Mesopotamia

Dari Wikipedia baso Minang, ensiklopedia bebas
Lompek ka: navigasi, cari
Peta nan manunjuakan wilayah Mesopotamia

Mesopotamia (dari Yunani Kuno: tanah di antaro sungai-sungai; Arab: بلاد الرافدين‎ (bilād al-rāfidayn)): "tanah dari sungai-sungai" talatak di antaro duo sungai gadang, Efrat jo Tigris. Daerah nan kini manjadi Republik Irak itu pado zaman dahulu disabuik Mesopotamia, nan dalam bahaso Yunani baarati "(daerah) di antaro sungai-sungai". Dek bidang tanah nan panjang jo sampik bak cando bulan sabik jo tanahnyo nan subur, daerah iko acok juo disabuik "Bulan Sabik Subur". Namo Mesopotamia alah dipakai oleh para panulis Yunani jo Latin kuno, sarupo Polybius (abaik 2 SM) jo Strabo (60 SM-20 M). Tanah subur iko alah manumbuahkan banyak paradaban kuno nan mego nan sacaro kolektif tanamo subagai paradaban Mesopotamia. Ikolah paradaban paliang awal di Asia Barat jo salah satu nan tatuo di dunia.

Manuruik kayakinan Kristen jo Yahudi co dalam Perjanjian Lamo, ado usaho mangubuangkan kaluarga Abraham (nan kudian disabuik "Bapa Urang Bariman" dan diakui dek tigo agamo monoteistik dunia, Islam, Kristen, jo Yahudi ) jo Mesopotamia. Dalam kitab Kejadian 11:31 dikatokan, pado suatu maso kaluarga Abraham bapindah dari Ur Kaśdim ka Haran sabalun akhianyo bapindah ka Kanaan (Daerah Israel jo Palestina kini).

Lokasi Ur Kaśdim biasonyo marujuak pado Tell el-Muqayyar, situs bakeh raruntuahan Kota Ur kuno dari periode Sumeria. Sadangkan Haran talatak di bagian utara Mesopotamia, di tapi Sungai Efrat.