Batang Nil

Dari Wikipedia baso Minang, ensiklopedia bebas
Loncat ke navigasi Loncat ke pencarian

Batang Nil di Afrika adolah sungai nan tapanjang di Bumi. Batang Nil panjangnyo 6.650 km atau 4.132 mil sarato tabantang di sambilan negara yaitu : Ethiopia, Zaire, Kenya, Uganda, Tanzania, Rwanda, Burundi, Sudan, Sudan Selatan jo Mesir. Karano sungai Nil artinyo dalam sijarah bangsa Mesir (terutama Mesir kuno) maka sungai Nil identik dengan Mesir.

Sungai Nil punyo peran nan paliang penting dalam peradaban, kehidupan jo sijarah bangsa Mesir sajak ribuan tahun nan lalu. Salah satu sumbangan dari sungai Nil adolah kamampuannyo dalam manghasilkan tanah subur sabagai hasil sedimentasi di sepanjang daerah aliran sungainyo. Tanah nan subur iko mamungkinkan panduduak Mesir mangambangan pertanian jo paradaban sajak ribuan tahun nan lampau.

Etimologi[suntiang | suntiang sumber]

Namo sungai Nil barasa dari bahasa Yunani Νείλος Neilos nan artinyo sacaro harafiah adolah "lembah sungai".

Sumber Aia[suntiang | suntiang sumber]

Peta Sungai Nil

Mato aia Nil barasa dari wilayah danau di Rwanda jo Burundi modern. Sumber-sumber iko mangalia ka D. Victoria, dan dari iko sabuah batang aia mangalia ka D. Albert (D. Mobutu Sese Seko); labiah ka utara aliran iko tanamo jo Batang Nil Putiah. Di Khartoum, Batang Nil Putiah basatu jo Batang Nil Biru nan takah aia tajun maalia ka bawah dari pegunungan di Etiopia bagian utara. Di sabalah utara Khartoum, batang itu membentuak induk Batang Nil, dan manarimo aia dari satu-satunya batang nan gadang lain, Batang Atbara, nan basatu jo Batang Nil kiro-kiro 300 km di sabalah timur laut Khartoum. Batang Nil mangalia bakelok-kelok malalui dataran tinggi Sudan bagian utara nan kariang, malewati anam hamparan batu granit kareh nan mambantuak anam riam antaro Khartoum jo Aswan nan marupoan bateh antaroa wilayah Nubia jo Mesir kuno. Akhirnyo, katiko kahilangan banyak aianyo karano penguapan dek sinar matahari nan angek bana jo karano kabutuhan untuak aia sawah Mesir, kiro-kiro 2.700 km di sabalah utara Khartoum, Batang Nil bamuaro di Lauik Tengah.

Delta Nil[suntiang | suntiang sumber]

Lembah Nil agak sampik hampa di sapanjang aliran Batang Nil. Di Nubia batang aia tu sabagian gadang manalia malalui ngarai nan kaduo sisinyo babateh jo gurun. Di sabelah utara Aswan, di daerah nan dulu adolah Mesir Hulu, Batang Nil maleba, tapi tabiang nan terjal di keduo sisinyo indak pernah bajarak labiah dari kiro-kiro 20 km. Tapi, persis di wilayah sabelah utara Kairo modern, batang aia tu tabagi manjadi duo cabang utamo, nan kini disabuik Batang Rosetta jo Batang Damietta, manuruik namo kota-kota bandar nan talatak di muaro keduo cabang batang iko di pasisia Lauik Tengah. Pacabangan Batang Nil iko mambantuak Delta Nil nan berawa-rawa. Pado zaman hulu, Batang Nil punyo cabang-cabang lain; para sajarawan jo ahli geografi Yunani klasik menyabuikan adonyo limo sampai tujuah cabang. Belakangan, cabang-cabang batang aia ko jo babarapo saluran aianyo tatutuik endapan lumpua sahinggo mengetek

Pranala lua[suntiang | suntiang sumber]