Ampiang dadiah
Ampiang dadiah marupokan salah satu makanan khas dari Sumatera Barat. Ampiang dadiah tadiri dari campuran ampiang jo dadiah. Ampiang tabuek dari bareh katan nan alah ditumbuak sampai bantuaknyo pipih, sadangkan dadiah marupokan susu kabau nan alah difermentasikan.[1]
Bahan-bahan
[suntiang | suntiang sumber]Untuak mambuek makanan ampiang dadiah ko diparaluan babarapo bahan-bahan sarato jo bumbu-bumbu nyo. Untuak Bahan pambuek makanan ampiang dadiah ko antaro lain yaitunyo partamo ampiang, kiro-kiro sabanyak 100 gram. Ampiang ko bareh katan nan alah di tumbuak hinggo pipih bantuaknyo. Kaduo, dadaih, yaitunyo susu kabau nan alah di andokan bamalam-malam. Salanjuiknyo tapuang kanji sabanyak 500 gram nan alah di laruikan ka dalam aia. Kamudian aia kunyik sabanyak 350 mili liter dan tarakhir gulo karambia sabanyak 100 gram. Untuak bumbu tambahanyo yaitunyo gulo pasia sabanyak 200 gr, daun pandan agak duo lembar jo garam sacukuiknyo.[2]
Caro mamasak
[suntiang | suntiang sumber]Proses mambueknyo nan patamo susu kabau segar dimasuakan ka dalam batuang nan alah dipotong-potong nan salanjuiknyo ditutuik jo daun pisang. Salanjuiknyo dadiah difermentasikan salamo kurang labiah 2 hari 2 malam. Susu kabau nan samulonyo cayia barubah jadi labiah padek tapi labiah mirip agar- agar. Warnanyo nan samulonyo putiah barubah manjadi kekuniang-kuniangan. Dadiah nan dipakai indak sambarang dadiah. Susu kabau harus barasa dari kabau nan baru malahiyan. Sabalunnyo harus ditunggu sampai umua anak kabaunyo 2 bulan. Baru susu kabaunyo dirameh. Kalau indak sarupo itu indak akan manjadi dadiah.[2]
Sadangkan ampiang, ampiang barasa dari bareh katan nan alah ditumbuak hinggo bantuaknyo pipih. Salanjuiknyo ampiang dimasuakan ka dalam piriang dan disiram samo aia angek. Salanjuiknyo ampiang ditakan-takan sampai lambuik. Salanjuiknyo ampiang ditiriahkan dari aia angek tadi.
Salanjuiknyo dadiah dicampua jo ampiang bareh katan nan alah ditumbuak tadi, parutan karambia, gulo aren ditambah parutan es. Ampiang dadiah siap untuk dimakan. Salain dicampua jo ampiang. Dadiah bisa juo dicampua jo siriah, jo samba lado jo lauak makan nasi.
Tampek panjua
[suntiang | suntiang sumber]Ampiang dadiah ko marupoan makanan tradisional Sumatera Barat, untuak mancari makanan ko dapek di cari di pasa-pasa nan ado di babarapo kota di Sumatera barat, sarupo di Padang, Batusangkar, Solok, Jo Bukittinggi. Akan tatapi ampiang dadiah ko sangaik lah murah di tamui di pasa Bukittinggi, salain manjadi kota untuak tujuan wisata nan banyak pangunjuang, para panjua ampaing dadiah di kota ko barado di tampek karamaian atau di pasa ateh nan indak jauh dari objek wisata Jam Gadang. Biasonyo panjua ampiang ko indak hanyo manjua ampiang dadiah sajo. Panjua ko manjua pulo makanan nan lainyo sarupo jo es tebak atau sate. Katiko mamasan ampiang dadiah tadapek duo macam ampiang dadiahko nan ditawaran dek panjua ka pangunjuang, yaitunyo ampiang dadiah nan indak pakai ampiang atau ampiang dadiah nan tetap pakai ampiang.[3][4]
Manfaaik
[suntiang | suntiang sumber]Makanan tradisional masyarakat Sumatera Barat ko punyo manfaaik bagi tubuah. Amipiang dadaih ko dapek di makan untuak kasado urang. baiak itu untuak anak-anak, remaja, atau urang tuo. Makanan ko dipicayo bakhasiat untuak untuak manurunan kadar kolesterol atau panyakik gulo di dalam tubuah sarato jo dapek manambah stamina jo dayo tahan tubuah. Salaintu ampaing dadiah ko dapek pulo manyehatkan fungsi dari jantuang.[4] Kalau dicaliak dari suduik pandang ilimiah nyo atau manuruik urang nan ahli gizi, dadiah ko tabantuak dari bakteri nan banamo bakteri asam laktat. Bakteri ko kamudian mahasiakan yang namonyo asam laktat tadi. Asam laktat ko baguno untuak mambunuah bakter-bakteri jaek nan lain dan dapek marugian ka tubuah. Salain asam laktat bakteri ko jugo manghasiakan yang namonyo nisin. Nisin ko marupoan antibiotik pancagah atau ubek panyakik kanker sarato jo penetralisir bakteri nan mangganggu saluran pencernaan.[5]
Rujuakan
[suntiang | suntiang sumber]- ↑ lisnawati, yulia (17 april 2017). "Ampiang Dadiah, Makanan Khas Minang yang Rasanya Jempolan". liputan6.
- ↑ a b Gardjito, Murdijati, dkk (2019). Kuliner Minangkabau. Jakarta: PT Gramedia Pustaka Utama. pp. 140. ISBN 978-602-06-3238-4.
- ↑ "Halaman WISATA KULINER AMPIANG DADIAH". solokkab.go.id. Diarsipkan dari versi asli tanggal 2020-02-15. Diakses tanggal 2020-02-15.
- ↑ a b Liputan6.com (2017-04-17). "Ampiang Dadiah, Makanan Khas Minang yang Rasanya Jempolan". liputan6.com (dalam bahasa Indonesia). Diakses tanggal 2020-02-15.
- ↑ Purwati, Endang; Aritonang, Salam Ningsih; Melia, Sri; juliarsi, indri; purwanto, hendri (2017-09-20) (dalam bahaso en). Manfaat Probiotik Menunjang Kesehatan Masyarakat Bakteri Asam Laktat Dadiah. -. http://repo.unand.ac.id/4971/.