Fasisme

Wikipedia Minangkabau - Lubuak aka tapian ilimu

Fasisme adolah ideologi nan didasaan pado prinsip kapamimpinan jo otoritas nan absolut nan mano parintah pamimpin jo kapatuahan balaku tanpa pangacualian. Pantiang bana untuak ideologi fasis, karano ideologi ko salalu mambayangkan adonyo musuah, sainggo pamimpin jo tantara aruih kuaik manjago negara. Gerakan iko mampunyoi satu tujuan: mahancuan musuah, di mano musuah dikontruksikan dalam karangko konspirasi atau ideologi lain. Dalam caro bapikia fasis, musuah barado di mano-mano, baiak di madan parang maupun dalam bangso surang sabagai elemen nan indak sasuai jo ideologi fasis. Dalam ideologi fasis, akibaiknyo adolah individualisitas manusia ilang, jo pangikuik manjadi massa nan saragam di mano individu hanyo manjadi alaik untuak mancapai tujuan garakan fasis tasabuik.

Garakan fasis tamasuak adolah garakan radikal ideologi nasionali otoriter politik. Dalam ideologo fasis, massa indak dibulihan mampunyoi identitas nan baragam jo wajib saragam. Individualitas ilang karano kabhinekaan dilarang, ancuanyo identitas individu badampak massa mangambang nan dipimpin dek pamimpin kharismatik jo kakuasaan absolut.