Soeara Parindra
Soeara Parindra adolah surek kaba resmi yang pernah ado di Indonesia. Soeara Parindra marupokan badan resmi yang dibantuk oleh Partai Indonesia Raya sabulan sasudah Kongres pamungkas Budi Utomo yang diadokan pado tanggal 24-26 Desember 1935, yang basamoan dengan lahianyo Partai Indonesia Raya. Soeara Parindra bakewajiban manjalankan visi dan misi partainyo untuak mambukak jalan masyarakat ka arah kemajuan yang cocok dengan kepribadian dan dasar masyarakat Indonesia[1]. Redaksi bakantua di Boeboetan Koelon 1/6 Surabaya, sakaligus sabagai sekretariat Parindra. Tapek bulan Maret 1936, Soeara Parindra bapindah kantua ka Ketandan 19 Surabaya[2]
Biaya Balangganan[suntiang | suntiang sumber]
Anggota Parindra yang nio balangganan cukuik mambayia f 1.20 per tahunnyo. Sadangkan masyarakat yang dak anggota harus mambayia sabanyak f 2.40 per tahun. Untuak pambaco dari lua nagari diagiah harago sagadang f 2.75 per tahun jikok nio manikmati sajian Soeara Parindra tiok bulannyo.[2]
Sepak Terjang[suntiang | suntiang sumber]
Soeara Parindra ma adoan publikasi partamo pado Januari 1936 jo ma angkek tema "Madjallah Partai Indonesia Raja". Sabagai pananggungjawab redaksi diangkeklah Roeslan Wongsokoemo dari Serikat Madura. Yang tagabung dalam bidang redaksi cukuik banyak, diantaranyo Soetomo, Soetodjo, Soedirman, Nadjamoedin, Pamoedji, Biles Marde, Mohammad Sofwanhadi, Imam Soepardi, Kotjo Soengkono, Soenarko, dan Soekardjo Wirjopranoto.[2]
Salain ma angkek parihal Parindra, surek kaba ko acok juo ma angkek barito-barito aktual mangenai politik, barito Internasional seperti Adolf Hittler, Fasisme Benito Mussolini di Italia, Sosialisme di Rusia, dan lainnyo. Salain itu, Soeara Parindra acok juo mambahas pamasalahan di daerah-daerah cabang Parindra, yang dikameh dalam bantuk "Berita Tjabang."[2]
Di tahun kaduonyo, 1937, bagian redaksi Soeara Parindra diambik alih oleh Katua Umum Parindra, Dr. Soetomo. Susunan redaksi pun dipangkeh dan hanyo manyisokan Soetomo, Roeslan Wongsokoesoerno, Mohammad Sofwanhadi, dan Imam Soepardi. Harago balangganan untuk anggota Parindra pun digeratisan.[3]
Kamunduran dan Kabangkrutan[suntiang | suntiang sumber]
Pado 30 mei 1938, Soetomo maningga dunia. Sajalan jo itu dunia pagerakkan nasional baduko. Tanpa pimpinan Soetomo, Parindra dan surek kaba nyo taruih bajalan basamo gerak juang pagerakan nasional. Mamasuki tahun 1940, kabaradaan Soeara Parindra di ujuang tanduak. Anggota redaksi pun samakin hari samakin manyusuik dan hanyo manyisokan duo urang, antaro lain Roeslan Wongsokoesoemo dan Soekardjo Wirjopranoto. Tapek di panghujuang bulan Desember 1940 Soeara Parindra akhirnyo guluang tika.[3]
Rujuakan[suntiang | suntiang sumber]
- ↑ Rahzen, Taufik (2007). Seabad Pers Kebangsaan (1907-2007). Jakarta Pusat: I:BOEKOE. pp. 481. ISBN 978-979-1436-02-1.
- ↑ a b c d Rahzen, Taufik (2007). Seabad Pers Kebangsaan (1907-2007). Jakarta Pusat: I:BOEKOE. pp. 482. ISBN 978-979-1436-02-1.
- ↑ a b Rahzen, Taufik (2007). Seabad Pers Kebangsaan (1907-2007). Jakarta Pusat: I:BOEKOE. pp. 483. ISBN 978-979-1436-02-1.