Sirajuddin Abbas

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sirajuddin Abbas
SiradjuddinAbbas.jpg
Lahia 20 Mei 1905
Bendera Balando Bangkaweh, Kabupaten Agam, Hindia Balando
Wafaik 5 Agustus 1980 (umua 75)
Kabangsaan Bendera Indonesia Indonesia
Karajo Ulama, pilitisi
Dikana dek Mantari Indonesia
Agamo Islam
Urang tuo Syekh Haji Abbas Qadli
Ramalat binti Jai Bengkawas

K.H. Sirajuddin Abbas (lahia di Bangkaweh, Kabupaten Agam, Hindia Balando, 20 Mei 1905 – maningga 5 Agustus 1980 pado umua 75 taun) adolah surang ulama, politisi sarato pajuang kamardekaan nan kudian manjadi mantari sasudah Indonesia mardeka.

Sirajuddin Abbas dikana sabagai surang ulama Syafi'iyah sarato tokoh utamo Perti. Baliau pernah pulo disarahi amanah sabagai Mantari Kasejahteraan Umum dalam Kabinet Ali Sastroamidjojo I nan balangsuang dari tanggal 30 Juli 1953 sampai 12 Agustus 1955. Baliau manggantian Sudibjo nan maunduran diri.

Sabagai surang ulama, baliau sangek gigiah dalam mampatahankan mazhab Ahlussunnah wal Jamaah, khusuihnyo mazhab Syafi'i dalam bidang ilmu fikih.

Riwayaik iduik[suntiang | suntiang sumber]

Maso ketek[suntiang | suntiang sumber]

Sirajuddin Abbas adolah anak suluang dari Syekh Haji Abbas Qadli atau nan labiah dikana Syekh Abbas bin Abdi Wahab bin Abdul Hakim Ladang Lawas, jo ibu banamo Ramalat binti Jai Bengkawas. Baliau patamo kali mampalajari ilmu agamo dari ayahnyo, kudian manaruihan baraja ka ulama-ulama lain nan ado di wilayah Minangkabau.

Marantau[suntiang | suntiang sumber]

Masih alun pueh jo ilmu nan didapek-an dari ulama-ulama nan ado di Minangkabau, baliau mampadalam ilmunyo ka kota Makkah. Salamo anam taun inyo baraja di Makkah, sakaligus manunaian ibadah haji satiok tahunnyo (7 kali) di salo-salo wakatu barajanyo. Pado taun 1930 baliau diangkek manjadi staf sekretariat pado konsultan Balando di Arab Saudi. Salain itu baliau banyak pulo bakenalan jo para palajar dari kalangan Malayu maupun dari balahan dunia lainnyo.

Rujuakan[suntiang | suntiang sumber]

Pautan lua[suntiang | suntiang sumber]