Agustinus Wibowo
Agustinus Wibowo | |
|---|---|
 | |
| Lahia | 08 Agustus 1981 |
| Kabangsaan |  Indonesia |
| Kawarganagaraan | Indonesia |
| Karojo |
|
| Website | agustinuswibowo.com |
Agustinus Wibowo adolah saurang panulis jo fotografer pajalanan Indonesia nan lahia di Lumajang, Jawa Timur pado 8 Agustus 1981. Inyo salasai kuliah di Ilmu Komputer di Universitas Tsinghua di Beijing. Pado taun 2005 Agustinus mamulai pajalanan di Asia malalui jalur darek.[1] Bamulo tanggal 31 Juli 2005 dari China kamudian malinteh di negara-negara Asia Selatan jo Asia Tengah, hinggo manatap sabagai Jurnalis foto di Afganistan salamo tigo tahun.[2]
Agustinus mambiayai pajalanannyo sacaro mandiri. Inyo baranti di ciek negara untuak bakarajo apobilo tabungan keuangannyo alah mulai habis. Inyo bakarajo jo caro mangirimkan artikel ka babagai media lokal maupun internasional sarato manjadi fotografer di media. Catatan hariannyo dalam pajalanan patualangan itu dimuek sabagai rubrik reguler “Petualang” di Kompas.com. Catatan pajalanan itu kamudian ditabikkan dalam bantuak buku dek Gramedia Pustaka Utama. Catatan nan ditabikkan itu akhianyo majadi pionir dalam penulisan narasi pajalanan jo gaya nonfiksi kreatif di Indonesia.
Buku partamonyo adolah Selimut Debu: Impian dan Kebanggaan dari Negeri Perang Afghanistan nan tabik taun 2010. Kamudian disusul jo buku Garis Batas: Perjalanan di Negeri-Negeri Asia Tengah nan tabik taun 2011. Buku katigonyo, Titik Nol: Sebuah Makna Perjalanan nan tabik taun 2013, adolah ssbuah catatan pajalanan jo gaya panulisan nan orisinal dipaduan jo memoar, akan segera diproduksi dalam bantuak pilem. Kadalaman tulisan Agustinus sangaik dipangaruhi dek kamampuannyo bakomunikasi jo panduduk satempat, dan itu ditunjang dek kacintoannyo tahadop bahaso. Agustinus manguasai bahaso Indonesia, Inggris, jo Mandarin. Salain itu, inyo juo pernah mampalajari bahaso Rusia, Jepang, Jerman, Prancis di bangku sekolah. Inyo sacaro otodidak juo mampelajari banyak bahasa, di antaranya Bahasa Urdu, Farsii, bahaso Tajik, bahaso Kirgiz, bahaso Kazakh, bahaso Uzbek, bahaso Mongol, bahasa Turki, dan bahaso Tok Pisin.
Taun 2016 Agustinus Wibowo manjadi tamu kahormatan di Frankfurt Book Fair.[3]
Pendidikan[suntiang | suntiang sumber]
Agustinus maabihan maso keteknyo hinggo SMA di tanah kalahirannyo, Lumajang. Sekolah manangah ateh ditamatkannyo di SMA Negeri 2 Lumajang pado 1996. Setelah itu, Agustinus pai marantau ka Surabaya untuk malanjuikan pandidikannyo di Institute Teknologi Sepuluh November. Inyo fokus ka jurusan Teknik Informatika dan tamaik pado taun 1999.
Setamat dari Institute Teknologi Sepuluh November, Agustinus malanjuikan pandidikannyo ka Beijing Language And Culture University, hinggo taun 2000. Satalah itu, lanjuik baliak di Tsinghua University jo jurusan Computer Science and Engineering. Inyo manampuah pandidikan salamo ampek taun di sinan, dari 2001 hinggo 2005.[1][2]
Buku[suntiang | suntiang sumber]
Agustinus alah manabikkan ampek buku, iolah Selimut Debu[4], Garis Batas[5], Titik Nol[6], dan Jalan Panjang Untuk Pulang.[7]
Rujuakan[suntiang | suntiang sumber]
- ↑ a b Wibowo, Agustinus (2021-01-08) (dalam bahaso id). Jalan Panjang untuk Pulang. Gramedia Pustaka Utama. ISBN 978-602-06-4758-6. https://books.google.co.id/books?id=v0kTEAAAQBAJ&printsec=frontcover&hl=id#v=onepage&q&f=false.
- ↑ a b "Profil Penulis 'Garis Batas', Agustinus Wibowo". Tribunmanado.co.id (dalam bahasa Indonesia). Diakses tanggal 2023-10-29.
- ↑ Afrisia, Rizky Sekar. "Agustinus Wibowo Bercerita di Panggung Buku Beijing". hiburan (dalam bahasa Indonesia). Diakses tanggal 29 Oktober 2023.
- ↑ Wibowo, Agustinus (2010). Selimut Debu. Jakarta: Gramedia Pustaka Utama. pp. 461. ISBN 9789792274639.
- ↑ Wibowo, Agustinus (2011/14 April). Garis Batas. Jakarta: Gramedia Pustaka Utama. pp. 528. ISBN 9789792268843.
- ↑ Wibowo, Agustinus (2013/Februari). Titik Nol. Jakarta: Gramedia Pustaka Utama. pp. 568. ISBN 9789792292718.
- ↑ Wibowo, Agustinus (2021/10 Januari). Jalan Panjang Untuk Pulang. Jakarta: Gramedia Pustaka Utama. pp. 464. ISBN 9786020647579.