Niniak Mamak

Niniak Mamak adolah saurang laki-laki dalam suatu kaum nan alah di tuoan, dan manjadi tampek baiyo atau bamusyawarah walaupun inyo masih mudo di Minangkabau. Dalam hal Iko tamasuk mamak Kapalo Jurai, Jo mamak Kapalo warih dalam kaum. Apokah inyo alim ulama, cadiak pandai, pamungko masyarakaik, buruah, petani atau sabagai pajabaik sakalipun. Karano itu Kito acok mandanga dalam Patamuan ataupun rapek-rapek kato-kato nan di kecekan dek panceramah/pambukak kato manyabuikan "Ninik mamak, Alim ulama, dan Cadiak pandai".

Peranan/Guno Niniak Mamak di Minangkabau

Ninik mamak adolah urang nan mampunyoi budi nan dalam, tingkah laku nan elok dan tutua kato nan sopan. Sahinggo manjadi panutan untuak anak kamanakan. Ninik mamak dalam satiok karajonyo, kalau manimbang Samo barek, kok mambagi Samo banyak, Ninik mamak tu malatakan sasuatu pado tampek nyo, iyolah lamak dek awak katuju dek urang. Peranan mamak ditangah-tangah masyarakaik sabagai pamimpin dituntuik untuak mamotivasi anak kamanakan dalam babagai kagiatan dalam mambangun fisik atau non-fisik.

Daftar pustaka

• www.pasbana.com
• https://makalahiainibpada.bligspot.com