Sindrom Serotonin

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Sindrom serotonin adolah kondisi katiko kadar serotonin dalam tubuh talampau banyak. Kondisi iko tajadi kalau saurang mengkonsumsi ubek nan dapek meaingkekan kadar serotonin. Serotonin adolah senyawa kimia alami nan dihasiakan dek sistem saraf. Senyawa iko dibutuhkan dalam maatur aliran darah, suhu tubuh, sistem pencernaan, jo sistem parnapasan. Serotonin baperan dalam manjago fungsi sel sel utak. Tapi, kadar serotonin nan talalu banyak dapek mamicu sajumlah gejala, nan dapek baakibaik fatal katiko indak ditangani.[1]

Panyebab jo Faktor Risiko Sindrom Serotonin[suntiang | suntiang sumber]

Sindrom serotonin disebabkan kadar serotonin nan balabiahan dalam tubuh. Kondisi tasabuik tajadi katiko saurang mangkonsumsi ubek nan dapek maningkekan kadar serotonin. Risiko terserang sindrom serotonin labiah gadang apobilo saurang mangkonsumsi duo ubek atau labiah sacaro basamoan.

Tadapek banyak jinih ubek nan dapek maningkekan kadar serotonin, di antaronyo:

  • Obat untuk mengobati depresi, sarupo fluoxetine, venlafaxine, jo amitriptyline.
  • Obat pereda nyeri, antaro lain codeine, fentanyl, oxycodone, jo tramadol.
  • Obat untuk penyakit bipolar, misalnyo lithium.
  • Obat untuk HIV/AIDS, antaro lain nevirapine jo efavirenz.
  • Obat untuk muntah, misalnyo granisetron, metoclopramide, jo ondansentron.
  • Obat batuk, terutamo nan manganduang dextromethorphan.
  • Obat sakit kepala sebelah atau migrain, misalnyo sumatriptan.
  • NAPZA, antaro lain amfetamin, ekstasi, kokain, jo LSD.
  • Suplemen herba, sarupo ginseng.

Diagnosis Sindrom Serotonin[suntiang | suntiang sumber]

Dokter dapek manduga pasien manderita sindrom serotonin bilo tadapek sajumlah gejala nan alah dijalehan sabalumnyo. Tapi untuak mamastiannyo, dokter akan mananyokan riwayaik medis pasien, tamasuak ubat-ubakan jo suplemen nan dikonsumsi.

Sasudah mangatahui gejala jo riwayaik medis pasien, dokter akan menetapan diagnosis sindrom serotonin, jikok tadapek sajumlah tando barikuik:[2]

  • Klonus. Klonus adolah kontraksi otot nan tajadi tanpa disangajo, mamicu gerakan nan indak takandali. Klonus dapek tajadi pado mato, disaratoi gelisah atau karingek dingin.
  • Tremor. Tremor adolah gerakan tubuh nan indak takandalian.
  • Hiperrefleksia. Hiperrefleksia marupokan reaksi sistem saraf nan balabiahan katiko manarimo rangsangan.
  • Hipertonia. Hipertonia adolah kondisi nan ditandoi jo maningkeknyo katagangan otot, sarato manurunnyo kamampuan otot untuak maragang.

7 Gejala Sindrom Serotoni

  1. Parubahaan kaadaan mental
  2. Diare jo mual
  3. Tulang taraso kaku
  4. Tremor atau parubahan reflek
  5. Bakaringek atau damam
  6. Hipotermia, Syok
  7. Muluik Kariang

Pengobatan Sindrom Serotonin[suntiang | suntiang sumber]

Pengobatan sindrom serotonin argantuang kapado tingkek kaparahan gejala nan dialami. Bilo gejala ringan, dokter hanyo akan mampartimbangkan untuak mangganti ubek, manurunan dosis, atau mahantikan panggunoan ubek panyabab sindrom serotonin. Sadangkan bilo gejala cukuik parah, pasien paralu manjalani rawat inap.[3]

Salain maninjau baliak ubek-ubekan nan dapek manimbuakan sindrom serotonin, dokter dapek maagiahkan babarapo ubek untuk manangani sindrom serotonin, yaitu:

  • Obat pelemas otot. Ubek untuak maredakan kajang, misalnyo diazepam atau lorazepam.
  • Obat pengendali tekanan darah. Bila tekanan darah pasien manjadi talalu randah, dokter akan maagiahkan epinephrine.
  • Obat penghambat produksi serotonin. Ubek panhambek produksi serotonin, sarupo cyproheptadine, digunokan bilo jinih ubek lain indak mampu maredakan gejala.

Salain maagiahkan ubek, pangobatan pandukuang dapek dilakukan jo pambarian oksigen tambahan jo infus pangganti cairan tubuh. Pambarian tambahan oksigen malalui selang atau masker oksigen dilakukan untuak manjago kadar oksigen dalam darah. Sadangkan infus cairan dilakukan untuak mangganti cairan nan hilang akibaik dehidrasi jo damam. Pado kondisi nan barek, bukan hanyo oksigen, pasien dapek mamaralukan masin bantu napas.

Gejala sindrom serotonin ringan dapek hilang dalam 1 sampai 3 hari, sasudah baranti mangkonsumsi ubek nan maningkekan kadar serotonin. Namun, gejala nan dipicu dek konsumsi ubek untuak depresi, butuh babarapo minggu untuak hilang sapanuahnyo. Hal iko karano efek ubek tasabuok di dalam tubuah batahan labiah lama, dibandiangkan ubek lain nan dapek manaikan kadar serotonin.

Rujuakan[suntiang | suntiang sumber]


  1. "Sindrom Serotonin". Alodokter. 2019-01-18. Diakses tanggal 2020-04-14. 
  2. "Kenali 7 Gejala Sindrom Serotonin yang Bisa Mengancam Nyawamu!". Tribun Wow (dalam bahasa Indonesia). Diakses tanggal 2020-04-14. 
  3. "Sindrom Serotonin". detikHealth (dalam bahasa Indonesia). Diakses tanggal 2020-04-14.