Zakir Naik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Zakir Naik
ذاکِر نائيک
ज़किर नाइक
Dr Zakir Naik.jpg
Zakir Naik di Maladewa pado taun 2010
Lahia

Zakir Abdul Karim Naik
18 Oktober 1965 (umua 54

)
Bendera India Mumbai, Maharashtra, India
Pandidikan Ilmu Pabandiangan Agamo (Comparative Religion Studies) jo Sarjana Kadotoran jo Bedah
Alma mater
Karajo Katua Yayasan Panelitian Islam (Islamic Research Foundation IRF), Pambicaro umum, Da'i
Taun aktif 1991—kini
Dikana dek Dakwah,
Pandiri Peace TV,
Pambicaro umum Islam internasional
Anggota dari Yayasan Panelitian Islam (Islamic Research Foundation) IRF[1],
Akademi Panelitian jo Pandidikan Islam (Islamic Education and Research Academy) (iERA)[2][3],
Sakolah Islam Internasional (Islamic International School),
jo Pasatuan Palang Merah Islam (United Islamic Aid)[4]
Agamo Islam
Anak Fariq Naik, Rusyda Naik
Penghargaan Panghargaan Internasional Rajo Faisal untuak Palayanan Islam (2015)
Laman web
irf.net
peacetv.tv

Zakir Abdul Karim Naik (bahaso Hindi: ज़ाकिर अब्दुल करीम नायक; lahia 18 Oktober 1965; umua 54 taun) adolah saurang da'i, pambicaro umum, jo pancaramah internasional Muslim dari India. Inyo juo panulih hal-hal tantang Islam jo Ilmu Pabandiangan Agamo. Sacaro profesi, inyo adolah saurang dotor medis, mamparoleh gala "Sarjana Kadotoran jo Bedah" (Bachelor of Medicine and Surgery, MBBS) dari Maharashtra, tatapi sajak 1991 inyo alah manjadi saurang pambicaro Islam jo ulama nan talibat dalam dakwah Islam jo pabandiangan agamo. Inyo manyatoan baso tujuannyo iolah antaro lain untuak babicaro mangenai Islam kapado non-muslim jo mangklarifikasian sagalo macam kasalahpahaman tantang agamo Islam itu surang, tautamo labeling "teroris" jo "radikalisme". Inyo juo sabagai pambicaro mangenai agamo Islam sabagai agamo nan sasuai sacaro fakta iolah agamo nan masuak aka jo cocok jo ilmu Sains modern untuak dapek mayakinkan non muslim tantang kabanaran agamo tasabuik.

Zakir Naik adolah pandiri jo presiden Islamic Research Foundation (IRF)[5], sabuah organisasi nirlaba Islam nan kusuih dalam panalitian Islam jo pabandiangan agamo nan juo mamiliki jo manyiaran jaringan saluran TV perai Peace TV dari Mumbai, India.

Biografi[suntiang | suntiang sumber]

Zakir Naik lahia pado tanggal 18 Oktober 1965 di Mumbai (Bombay pado wakatu itu), India jo marupoan katurunan Konkani.[6] Inyo basakolah di St. Peter's High School (ICSE) di kota Mumbai. Kamudian bagabuang jo Kishinchand Chellaram College jo mampalajari kasihatan di Topiwala National Medical College and Nair Hospital di Mumbai. Inyo kamudian manarimo gala MBBS-nyo di University of Mumbai. Taun 1991 inyl baranti bakarajo sabagai dotor medis jo baraliah di bidang dakwah atau proselitisme Islam[7]

