Arcandra Tahar
Arcandra Tahar | |
|---|---|
 | |
| Lahia | 10 Oktober 1970 Padang, Sumatra Barat, Indonesia |
| Kawarganagaraan | Indonesia (1970–kini), Amerika Sarikat (2012–2016) |
| Alma mater | SMA Negeri 2 Padang Institut Teknologi Bandung Texas A&M University |
| Partai politik | Independen |
| Anak | 2 |
| Dusanak | Taharuddin (apak) jo Zuraida (amak) |
Arcandra Tahar (lahia 10 Oktober 1970; umua 53 taun) adolah saurang politikus Indonesia. Inyo parnah manjabek sabagai Menteri Energi dan Sumber Daya Mineral Republik Indonesia pado Kabinet Kerja manggantian Sudirman Said nan dibarantian dek Presiden Joko Widodo dalam parombakan kabinet pado tanggal 27 Juli 2016.[1]
Arcandra dibarantian dengan hormat dari jabatan tasabuik pado tanggal 15 Agustus 2016, satalah adonyo tuduahan baso inyo adolah warga negara AS,[2] manjadiannyo sabagai menteri jo maso karajo paliang singkek dalam sajarah Indonesia (20 hari).[3] Inyo kamudian ditunjuak sabagai wakil menteri nan samo.
Kahidupan[suntiang | suntiang sumber]
Arcandra lahia pado tanggal 10 Oktober 1970 di Padang, Sumatra Barat, anak dari pasangan Taharuddin jo Zuraida.[4] Inyo adolah katurunan Minangkabau jo baragamo Islam.[5][6]
Pandidikan[suntiang | suntiang sumber]
Arcandra mandapek gala sarjana teknik mesin dari Institut Teknologi Bandung pado taun 1994, kamudian bakarajo di parusahaan Andersen Consulting. Satalah itu, inyo mandaftar ka Texas A&M University pado taun 1996 untuak maraih gala Master's of Science in Ocean Engineering, nan barhasil lulus pado taun 1998. Inyo tatap di A&M untuak mangaja gala Doktor Filsafat di bidang Teknik Kelautan, nan didapeknyo pado taun 2001.[7]
Kontroversi kawarganegaraan[suntiang | suntiang sumber]
Idak lamo satalah dilantiak manjadi menteri, baredar rumor baso Arcandra alah manjadi warga negara Amerika Sarikat pado bulan Maret 2012. Karano di Indonesia idak balaku kawarganegaraan ganda, Arcandra tapaso malapeh kawarganegaraan Indonesia-nyo.[8] Namun manuruik Arcandra, inyo masuak ka Indonesia mamakai paspor Indonesia nan masiah balaku sampai taun 2017.[9]
Pado tanggal 12 Agustus 2016, Kedutaan Besar AS di Jakarta manabikan Sertifikat Kailangan Kawarganegaraan untuak inyo, nan disahan pado tanggal 15 Agustus 2016.[10][11] Iko bararti inyo malapeh kawarganegaraan AS-nyo. Pado hari nan samo, Arcandra dibarantian sacaro hormat sabagai Menteri dek Presiden Joko Widodo jo digantian dek Luhut Pandjaitan.[12]
Pado tanggal 30 Agustus 2016, Kedutaan Besar AS manulih surek kapado Arcandra untuak mangonfirmasi baso inyo alah kahilangan status kawarganegaraan AS. Karano inyo idak lai manjadi warga negara AS, Kementerian Hukum dan Hak Asasi Manusia nan dikapaloi dek Yasonna Laoly mambarantian proses kahilangan kawarganegaraan Arcandra untuak mancagah keadaannyo nan tanpa kawarganegaraan, jo maagiahnyo sertifikat retensi kawarganegaraan pado tanggal 1 September 2016. Hal iko mambueknyo mandapek kawarganegaraan Indonesia baliak.[13]
-
Paspor Indonesia Arcandra. -
Paspor AS Arcandra. -
Sertifikat retensi kawarganegaraan Indonesia untuak Arcandra.
Karier politik salanjuiknyo[suntiang | suntiang sumber]
Pado tanggal 14 Oktober 2016, Arcandra resmi dilantiak manjadi Wakil Menteri Energi dan Sumber Daya Mineral nan dikapaloi dek Ignasius Jonan.[14]
Rujuakan[suntiang | suntiang sumber]
- ↑ Media, Kompas Cyber (27 Juli 2016). "Jokowi Umumkan "Reshuffle" Kabinet, Ini Susunan Menteri Baru - Kompas.com". KOMPAS.com. Diakses tanggal 9 Januari 2024.
- ↑ "Menteri ESDM Arcandra Tahar Diberhentikan Dengan Hormat - Poskota News". Poskota News. 15 Agustus 2016. Diakses tanggal 9 Januari 2024.
- ↑ Khabibi, Ikhwanul. "Cuma 20 Hari, Arcandra Tahar Menteri dengan Masa Kerja Terpendek dalam Sejarah". detiknews. Diakses tanggal 9 Januari 2024.
- ↑ "Begini Sosok Menteri Archandra di Mata Keluarga". tempo.co. 27 Juli 2016. Diakses tanggal 9 Januari 2024.
- ↑ Agency, ANTARA News. "Arcandra Tahar : Saya Ini Orang Minang Asli". Antara News Sumbar. Diakses tanggal 9 Januari 2024.
- ↑ "SPE - Indonesia/Java Section - Jan-Mar 2017 Issue" (PDF). Diakses tanggal 9 Januari 2024.
- ↑ "Arcandra Tahar | LinkedIn". linkedin.com. Diakses tanggal 9 Januari 2024.
- ↑ "Menteri Arcandra Ditimpa Rumor WN Amerika Serikat Dan Titipan Parpol". rmol.co. Diarsipkan dari versi asli tanggal 15 Agustus 2016. Diakses tanggal 9 Januari 2024.
- ↑ Media, Kompas Cyber (14 Agustus 2016). "Mensesneg: Arcandra Masuk Indonesia dengan Paspor Indonesia yang Masih Berlaku sampai 2017 - Kompas.com". KOMPAS.com. Diakses tanggal 9 Januari 2024.
- ↑ "Kedudukan Status Kewarganegaraan Dalam Jabatan Publik (Studi Kasus Arcandra Tahar) Skripsi". docplayer.info. Diakses tanggal 9 Januari 2024.
- ↑ "Quarterly Publication of Individuals, Who Have Chosen To Expatriate, as Required by Section 6039G". Federal Register. 10 Mei 2017. Diakses tanggal 9 Januari 2024.
- ↑ "Menteri ESDM Arcandra Tahar Diberhentikan Dengan Hormat - Poskota News". Poskota News. 15 Agustus 2016. Diakses tanggal 9 Januari 2024.
- ↑ Gumilang, Prima. "Kronologi Kembalinya Kewarganegaraan Indonesia Arcandra Tahar". cnnindonesia.com. Diakses tanggal 9 Januari 2024.
- ↑ "Presiden Jokowi Lantik Jonan dan Archandra Tahar Sebagai Menteri dan Wakil Menteri ESDM - Tribunnews.com". Tribunnews.com. Diakses tanggal 9 Januari 2024.