Depresi
 | Artikel ko indak ado rujuakan sumber tapicayo jadi isinyo indak dapek dipastian. Bantulah mamelok-i artikel ko jo manambahkan rujuakan nan layak. Artikel nan indak dapek diverifikasi ka dihapuih bilo-bilo maso dek Panguruih. |
 | Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis. Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor. Kok Sanak paralu bantuan atau ka barubek bakonsultasilah jo tanago kasihatan profesional. |
Depresi adolah suatu kondisi medis barupo raso sadiah nan badampak negatif tahadok pikiran, tindakan, parasoan, jo kasihatan mental sasaorang.[1] Kondisi depresi adolah rekasi normal, sadangkan tahadok kajadian-kajian hiduik cando kailangan urang tacinto. Depresi iyolah dapek marupoan gujalo dari sabuah panyakik fisik jo efek sampiang dari panggunoan ubek dan parawatan medis tatantu. Dalam kaitannyo jo gangguan-gangguan mental nan lain, depresi dapek juo manjadi gujalo dari gangguan kajiwaan takah gangguan depresi mayor jo distimia.[2]
Sacaro galobal, dipakiroan 264 juta urang takanai depresi. 1% labiah banyak padusi nan kanai daripado laki-laki. Urang nan dalam kondisi depresi umumnyo maraso sadiah, cameh, atau kosong; inyo juo condoang maraso takuruang dalam kondisi nan indak dapek diarok, indak ado patolongan, panuah panolakan, atau parasoan indak baharago. Gujalo-gujalo lain nan dapek bangkik adolah raso basalah, murah tasingguang, atau murah berang.[3][4] Labiah lanjuik, individu nan sadang depresi dapek juo maraso malu atau kalusuak.
Salain parubahan suasano hati, individu jo gujalo depresi condoang kailangan minaik untuak malakukan aktivitas-aktivitas nan sabalunnyo inyo anggap manyanangkan; kailangan napasu makan atau sabaliaknyo, makan jo porsi nan balabiah. Pandarito juo maraso sulik untuak bakonsentrasi, maingek detil-detil umum, mambuek kaputusan, ataupun sadang sulit dalam bahubuangan jo urang lain. Pangalaman-pangalaman ko dapek jo mandorong individu untuak mancubo bunuah diri.
Gujalo imsomnia, hipersomnia, litak, kasakitan, gangguan pencernaan, jo stamina nan manurun jo acok disobokan pado individu dalam kondisi depresi.[5]
Faktor panyabab
[suntiang | suntiang sumber]Panyabab suatu kondisi depresi maliputi:
- Faktor organobiologis karano indak ado kasaimbangan neurotransmiter di utak tarutamo serotonin
- Faktor psikologis karano takanan baban psikis, dampak pambalajaranparilaku tahadok suatu situasi sosial
- Faktor sosio-lingkuangan misalnyo karano kahilangan pasangan hiduik, kahilangan karajo, paska bancano, dampak situasi kahidupan sahari-hari lainnyo.
Manuruik Diagnostic and Statistical Manual IV-Text Revision (DSM IV-TR) (American Psychiatric Assosiation,2000), sasaorang mandarito gangguan depresi jika: A. Limo (atau labiah) gujalo di bawah talah ado salamo pariode duo minggu dan parubahan dari keadaan biaso sasaorang; sakurangnyo salah satu gujalo harus (1) emosi depresi atau (2) kahilangan minaik atau kamampuan manikmati sasuatu.
- Kaadaan emosi depresi/tatakan sabagian gadang wakatu dalam sahari, ampia satiok hari, nan ditandoi dek laporan subjektif (misal: raso sadiah atau ampo) atau pantauan urang lain (misal: taliek sarupo nio manangih)
- Kahilangan minat atau raso nikmat tahadok sadalahnyo, atau hampia sadoalah padok dalam sabagian banyak wakatu dalam sahari, hampia satiok hari (ditandoi dek laporan subjektif atau pantauan urang lain)
- Hilangnyo barek badan nan nyato katiko indak mangarajoan diet atau batambahnyo barek badan sacaro nyato (misa: parubahan barek badan labiah dari 5% barek badan sabalunnyo dalam sabulan)
- Insomnia atau hipersomnia hampia satiok hari.
- Kalusuak atau katalambatan psikomotor hampia satiok hari (dapek dicaliak dek urang lain, indak hanyo raso subjektif akan kalusuak atau maraso lambek)
- Raso latiah atau kahilangan kakuatan hampia satiok hari
- Raso indak baharago atau raso basalah nan bakalabiahan atau indak wajar (bisa marupoan delusi), dan mangiro baso sumber dari satiok masalah adolah dirinyo
- Bakurangnyo kamampuan untuak bapikia
Rujuakan
[suntiang | suntiang sumber]- ↑ "What Is Depression?". www.psychiatry.org.
- ↑ Diagnostic and Statistical Manual of Mental Disorders, Fifth Edition (DSM-5). American Psychiatric Association. 30 April 2013.
- ↑ "Irritability, Anger Indicators of Complex, Severe Depression". Medscape.
- ↑
"Depression (major depressive disorder)".
Angry outbursts, irritability or frustration, even over small matters
- ↑ "NIMH · Depression". nimh.nih.gov. National Institute of Mental Health. Diarsipkan dari versi asli tanggal 2013-06-11. Diakses tanggal 15 October 2012.
6. "Mental helt" https://www.who.int/news-room/fact-sheets/detail/depression