Naik mangatoan inyo tainspirasi dek Ahmed Deedat[8] nan alah aktif di bidang dakwah salamo labiah dari 40 tahun.[9] Manurut Naik, tujuannyo adolah "bakonsentrasi pado remaja Muslim bapandidikan nan mulai maraguan agamonyo surang jo maraso agamonyo alah kuno"[10] jo adolah tugeh satiap Muslim untuak manghilangan kasalahpahaman tantang Islam untuak malawan apo nan inyo anggap sabagai bias anti-Islam dek media Barat satalah sarangan 11 September 2001 tahadap Amerika Serikat. [11] Inyo alah bacaramah jo manulih sajumlah buku tantang Islam jo pabandiangan agamo[12] juo hal-hal nan ditujuan untuak mahapuih karaguan tantang Islam.[13] Sajumlah artikelnyo acok juo ditabikan di majalah India misalnyo Islamic Voice.[14][15][16]

Thomas Blom Hansen, saurang sosiolog nan mamacik posisi akademik di babagai universitas, alah manulih baso gaya Naik mangabadian Qur'an jo hadits dalam babagai bahaso, jo pai ka babagai nagara untuak mambicaroan Islam basamo para teolog, alah manjadiannyo sabana takenal di lingkuangan Muslim jo non-Muslim. Walaupun inyo biaso mangecek kapado ratusan hadirin, jo kadang ribuan hadirin, justru rekaman video jo DVD caramahnyo nan banyak didistribusikan. Pakataannyo biaso direkam dalam bahaso Inggirih, untuak disiaran pado akia pakan di sajumlah jaringan TV kabel di lingkuangan Muslim Mumbai,[10] jo di saluran Peace TV, nan inyo dirikan. [5][17] Topik nan inyo bicaroan mancakup: "Islam jo Ilmu Pangatahuan Modern", "Islam jo Kristen", jo "Islam jo Sekularisme", di antaro nan lain.[10]

Caramah, debat, jo kontroversi[suntiang | suntiang sumber]

Naik alah mangadoan banyak debat jo caramah di saluruah dunia[1], inyo biaso mangadoannyo di Mumbai, India, jo tiok taun sajak 2007 inyo mamimpin Konferensi Damai 10 hari di Somaiya Ground, Sion, Mumbai jo candikiawan lainnyo, tamasuak politikus Malaysia, Anwar Ibrahim pado 2008.[18]

Taun 2004, Naik mangunjuangi Salandia Baru[19] jo kamudian ibu kota Australia ateh undangan Islamic Information and Services Network of Australasia. Dalam konferensinya di Melbourne, manurut jurnalis Sushi Das, "Naik mamuji superioritas moral jo spiritual Islam jp mancerca kapicayoan lain jo bangsa Baraik sacaro umum", manambahan baso kato-kato Naik "mandorong jiwa katapisahan jo mampakuek pamisahan".[20]

Bulan 1 April 2005, Naik talibat dalam debat jo William Campbell, topiknya iolah Islam jo Kristen dalam konteks ilmu pangetahuan, di mano kaduonyo mambicaroan dugaan kasalahan ilmiah di dalam kitab suci.[21]

Khushwant Singh, saurang jurnalis India, mangatoan baso kato-kato Naik "kejam" jo "mereka jarang masuak debat tingkek sarjana perguruan tinggi, di mano kontestan basaing jo nan lainnyo untuak mamparoleh nilai tabaiak".[22][23]

Analis politik Khaled Ahmed mnganggap baso Zakir Naik, manuruik klaim superioritas Islam tahadap kayakinan religius lain, mampraktikkan apo nan inyo sabuik Orientalisme mundur. [24] Dalam sabuah celaramah di Melbourne University, Naik mangatoan baso hanyo Islam nan maagiahan wanita kasamoan sajati.[25] Inyo manyatoan pentingnya penutup kepala jo manganggap baso "pakaian Barat nan tabukak" mambuek wanita labiah mungkin mangalami palecehan seksual.[26]

Tanggal 21 Januari 2006, Naik mangadkan sabuah dialog antaragamo jo Sri Sri Ravi Shankar. Acara iko mangenai konsep Tuhan dalam Islam jo Hinduisme, tujuannyo iolah maagiahan kasapahaman antaro duo agamo gadang India, jo mangaluan kasamoan antaro Islam jo Hinduisme, misalnyo bagaimano berhala dilarang. Diadoan di Bangalore, India jo 50.000 urang mamadeki Palace Grounds.[27]

