Unto

Wikipedia Minangkabau - Lubuak aka tapian ilimu
(Dialiahkan dari Unta)
Unto
Camelus Edit nilai pada Wikidata
Rekaman (id) Terjemahkan
Edit nilai pada Wikidata
Taksonomi
SuperdomainBiota
SuperkerajaanEukaryota
KladAmorphea
KladObazoa
KladOpisthokonta
KladHolozoa
KladFilozoa
KerajaanAnimalia
SubregnumEumetazoa
KladParahoxozoa
KladBilateria
$0Nephrozoa
SuperfilumDeuterostomia
FilumChordata
$0Olfactores
SubfilumVertebrata
InfrafilumGnathostomata
MegaclassOsteichthyes
SuperkelasSarcopterygii
KladDipnotetrapodomorpha
KladTetrapodomorpha
SuperkelasTetrapoda
KladReptiliomorpha
KladAmniota
KladSynapsida
KladEupelycosauria
KladSphenacodontia
KladSphenacodontoidea
KladTherapsida
KladEutheriodontia
KladCynodontia
KladEpicynodontia
KladEucynodontia
KladProbainognathia
KladMammaliamorpha
KladMammaliaformes
KelasMammalia
SubkelasTheria
InfrakelasPlacentalia
KladExafroplacentalia
MagnorderBoreoeutheria
SuperordoLaurasiatheria
KladScrotifera
KladFerungulata
KladPanKladEuungulata
KladEuungulata
SuperordoParaxonia
OrdoArtiodactyla
SuperfamiliCameloidea
FamiliCamelidae
GenusCamelus Edit nilai pada Wikidata
Linnaeus, 1758
Tipe taksonomi (id) Terjemahkan Camelus bactrianus Edit nilai pada Wikidata
Distribusi

Edit nilai pada Wikidata
Ubah di Wikidata

Unto atau unta adolah duo spesies binatang bakuku ganok dari genus Camelus (tagolong binatang babungkuak ciek - Camelus dromedarius, ciek lai tagolong binatang babungkuak duo - Camelus bactrianus) nan ditamuan iduik di wilayah kariang dan gurun di Asia dan Afrika Utara. Rato-rato umua arapan untuak iduik unto ko adolah antaro 30 sampai 50 taun sajo.[1]

Domestikasi atau panjinakkan unto dek manusia alah dimulo sajak kurang 5.000 taun nan lalu. Pamanfaatan unto antaro lain untuak diambiak susunyo (nan banutrisi labiah tinggi daripado susu sapi) sarato dagiangnyo, dan digunokan juo sabagai binatang karajo.[2]

Kamampuan adaptasi[suntiang | suntiang sumber]

Pado umumnyo, unto iduik di padang pasia nan mamiliki rantang temperatur udaro nan mampu mambunuah banyak mukaluak iduik. Salain itu, inyo mampu untuak indak makan jo minum salamo babarapo hari. Ado banyak hal nan mambuek inyo mampu baadaptasi. Contohnyo adolah punuaknyo. Banyak urang mangiro baso punuaknyo manyimpan aia, tapi sabananyo indak. Bungkuak pundaknyo tu manyimpan lamak khusus nan pado lain maso bisa diubah manjadi aia jo bantuan oksigen hasil dari respirasi. Ciek gram lamak nan ado pado punuaknyo tu bisa diubah manjadi ciek gram aie.[3]

Kamampuan adaptasi lainnyo nan lua biaso adolah sistem respirasinyo maninggakan saketek bana jajak uok aia. Uok aia nan kalua dari paru diserap baliak dek tubuahnyo malalui sel khusus nan ado di iduang bagian dalam, mambantuak kristal dan sakatiko dapek diambiak baliak. Tubuah unto dapek batahan hinggo pado suhu 41 darajaik celcius. Labiah dari tu, unto mulai bapaluah. Panguapan dari paluahnyo tajadi hanyo padi kulik sajo, bukan pado abuaknyo. Dengan caro nan efisien itu lah unto dapek maimaik aia cukuik banyak untuaknyo iduik di padang pasia nan kariang bana. Unto ko mampu batahan dengan kahilangan massa tubuah kiro-kiro 20-25% salamo bapaluah. Mayoritas makhluk iduik hanyo bisa batahan hinggo kahilangan massa sakitar 3-4% sabalun tajadi gagal jantuang dek manjalunuiknyo darah. Walau baitu, unto juo kailangan banyak cairan tubuah, darahnyo tatap tahidrasi juo, hinggo bateh 25% tacapai. Ado banyak alasan darah unto indak manjalunuik pado kondisi mayoritas darah mukaluak iduik alah manjalunuik. Sel darah merah unto babantuak oval, indak bulek mode mukaluak iduik lainnyo. Unto juo mampunyoi sistem katahanan nan cukuik unik. Sadoalah mamalia mampunyoi antibodi babantuak Y jo duo rantai panjang sapanjang Y itu jo duo rantai pendek di satiok ujuang dari Y tasabuik. Tapi, unto hanyo mamiliki duo rantai nan manjadikannyo babantuak labiah ketek sahinggo kamungkinan darah ka manjalunuik. Ginjal dan usus inyo sangaik efisien dalam manyariang aia. Bantuak urin inyo sangaik jalunuik dan kotoran inyo sangaik kariang sainggo bisa langsuang dibaka katiko kalua.[4]

Pado wakatu kakurangan aie, unto bisa juo mangurangi volume urinnyo hinggo sapalimo volume normal. Kotoran inyopun sangaik kariang, sampai-samapai si pengembala unto bisa manggunoan kotorannyo itu untuak bahan bakar api unggun. Katiko basuo jo mato aia, tubuahnyo bisa manyimpan hinggo labiah dari 100 liter air hanyo dalam 5-10 menit. Salain paneh jo kariang, lingkungan bapasia pun bisa disiasati dek unto. Kakinyo pun mampunyoi duo kuku gadang nan maleba untuak mandistribusikan barek badannyo hinggo unto indak bisa tabanam dalam pasia. Badai pasiapun bukan masalah dek unto, karano unto punyo bulu mato nan panjang dan lubang iduang nan bisa manutuik surang.[5]

Pasebaran[suntiang | suntiang sumber]

Unto Arab (C. dromedarius) iduik di kawasan Afrika Utara dan Timur Tengah sarato anak benua India. Jumlahnyo kini sakitar 14 juta ikua. Di Afrika Utara, unto arab sangaik baguno di sabagian nagara, contohnyo Somalia dan Ethiopia. Di situ unto dimanfaatkan urang untuak di ambiak susunyo.[6]

Unto baktrian iduik di kawasan Gurun Gobi di Tiongkok, Mongolia dan Australia. Unto baktrian kini jumlahnyo manurun sakitar 1,4 juta nan disababkan babagai faktor, salah satu contohnyo pambunuahan massal unto di Australia. Unto di dianggap manjadi panyumbang gas rumah kaco dan dianggap manjadi biang kerok tajadinyo global warming.[7]

Liek pulo[suntiang | suntiang sumber]

Runjuakan[suntiang | suntiang sumber]

Pautan Lua[suntiang | suntiang sumber]