Ethiopia

Dari Wikipedia baso Minang, ensiklopedia bebas
Lompek ka: navigasi, cari
Bendera Ethiopia

Republik Demokratik Pasarikatan Ethiopia (Ityop'iya, bahaso Amhara ኢትዮጵያ) atau Etiopia adolah sabuah nagara nan talatak di Afrika.

Ethiopia marupoan nagara tatuo di dunia, kawasan Ethiopia juo marupoan salah satu tampek paradaban nan taawal di dunia. Pamerintahan Ethiopia partamo dibantuak kiro-kiro tahun 980 SM jo manarimo agamo Kristen pado abaik ke-4 M. Nagara iko cukuik unik kok dibandiangan jo nagara-nagara Afrika lainnyo dek indak pernah dijajah salamo maso Parabuikan Afrika, jo taruih merdeka hinggo tahun 1936, saat pasukan Italia manguasoi nagara tasabuik. Pasukan-pasukan Baritania Rayo jo Ethiopia mangalahkan tentara Italia pado 1941, jo Ethiopia mandapek baliak kadaulatannyo salapeh manandotangani Parjanjian Baritania-Ethiopia pado Desember 1944. Ethiopia dulu pernah banamo Abisinia.

Kini, Ethiopia marupoan nagara babantuak republik jo maambiak bagian sacaro aktif dalam aktivitas-aktivitas karajosamo internasional. Ibukotonyo, Addis Ababa marupoan pusek administrasi Kasatuan Afrika (AU).

Ethiopia masih mamakai kalendar Julian sahinggo nagara iko ka mambuko sarangkaian parayoan dalam manyambuik milenium katigo badasakan pananggalan kalendar tasabuik. Nagara di Tanduk Afrika iko manggunokan kalender Julian nan katinggalan kiro-kiro 7 tahun dibandiangan jo kalender Gregorian nan labiah umum digunokan di saluruah dunia[1].

Namo[suntiang | suntiang sumber]

Namo "Ethiopia" konon barasa dari "Ityopp'is", yaitu namo anak cucu Ham, pambantuak koto Aksum. Namo lamo "Abbesinia" barasa dari kalompok suku Habesha, yaitu kaum nan mauni kawasan Ethiopia sajak tahun 3000 SM.

Caliak juo[suntiang | suntiang sumber]

Rujuakan[suntiang | suntiang sumber]

Pautan lua[suntiang | suntiang sumber]