Ali bin Abi Thalib

"Ali" baraliah ka laman iko. Untuak kagunoan lain, caliak Ali (disambiguasi).

'Ali ibn Abi Thalib علي بن أبي طالب
'Ali radhiallahu 'anhu
Khalifah suduik pandang Sunni
Bakuaso	20 Juni 656 – 29 Januari 661 (4 tahun, 223 ari)
Pandaulu	'Utsman bin 'Affan
Panaruih	Hasan bin 'Ali
Imam suduik pandang Syi'ah
Bakuaso	632–661
Panaruih	Hasan bin 'Ali
Lahia	15 September 601 (13 Rajab 21 SH) Ka'bah, Makkah, Jazirah Arab
Maningga	29 Januari 661 (21 Ramadan  40 H) (usia 59) Kufah, Mesopotamia
Pamakaman	Musajik Imam Ali, Najaf
Suku	Bani Hasyim (Quraisy)
Namo langkok 'Alī ibn Abī Ṭālib bahaso Arab: علي ابن أبي طالب‎ Namo jo tanggal periode Khulafaur Rasyidin: 632–661
Ayah	Abu Thalib
Mandeh	Fatimah binti Asad
Pasangan	Fathimah binti Muhammad Umamah binti Zainab Fathimah binti Hizam Laila binti Mas'ud Asma binti 'Umays Khaulah binti Ja'far As-Sahba' binti Rabi'ah
Anak	Hasan Husain Zainab Ummu Kultsum Muhsin Muhammad 'Abbas 'Abdullah Hilal
Agamo	Islam

Bagian dari seri tantang
Islam
Iman Allah Tuhan Nan Maha Aso Malaikat Kitab Allah Utusan Allah Hari Kiamaik Qadha & Qadar
Ritual Syahadaik Salat Puaso Zakaik Haji
Teks dan hukum Al-Quran Sunnah Hadits Fiqih Syariah Kalam
Sijarah jo pamimpin Garih wakatu Muhammad Ahlul Bait Sahabat Khulafaur Rasyidin Kakhalifahan Panyebaran Islam
Denominasi Sunni Syiah Sufisme Ibadi Ahmadiyah Non-denominasi Quranisme NOI (Five-Percent) Liberal
Budaya jo masyarakaik Akademik Anak-anak Dakwah Demografi Hewan Festival Filsafat Kalender Madrasah Musajik Politik Sains Seni Wanita
Topik takaik Agamo lain Islamisme Kritik Islamofobia Glosarium

‘Alī bin Abī Thālib (Arab: علي بن أﺑﻲ طالب, Persia: علی پسر ابو طالب) (lahir sakitar 13 Rajab 23 SH/599 Masehi – wafat 21 Ramadan 40 Hijriah/661 Masehi) adolah khalifah kaampek nan bakuaso pado taun 656 sampai 661. Baliau tamasuak golongan pamaluak Islam partamo dan salah satu sahabaik utamo Nabi. Sacaro silsilah, 'Ali adolah sapupu dari Nabi Muhammad. Panikahan 'Ali jo Fatimah az-Zahra juo manjadikannyo sabagai minantu Nabi Muhammad.

Sabagai salah satu pamaluak Islam mulo-mulo, 'Ali alah talibaik dalam babagai paran gadang sajak maso kanabian, walau umuanyo masih mudo kok dibandiangkan sahabaik utamo Nabi nan lain. 'Ali sato sadoalah parang, kacuali Parang Tabuk, pangusuang panji, juo baparan sabagai sekretaris jo pambaok pasan Nabi. 'Ali pun ditunjuak sabagai pamimpin pasukan pado Parang Khaibar.

Sapaningga Nabi Muhammad, 'Ali diangkek sabagai khalifah atau pamimpin umaik Islam sasudah Abu Bakar, 'Umar, jo 'Utsman. Dalam suduik pandang Sunni, 'Ali basamo tigo pandahulunyo digolongkan sabagai Khulafaur Rasyidin. Di sisi lain, kalompok Syi'ah mamandang baso 'Ali nan mustinyo mawarihi kapamimpinan umaik Islam baitu mangkaiknyo Nabi Muhammad ateh tafsirannyo dalam kajadian Ghadir Khum, mambuek kapamimpinan tigo khalifah sabalunnyo dipandang indak sah. Maso kakuasoan 'Ali marupokan salah satu periode tasulik dalam sijarah Islam karano sangkek itulah tajadi parang sudaro partamo dalam tubuah umaik Muslim nan samulo dari tabunuahnyo 'Utsman bin 'Affan, khalifah katigo. Talapeh dari pabedaan pandapaik manganai status 'Ali jo hak kapamimpinannyo ateh umaik Islam, Sunni dan Syi'ah supakaik manganai pribadinyo nan saleh jo adia.