Al-Mizan (majalah)

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sampul majalah Al-Mizan.

Al-Mizan adolah majalah Islam dwi-mingguan baaksara Arab-Melayu nan tabik duo kali sabulan di Maninjau, Kabupaten Agam, Sumatera Barat dari 1918 hingga 1922.[1] Majalah iko dikelola dek Parsatuan Tarbiyah Islamiyah di bawah asuhan Syekh Hasan Basri, saurang ulama tanamo di Maninjau nan parnah manduduki jabatan sabagai "de commissaris" Ittihad Ulama Sumatera (Persatuan Ulama Sumatera) pada 1916.

Al-Mizan umumnyo barisi karangan manganai ugamo sarato mamuek rubrik jawaban partanyaan kiriman pambaco.[2]

Isi[suntiang | suntiang sumber]

Majalah Al-Mizan ditulih manggunoan aksara Arab dalam bahaso Malayu. Al-Mizan adolah kato dalam bahaso Arab nan baarti timbangan. Al-Mizan manyabuik diri sabagai "surek kaba ugamo Islam jo perkabaran".[2]

Al-Mizan tabik duo kali dalam sabulan dan pananggalannyo manggunoan kalender Hijriyah. Edisi pardananyo tabik pado 1 Zulkaidah 1336. Panarbitannyo dikarajoan dek parcetakan Merapi & Co di Fort de Kock.[2]

Pambaco Al-Mizan datang dari berabagai daerah di Sumatera. Salain dari daerah-daerah Sumatera Barat, pambaco Al-Mizan barasa dari Aceh, Tapanuli, Deli, Pekanbaru, jo Jambi. Hal itu tacaliak pado rubrik partanyaan pambaco Al-Mizan. Rubrik iko dikelola dek saderet ulama takah Muhammad Sa’ad al-Khalidi Mungka, Khatib Ali Padang, Muhammad Nur Bayur Maninjau, Abdullah Maninjau, Sulaiman Ar-Rasuli Candung, Jamil Jaho Padangpanjang, jo Machudum Tanjuang Bingkuang. Umumnyo, ulama-ulama nan tun faqih dalam Mazhab Syafi’i.

Caliak pulo[suntiang | suntiang sumber]

  • Al-Munir, majalah Islam nan tabik di Padang dan tacataik sabagai media massa Islam patamo di Indonesia.

Rujuakan[suntiang | suntiang sumber]

  1. https://surauparabek.or.id/khairul-ashdiq/majalah-al-bayan-al-mubin-1919-1921-refleksi-menuju-1-abad-1919-2019/
  2. a b c Ahmat Adam (2012). Suara Minangkabau: sejarah jo bibliografi akhbar jo majalah di Sumatera Barat, 1900-1941. Kuala Lumpur: Penerbit Universiti Malaya. hlm. 148