tanah-liat-minang-nan-memikat-397846.html
  7. http://pelaminanminang.com/blog/keindahan-batik-minangkabau-nan-langka.html