Batang Nil

Batang Nil di Afrika adolah sungai nan tapanjang di Bumi. Batang Nil panjangnyo 6.650 km atau 4.132 mil sarato tabantang di sambilan nagaro iyolah: Ethiopia, Zaire, Kenya, Uganda, Tanzania, Rwanda, Burundi, Sudan, Sudan Selatan jo Mesir. Karano sungai Nil artinyo dalam sijarah bangsa Mesir (terutama Mesir kuno) mako sungai Nil identik jo Mesir.

Sungai Nil punyo paran nan paliang pantiang dalam peradaban, kehidupan jo sijarah bangsa Mesir sajak ribuan taun nan lalu. Salah satu sumbangan dari sungai Nil adolah kamampuannyo dalam manghasilkan tanah subur sabagai hasil sedimentasi di sapanjang daerah aliran sungainyo. Tanah nan subur iko mamungkinkan panduduak Mesir mangambangan pertanian jo paradaban sajak ribuan taun nan lampau.

Etimologi

Namo sungai Nil barasa dari bahasa Yunani Νείλος Neilos nan artinyo sacaro harafiah adolah "lembah sungai".

Sumber Aia

Mato aia Nil barasa dari wilayah danau di Rwanda jo Burundi modern. Sumber-sumber iko mangalia ka D. Victoria, dan dari iko sabuah batang aia mangalia ka D. Albert (D. Mobutu Sese Seko); labiah ka utara aliran iko tanamo jo Batang Nil Putiah. Di Khartoum, Batang Nil Putiah basatu jo Batang Nil Biru nan takah aia tajun maalia ka bawah dari pegunungan di Etiopia bagian utara. Di sabalah utara Khartoum, batang itu membentuak induk Batang Nil, dan manarimo aia dari satu-satunyo batang nan gadang lain, Batang Atbara, nan basatu jo Batang Nil kiro-kiro 300 km di sabalah timur lauik Khartoum. Batang Nil mangalia bakelok-kelok malalui dataran tinggi Sudan bagian utara nan kariang, malewati anam hamparan batu granit kareh nan mambantuak anam riam antaro Khartoum jo Aswan nan marupoan bateh antaroa wilayah Nubia jo Mesir kuno. Akhirnyo, katiko kahilangan banyak aianyo karano penguapan dek sinar matahari nan angek bana jo karano kabutuhan untuak aia sawah Mesir, kiro-kiro 2.700 km di sabalah utara Khartoum, Batang Nil bamuaro di Lauik Tengah.

Delta Nil

Lembah Nil agak sampik hampa di sapanjang aliran Batang Nil. Di Nubia batang aia tu sabagian gadang manalia malalui ngarai nan kaduo sisinyo babateh jo gurun. Di sabelah utara Aswan, di daerah nan dulu adolah Mesir Hulu, Batang Nil maleba, tapi tabiang nan terjal di keduo sisinyo indak pernah bajarak labiah dari kiro-kiro 20 km. Tapi, persis di wilayah sabelah utara Kairo modern, batang aia tu tabagi manjadi duo cabang utamo, nan kini disabuik Batang Rosetta jo Batang Damietta, manuruik namo kota-kota palabuahan nan talatak di muaro keduo cabang batang iko di pasisia Lauik Tangah. Pacabangan Batang Nil iko mambantuak Delta Nil nan berawa-rawa. Pado zaman hulu, Batang Nil punyo cabang-cabang lain; para sajarawan jo ahli geografi Yunani klasik menyabuikan adonyo limo sampai tujuah cabang. Belakangan, cabang-cabang batang aia ko jo babarapo saluran aianyo tatutuik endapan lumpua sahinggo mangetek.

Pranala lua

Good summary, and breakdown of the Nile Archived 2007-10-12 di Wayback Machine.
Information and a map of the Nile's watershed Archived 2005-03-05 di Wayback Machine.
Geology and History of the Nile Archived 2006-05-09 di Wayback Machine.
Nile Delta from Space
Facts About The Nile River
Photo Gallery from a cruise between Luxor and Aswan Archived 2006-03-28 di Wayback Machine.
An excellent essay about the challenges of equitably allocating the waters of the Nile