Bulan Agustus 2006, kunjuangan jo konferensi Naik di Cardiff (Baritania Rayo) manjadi obyek kontroversi katiko MP (anggota parlemen) Wales David Davies mamintak acaranyo dibatalan. Inyl manyebuiknyo saurang 'panjua kebencian', jo mangatoan pandangannyo indak panteh mamparoleh 'platform publik'; Muslim dari Cardiff, manpatahanan hak babicaro Naik di kota mareka . Saleem Kidwai, Sekretaris Jenderal Muslim Council of Wales, indak satuju jo Davies, manyatoan baso "urang-urang nan mangenalnya (Naik) tahu baso inyo adolah salah satu urang paliang indak kontroversial nan pernah ado. Inyo babicaro tentang kasamoan antar agamo, jo bagaimano kito harus hiduik salaras jo mereka", jo melangundang Davies untuak mambicaroan labiah jauah jo Naik sacaro paribadi di konferensi ini. Konferensi tatap bajalan, satalah dewan Cardiff mangatoan baso mareka sanang apobilo inyo indak bacaramah jo pandangan ekstremis.[28][29]

Satalah sabuah caramah dek Paus Benediktus XVI bulan September 2006, Naik manantang debat publik langsuang jo inyo, tatapi ditolak dek Sri Paus.[30]

Bulan Nopember 2007, IRF maadoan konferensi jo pameran Islam internasional 10 hari batemaan Konferensi Damai di Somaiya Ground di Mumbai. Caramah tantang Islam dilaksanaan Naik jo duo puluah candikiawan Islam lainnyo dari saluruah dunia.[31]

Salamo salah satu caramahnyo, Naik memprovokasi kamarahan di antaro anggota komunitas Syiah di konferensi itu katiko inyo manyabuikan kato-kato "Radhiyallah taa'la anhu" (bararti 'Samoga Allah mangampuninyo') satalah manyabuik namo Yazid I jo manyabuikan baso Pertempuran Karbala hanyo badasaran politik.[32] Lainnyo mampicayoi komentar iko disangajo.[33]

Dalam tabikan 22 Pebruari 2009, Indian Express mambuek daftar "100 Urang India Takuek 2009" di antarl satu miliar panduduak India, Zakir Naik masuak paringkek 82. Dalam daftar kusuih "10 Guru Spiritual Tabaiak India", Zakir Naik ado di paringek 3, satalah Baba Ramdev jo Sri Sri Ravi Shankar, manjadi satu-satunyo Muslim di daftar iko.

Referensi[suntiang | suntiang sumber]

