Jam Gadang

Dari Wikipedia baso Minang, ensiklopedia bebas
Lompek ka: navigasi, cari
Jam Gadang pado bulan Mei 2011

Jam Gadang adolah namo untuak sabuah manaro jam nan talatak di jantuang Kota Bukittinggi, Provinsi Sumatera Barat, Indonesia.

Sajarah[suntiang | sunting sumber]

Jam Gadang dibangun dek Pamarintahan Kolonia Balando pado taun 1926, nan merupoan hadiah dari ratu Balando ka Rook Maker (Walikota Bukittinggi saaik itu).

Sabalunnyo manaro Jam Gadang ko alah mangalami tigo kali parubahan pado bantuak atoknya. Awal didirian atok Jam Gadang babantuak bulek jo patuang ayam di atehnyo (maso Pamarintahan Hindia Balando), sudah itu babantuak Klenteng (maso Pamarintahan Penduduakan Japang), sudah itu pulo (sasudah kamardekaan) atok Jam Gadang babantuk atok pado rumah adaik Minangkabau (Rumah Gadang).

Struktur Jam[suntiang | sunting sumber]

Tinggi dari Jam Gadang nan dirancang dek arsitek Yazid Sutan Gigi Ameh, adolah 26 meter. Lueh denah dasarnyo baukuran 13 x 4 meter, samantaro itu ampek buah jamnyo badiameter 80 cm. Jam Gadang digariakan jo masin sacaro manual, nan kabanyo masinnyo hanyo dibuek duo unit di dunia: di Jam Gadang nan ado di Bukittinggi jo Big Ben nan ado di London, Inggirih [1]. Salain tu, kaunikan pado Jam Gadang adolah angko Romawi ampek (IV) nan tatulih "IIII".[2]

Jam Gadang Kiniko[suntiang | sunting sumber]

Kinkiko Jam Gadang nan taakhia direnovasi pado taun 2010 ditatokan sabagai titiak nol Kota Bukittinggi dek Badan Palestarian Pusako Indonesia (BPPI), nan didukuang dek Pamarintah Kota Bukittinggi jo Kadutaan Gadang Balando di Jakarta, nan dirasmian tapek pado ulang taun Kota Bukittinggi nan ka 262 pado tangga 22 Desember 2010 nan lalu.[3]

Album poto[suntiang | sunting sumber]

Rujuakan[suntiang | sunting sumber]

  1. ^ Jam Gadang Gengsi kota Bukittinggi
  2. ^ Misteri angka romawi Jam Gadang
  3. ^ Renovasi Jam Gadang