Tambang Salido
Tambang Salido, adolah tambang ameh nan paliang tuo di Indonesia nan talatak di Nagari Salido Ketek, Kanagarian Tambang, Kabupaten Pesisir Selatan, Sumatera Barat. Daulunyo panambangan ameh ko dikalola dek VOC salamo labiah kurang 150 taun. Di bakeh panambangan ko kini dapek tasuo bangunan barupo 150 anak tangga nan manuju bukik jo tarowongan sapanjang 300 meter sarato benteng paninggalan Balando.[1]
Sijarah
[suntiang | suntiang sumber]Pulau Sumatera sajak dulu tanamo jo sabutan Svarnadwipa (Sanskerta: Pulau Ameh) nan didugo sabagai tampek Ophir atau Gunuang Ameh barado. Kaba Ophir ko bamulo dari saurang panyair kabangsaan Portugih nan banamo Luiz de Camoens (1524 - 1580) dalam puisinyo Os Lusiadas. Sumber tasabuik didapek dari kaba nan dibaok dek palauik-paluik Arab nan ditamuinyo.[2].
Pado taun 1662, Balando malalui VOC barasia manduduaki Nagari Salido Ketek untuak urusan niago di pantai barat Sumatera. Sainggo lamo lambek, VOC mambangun infrastruktur barupo benteng di Pulau Cingkuak sabagai panunjang kagiatan niagonyo sarato benteng patahanan di Sumatera Barat.[3].
Di baruah pimpinan Commandeur Jacob Joriszoon Pit (1557- 1678), VOC manggali tambang ameh di Nagari Salido Ketek. VOC pun mangirim duo geologisnyo untuak manaliti kandungan ameh di sinan. Dalam usahanyo ko, VOC mampakarajokan tanago karajo paso nan babaok dari Madagaskar sarato tawanan parang dari daerah sakitar untuak maeksploitasi kanduangan ameh pado taun 1669.[4]
Pado taun 1928 Tambang Salido akhianyo ditutuik, dek karano pamborosan sarato administrasi nan kacau. Hinggo kini, bakeh-bakeh kagiatan panambangan masih tampak di Nagari Salido Ketek dan manjadi tujuan raun.[4]
Objek wisata
[suntiang | suntiang sumber]Nagari Salido Ketek, sabuah kampuang ketek, sakitar 10 kilometer dari Kota Painan, Pesisir Selatan, Sumatera Barat. Nagari ko manyimpan baragam paninggalan sijarah cando pambangkik listrik tanago aia nan dibangun dek Balando. Di lokasi ko wisatawan dapek maliek janjang nan mampunyoi 150 buah anak tanggo.[rujuakan?]
Pado bagian ulu, wisatawan ka basobok tarowongan aia nan panjangnyo kiro-kiro 500 meter. Kudin dapek pulo maliek sarato malinteh di ateh jambatan aie, nan dipagunokan untuak maaliakn aia ka ciek lambah di pabukitan Salido Ketek ko. Salain itu, wisatawan dapek mancaliak panorama lambah di sakitar jambatan aie ko.[rujuakan?]
Rujuakan
[suntiang | suntiang sumber]- ↑ Sejarah Tambang Emas di Indonesua. Prospectorunited.com
- ↑ Tambang Salido, Jejak Tambang Emas Tertua yang Terlupakan. Padangkita.com
- ↑ Pertambangan di Indonesia dari masa VOC sampai Orde Baru (Freeport).Jubi.co.id
- ↑ a b Tambang Emas Salido Archived 2021-02-13 di Wayback Machine.. Tambang.co.id