  1. a b "Zakir Naik's UK-registered Foundation under scanner". The Hindu. 10 Juli 2016. pp. Pandey, Devesh K.. http://www.thehindu.com/news/national/zakir-naiks-foundation-under-the-scanner/article8829130.ece. Diakses pado 18 Juli 2016. 
  2. Sam Westrop, Charles Jacobs (21 September 2016). "The Salafist Connections To The WhyIslam Billboard Campaign". The Daily Caller. http://dailycaller.com/2015/09/21/the-salafist-connections-to-the-whyislam-billboard-campaign/. Diakses pado 18 Juli 2016. 
  3. "'Anti-Semitic' charity under investigation". The Daily Telegraph. 24 Mai 2014. http://www.telegraph.co.uk/news/10854579/Anti-Semitic-charity-under-investigation.html. Diakses pado 18 Juli 2016. 
  4. "Scholarships to Muslim students by United Islamic Aid". Siasat Daily. 24 Mai 2014. http://archive.siasat.com/news/scholarships-muslim-students-united-islamic-aid-305037/. Diakses pado 1 April 2017. 
  5. a b Mazumdar, Sudip (2006-01-23). "Beaming In Salvation". Newsweek International. http://www.msnbc.msn.com/id/10854375/site/newsweek/. 
  6. "Zakir Naik". Tungekar.com. http://www.tungekar.com/zakirnaik.html. Diakses pado 30 Agustus 2009. 
  7. Biography of Dr. Zakir Naik from DrZakirNaik.com (situs web nan dibentuk muridnya)
  8. Spreading God’s Word Is His Mission - Arab News
  9. Muslims Mourn Ahmed Deedat, IslamOnline.net, August 8, 2005
  10. a b c Hansen, Thomas (2001). Wages of Violence: Naming and Identity in Postcolonial Bombay. Princeton University Press. p. 177. ISBN 0-691-08840-3. 
  11. Media Urged to Counter Anti-Muslim Bias - Arab news, Sunday October 9, 2005
  12. Ten Most Common Questions asked by Christian Missionaries against Islam by Dr. Zakir Naik on IRF.net
  13. FAQs on Islam by Dr. Zakir Naik
  14. Prohibition of Alcohol in Islam - Islamic Voice
  15. Was Islam Spread by the Sword? - by Dr. Zakir Naik
  16. Are Ram And Krishna Prophets Of God? - Islamic Voice
  17. Syed Neaz Ahmad (February 23, 2007). "Peace TV Reaching 50 Million Viewers – Dr. Zakir Naik". Saudi Gazette. http://www.saudigazette.com.sa/index.php?option=com_content&task=view&id=25960&Itemid=146. Diakses pado 18 Mai 2007. 
  18. Shahid Raza Burney (2007-12-31) Zakir Naik’s Remarks on Yazid Spark Anger Among Muslims Arab News. Retrieved on 2009-07-30.
  19. "Scholar clears the air about Islam ‘labels’" (PDF). Te Waha Nui. 6 September 2004. http://www.tewahanui.info/pdfs/4/twn04pg04.pdf. Diakses pado 20 Mai 2007. 
  20. "Between two worlds". The Age. 28 Juli 2005. http://www.theage.com.au/news/sushi-das/between-two-worlds/2005/07/27/1122143904716.html. Diakses pado 20 Mai 2007. 
  21. Khaled Ahmed (2006-01-08) WORD FOR WORD: William Campbell versus Zakir Naik Daily Times. Retrieved on 2009-07-30.
  22. One man’s belief is another’s shackle by Khuswant Singh,
  23. Why Muslims lag behind by Khuswant Singh,
  24. "Second opinion: Zakir Naik’s ‘reverse orientalism’ —Khaled Ahmed’s TV Review". Daily Times. 16 Desember 2003. Diarsipan dari nan asli pada 23 Juli 2012. https://archive.is/CFlU. Diakses pado 20 Mai 2007. 
  25. "Islam's gender debate at the fore". Theage.com.au. http://www.theage.com.au/articles/2004/08/29/1093717837783.html. Diakses pado 30 Agustus 2009. 
  26. "The clash of ignorance". Theage.com.au. 6 Agustus 2005. http://www.theage.com.au/news/opinion/the-clash-of-ignorance/2005/08/06/1123125843879.html. Diakses pado 30 Agustus 2009. 
  27. Religious dialogue for Spiritual Enlightenment Retrieved on 2009-07-20.
  28. Row over Islamic preacher - WalesOnline.co.uk
  29. Katie Bodinger (2006-08-21). "Cleric's address hailed a success". Icwales.icnetwork.co.uk. http://icwales.icnetwork.co.uk/0100news/0200wales/tm_objectid=17598165%26method=full%26siteid=50082-name_page.html. Diakses pado 30 Agustus 2009. 
  30. Dr Zakir Naik invites Pope Benedict XVI for open interfaith dialogue - IslamCity.com - 07 October 2006 at 10:07pm
  31. Justice, peace & unity: The cornerstone of Islam by Syed Neaz Ahmad, Saudi Gazette
  32. Row_over_Islamic_preachers_remarks by Mohammed Wajihuddin,Times of India
  33. Zakir Naik’s Remarks on Yazid Spark Anger Among Muslims by Shahid Raza Burney, Arab News

Pranala lua[suntiang | suntiang sumber]