Budi Utomo
bahaso Balando: Boedi Oetomo | |
| Tanggal pandirian | 20 Mei 1908 |
|---|---|
| Tanggal pambubaran | 1935 |
| Tipe | Organisasi nasionalis |
Budi Utomo (ejaan lamo: Boedi Oetomo), aratinyo "Budi Nan Utamo", adolah gerakan politik pribumi paling patamo nan muncul di Hindia Balando.[1] Gerakan iko dianggap sabagai pamantik dari awal mulonyo Kebangkitan Nasional Indonesia.
Sijarah
[suntiang | suntiang sumber]Budi Utomo ditagakan pado 20 Mei 1908, dan marupoan gerakan politik pribumi paling patamo nan ado di Hindia Balando. Para pandiri Budi Utomo adolah pensiunan doktor di pamarentahan nan maraso bahasonyo para intelektual pribumi musti maningkekan pandidikan dan budaya di kalangan masyarakaik.[2] Gerakan iko maadoan kongureh patamonyo pado Mei 1908.[3] Kongureh tersebut samacam partamuan mahasiswa-mahasiswa di Batavia. Pamimpin patamo Budi Utomo adolah Dr. Wahidin Soedirohoesodo, tapi sasudah partamuan gadang patamo di Yogyakarta pado Oktober 1908, inyo mangunduran diri untuak maagiah kasempatan ka urang nan labiah mudo.
Sikap Pamarentah Hindia Balando toleran terhadap kabangkitan dan parkambangan nasionalisme Indonesia. Budi Utomo indak punyo daya tarik atau mamiliki massa nan signifikan dan mereka maanggap kagiatan nasionalis di dekade patamo abaik ka-20 adolah dampak alami dari kabijakan Politik Etis, nan manakanan pantiangnya manjago kasejahteraan rakyat.[rujuakan?]
Anggota Budi Utomo barasa dari elit kelas atas pribumi, pajabaik pamarentah dan intelektual, sabagian gadang manetap di Jawa dan urang Jawa. Kagiatan utamo gerakan iko mandorong pamajuan pendidikan rakyat. Babarapo cabang mangambangan gerakannyo di bidang pardagangan jo industri pribumi. Tjipto Mangoenkoesoemo, nan kudian managaakan National Indische Partij nan labiah radikal, mampalueh cakupan gerakan iko sahinggo dapek manjangkau labiah banyak kelas pekerja, dan juo mampalueh wilayahnyo ka saluruh Hindia Balando di lua Jawa.[4] Kaorganisasian Budi Utomo mangalami partumbuhan nan capek. Pado tahun 1910 inyo alah mamiliki 10.000 anggota nan terdaftar di 40 cabang.[3] Pado maso nan samo, inyo mandapek pangakuan resmi dari pamarentah kolonial.[5]
Tujuan utamo Budi Utomo pado awalnyo indak mangarah ka politik. Namun, sacaro bertahap, inyo mulai manunjuakan kacenderungan politik sairiang adonyo perwakilan organisasi iko di Volksraad (Dewan Rakyat) nan konservatif dan di dewan provinsi di Jawa. Budi Utomo sacaro resmi dibubaran pado tahun 1935, tapi kabaradoannyo alah manjadi awal tumbuahnyo gerakan nasionalis di awal abaik ka-20. Sasudah dibubaran, babarapo anggota bagabuang dengan partai politik gadang sangkek itu, yakni Partai Indonesia Raya (Parindra) nan moderat. Sasuai jo pandangan Budi Utomo, para mantan anggota—baik di Volksraad maupun Parindra—manuntuik panggunoan bahasa Indonesia untuak sado pernyataan nan sipaiknyo publik.[6]
Manjadian Budi Utomo sabagai titiak lahirnya nasionalisme modern di Indonesia manimbulan kontroversi. Meskipun banyak panaliti satuju bahwa Budi Utomo kamungkinan adolah organisasi politik pribumi modern patamo,[7] muncul banyak pardebatan tantang duduak tagaknyo sabagai organisasi nasionalis. Sabagai contoh, dalam novel-novelnyo, Pramoedya Ananta Toer mancaliak komposisi Budi Utomo adolah eksklusif aristokrat dan laki-laki.[8]
