Bagar asam

Bagar asam marupokan makanan khas dari etnik Melayu Bengkulu. Makanan iko dijadikan samba kawan makan nasi, nan manjadi makanan harian urang Malayu Bengkulu. Makanan bagar asam manjadi makanan utamo masyarakaik nan tingga di sakitar pantai tarutamo nan bakarajo sabagai nalayan. Hal iko dikaranokan masyarakaik sakitar pantai mudah mandapekkan lauak untuak dijadikan bagar asam. Manuruik panduduak satampek, untuak mambuek bagar asam nan lamak, bisa manggunoan lauak nan banyak dagiangnyo, sarupo lauak kakap, karapu, jo jenihin.^[1]

Masyarakaik Malayu nan indak bakarajo sabagai nalayan atau nan tingganyo jauah dari pantai, bisa mandapekan lauak jo caro mambali di pasa palelangan lauak. Samantaro itu, untuak bahan nan diparalukan dalam mambuek bagar asam, dapek mamakai rampah-rampah supayo rasonyo lamak.^[2]

Bahan-bahan

Bahan-bahan nan bisa kumpuan

Bahan-bahan tasabuik dapek dibali di pasa, utamonyo lado giliang, katumba, asam kandih, bawang merah, jo bawang putiah. Samantaro, siapdek, kunik, sarai, lingkueh, jo daun salam dapek diambiak lansuang dari parak balakang rumah, dek urang Malayu acok mananam tumbuahan-tumbuhan tasabuik.^[3]

Caro mamasaknyo

Partamo kasadolah bahan disiapkan, dimulai bahan lauak. Barasiahan lauak jo mambasuahnyo jo aia barasiah. Kudian lauak nan alah dibarasiahan diagiah aia asam limau supayo indak anyia. Sasudah diagiah aia asam, padiaan babarapo minik supayo aia asam nan disiramkan ka lauak bisa marasok ka dagiang lauak.
Salanjuiknyo, rampah-rampah nan alah disiapkan mulai dari katumba, sipadeh, kunyik, lingkueh, bawang merah, jo bawang putiah digiliang sampai lumaik. Untuak sarai cukuik ditokok samiangnyo.
Untuak rampah-rampah nan alah digiliang lumaik, ditumih sampai harum.
Kalau bumbu nan ditumih alah harum, agiah aia sacukuiknyo kudian masuakkan daun salam, sarai, asam kandih, jo garam.
Sasudah aia nan dimasak mandidiah, masuakkan lauak sampai masak. Sasudah lauak masak, masakan alah bisa disadiokan untuak makan.

Rujuakan

↑ Ayatrohaedi,dkk,1989, Tatakrama di Beberapa Daerah di Indonesia, Direktorat Sejarah dan Nilai Tradisional, Jakarta Direktorat Jenderal Kebudayaan, Departemen Pendidikan dan Kebudayaan, Proyek Inventarisasi dan Pembinaan Nilai-Nilai Budaya (IPN B).
↑ Fajar, Thamrin, dkk, 1994/1995, Adat dan Upacara Perkawinan Daerah Bengkulu, Direktorat Sejarah dan Nilai Tradisional, Direktorat Jenderal Kebudayaan, Departemen Pendidikan dan Kebudayaan, Bagian Proyek Penelitian dan Pengkajian Pembinaan Nilai-nilai Budaya Daerah Bengkulu.
↑ Hidayah, Zulyani, 1997, Ensiklopedi di Suku-suku Bangsa di Indonesia (P3FS), Jakarta.

[1] Ayatrohaedi,dkk,1989, Tatakrama di Beberapa Daerah di Indonesia, Direktorat Sejarah dan Nilai Tradisional, Jakarta Direktorat Jenderal Kebudayaan, Departemen Pendidikan dan Kebudayaan, Proyek Inventarisasi dan Pembinaan Nilai-Nilai Budaya (IPN B).

[2] Fajar, Thamrin, dkk, 1994/1995, Adat dan Upacara Perkawinan Daerah Bengkulu, Direktorat Sejarah dan Nilai Tradisional, Direktorat Jenderal Kebudayaan, Departemen Pendidikan dan Kebudayaan, Bagian Proyek Penelitian dan Pengkajian Pembinaan Nilai-nilai Budaya Daerah Bengkulu.

[3] Hidayah, Zulyani, 1997, Ensiklopedi di Suku-suku Bangsa di Indonesia (P3FS), Jakarta.

[1]

[2]

[3]