Ariel Heryanto[9] mampatanyoan nasionalisme Budi Utomo, maingek kabaradoannya mandapek pangakuan rezim Balando. "Dek watak [Budi Utomo] nan sangaik konservatif, pamarentah kolonial Belanda manoleransi[-nyo]".[8] Heryanto maagiah parbandingan pado asosiasi Muslim nan "labih populis dan egaliter" (Sarekat Dagang Islamiyah), nan lahia babarapo tahun sabalunnyo, sabagai organisasi nan labiah nasionalis sejati: organisasi nan dilarang dek Belanda. Baa Budi Utomo bisa distempel sabagai organisasi nasionalis patamo dek karano pamarentah maso kini hanyo mambeo sijarah versi kolonial.[8]
Warisan
[suntiang | suntiang sumber]Hari lahia Budi Utomo pado 20 Mei 1908, alah secaro resmi dirayoan sabagai Hari Kabangkitan Nasional di Indonesia sajak tahun 1948.[10]
Museum Kebangkitan Nasional di Jakarta diparuntuakan untuak mamparingati Kebangkitan Nasional Indonesia, tarutamo dek bangunan itu adolah bakeh instutusi STOVIA nan dianggap mamiliki kaitan dengan kalahiran Budi Utomo. Bangunan iko awalnyo dibagi manjadi empat museum: Museum Budi Utomo, Museum Wanita, Museum Pers, jo Museum Kesehatan dan Kedokteran. Pado tanggal 7 Februari 1984, kaampek museum tersebut digabuang manjadi Museum Kebangkitan Nasional.[11]
Rujuakan
[suntiang | suntiang sumber]- ↑ Suhartono (1994). Sejarah Pergerakan Nasional dari Budi Utomo sampai Proklamasi 1908-1945. Yogyakarta: Pustaka Pelajar. pp. 32. ISBN 9789798581083.
- ↑ Vickers, Adrian. 2005. A History of Modern Indonesia, Cambridge, UK: Cambridge University Press, p. 73
- ↑ a b cf. Vandenbosch (1931).
- ↑ Indïes was the popular term coined by the Dutch East Indies government to indicate the inhabitants of the Netherlands East Indïes.
- ↑ Nasution, Abdul Muluk (1981) (dalam bahaso id). Pemberontakan Sarikat Rakyat Silungkang, Sumatera Barat, 1926-1927: pengalaman perjuangan dalam merintis kemerdekaan. Mutiara. https://books.google.com/books?id=_29FGQAACAAJ&newbks=0&hl=en.
- ↑ Mrazek, Rudolf. 2002. Engineers of Happy Land: Technology and Nationalism in a Colony, Princeton, NJ: Princeton University Press. p. 33
- ↑ cf. Mrazek, p. 89
- ↑ a b c Heryanto, Ariel. 2008. "Questioning the relevance of national awakening today," The Jakarta Post, May 21, 2008. Archived at "Ariel Heryanto\'s Blog » on "national awakening"". Diarsipkan dari versi asli tanggal July 21, 2008. Diakses tanggal June 17, 2008.
- ↑ Convenor, Indonesia Studies, University of Melbourne
- ↑ Abdullah, Taufik (2009). Indonesia: Towards Democracy. Institute of Southeast Asian Studies. p. 18. ISBN 9789812303660. https://books.google.com/books?id=c39TDpLki8wC&pg=PA18. Diakses pado 18 Mai 2018.
- ↑ Egidius Patnistik (July 17, 2008). "Menelusuri Jejak Boedi Oetomo di Museum Kebangkitan Nasional". KOMPAS (dalam bahasa Indonesia). Diakses tanggal February 12, 2013.
Daftar pustaka
[suntiang | suntiang sumber]- Kahin, George M. 1952. Nationalism and Revolution in Indonesia. Ithaca: Cornell University Press.
- Amry Vandenbosch (1931). "Nationalism in Netherlands East India". Pacific Affairs. Pacific Affairs, Vol. 4, No. 12. 4 (12): 1051–1069. doi:10.2307/2750579. JSTOR 2750579.
Pautan lua
[suntiang | suntiang sumber]- Peter Lowensteyn, "Indonesia Between 1908 and 1928: New Nationalism"